១-៩៩. កុសលត្តិក-សឧត្តរទុកំ

៣៥. នកុសលំ នសឧត្តរំ ធម្មំ បដិច្ច អព្យាកតោ សឧត្តរោ ធម្មោ ឧប្បជ្ជតិ ហេតុបច្ចយា. នអកុសលំ នសឧត្តរំ ធម្មំ បដិច្ច អព្យាកតោ សឧត្តរោ ធម្មោ ឧប្បជ្ជតិ ហេតុបច្ចយា. នអព្យាកតំ នសឧត្តរំ ធម្មំ បដិច្ច អព្យាកតោ សឧត្តរោ ធម្មោ ឧប្បជ្ជតិ ហេតុបច្ចយា. នអកុសលំ នសឧត្តរញ្ច នអព្យាកតំ នសឧត្តរញ្ច ធម្មំ បដិច្ច អព្យាកតោ សឧត្តរោ ធម្មោ ឧប្បជ្ជតិ ហេតុបច្ចយា. នកុសលំ នសឧត្តរញ្ច នអកុសលំ នសឧត្តរញ្ច ធម្មំ បដិច្ច អព្យាកតោ សឧត្តរោ ធម្មោ ឧប្បជ្ជតិ ហេតុបច្ចយា. ហេតុយា បញ្ច.

នកុសលំ នអនុត្តរំ ធម្មំ បច្ចយា កុសលោ អនុត្តរោ ធម្មោ ឧប្បជ្ជតិ ហេតុបច្ចយា… (សំខិត្តំ.) ហេតុយា ឆ…បេ… វិបាកេ តីណិ…បេ… អវិគតេ ឆ.