២-១. វេទនាត្តិក-កុសលត្តិកំ

២៧. នសុខាយ វេទនាយ សម្បយុត្តំ នកុសលំ ធម្មំ បច្ចយា សុខាយ វេទនាយ សម្បយុត្តោ កុសលោ ធម្មោ ឧប្បជ្ជតិ ហេតុបច្ចយា. នសុខាយ វេទនាយ សម្បយុត្តំ នកុសលំ ធម្មំ បច្ចយា អទុក្ខមសុខាយ វេទនាយ សម្បយុត្តោ កុសលោ ធម្មោ ឧប្បជ្ជតិ ហេតុបច្ចយា. ទ្វេ.

នទុក្ខាយ វេទនាយ សម្បយុត្តំ នកុសលំ ធម្មំ បច្ចយា សុខាយ វេទនាយ សម្បយុត្តោ កុសលោ ធម្មោ ឧប្បជ្ជតិ ហេតុបច្ចយា. នទុក្ខាយ វេទនាយ សម្បយុត្តំ នកុសលំ ធម្មំ បច្ចយា អទុក្ខមសុខាយ វេទនាយ សម្បយុត្តោ កុសលោ ធម្មោ ឧប្បជ្ជតិ ហេតុបច្ចយា. ទ្វេ.

នអទុក្ខមសុខាយ វេទនាយ សម្បយុត្តំ នកុសលំ ធម្មំ បច្ចយា អទុក្ខមសុខាយ វេទនាយ សម្បយុត្តោ កុសលោ ធម្មោ ឧប្បជ្ជតិ ហេតុបច្ចយា. នអទុក្ខមសុខាយ វេទនាយ សម្បយុត្តំ នកុសលំ ធម្មំ បច្ចយា សុខាយ វេទនាយ សម្បយុត្តោ កុសលោ ធម្មោ ឧប្បជ្ជតិ ហេតុបច្ចយា. ទ្វេ. (ចត្តារិ គណិតកេន ទ្វេ ទ្វេ បញ្ហា កាតព្ពា.) ហេតុយា ចុទ្ទស.

២៨. នសុខាយ វេទនាយ សម្បយុត្តំ នអកុសលំ ធម្មំ បច្ចយា សុខាយ វេទនាយ សម្បយុត្តោ អកុសលោ ធម្មោ ឧប្បជ្ជតិ ហេតុបច្ចយា. នសុខាយ វេទនាយ សម្បយុត្តំ នអកុសលំ ធម្មំ បច្ចយា ទុក្ខាយ វេទនាយ សម្បយុត្តោ អកុសលោ ធម្មោ ឧប្បជ្ជតិ ហេតុបច្ចយា. ហេតុយា ឯកវីស.

២៩. នសុខាយ វេទនាយ សម្បយុត្តោ នអព្យាកតោ ធម្មោ សុខាយ វេទនាយ សម្បយុត្តស្ស អព្យាកតស្ស ធម្មស្ស អារម្មណបច្ចយេន បច្ចយោ… អារម្មណេ ចុទ្ទស.