ធម្មបច្ចនីយានុលោមេ ទុកតិកបដ្ឋានំ

១-១. ហេតុទុក-កុសលត្តិកំ

១. នហេតុំ នកុសលំ ធម្មំ បច្ចយា ហេតុ កុសលោ ធម្មោ ឧប្បជ្ជតិ ហេតុបច្ចយា. នហេតុំ នកុសលំ ធម្មំ បច្ចយា នហេតុ កុសលោ ធម្មោ ឧប្បជ្ជតិ ហេតុបច្ចយា. នហេតុំ នកុសលំ ធម្មំ បច្ចយា ហេតុ កុសលោ ច នហេតុ កុសលោ ច ធម្មា ឧប្បជ្ជន្តិ ហេតុបច្ចយា. ហេតុយា តីណិ.

នហេតុំ នអកុសលំ ធម្មំ បច្ចយា ហេតុ អកុសលោ ធម្មោ ឧប្បជ្ជតិ ហេតុបច្ចយា… ហេតុយា តីណិ.

២. នហេតុំ នអព្យាកតំ ធម្មំ បដិច្ច នហេតុ អព្យាកតោ ធម្មោ ឧប្បជ្ជតិ ហេតុបច្ចយា. ននហេតុំ នអព្យាកតំ ធម្មំ បដិច្ច នហេតុ អព្យាកតោ ធម្មោ ឧប្បជ្ជតិ ហេតុបច្ចយា. នហេតុំ នអព្យាកតញ្ច ននហេតុំ នអព្យាកតញ្ច ធម្មំ បដិច្ច នហេតុ អព្យាកតោ ធម្មោ ឧប្បជ្ជតិ ហេតុបច្ចយា. ហេតុយា តីណិ.

២-៤-១. សហេតុកាទិទុកានិ-កុសលត្តិកំ

៣. នសហេតុកំ នកុសលំ ធម្មំ បច្ចយា សហេតុកោ កុសលោ ធម្មោ ឧប្បជ្ជតិ ហេតុបច្ចយា. ហេតុយា ឯកំ.

នសហេតុកំ នអកុសលំ ធម្មំ បច្ចយា សហេតុកោ អកុសលោ ធម្មោ ឧប្បជ្ជតិ ហេតុបច្ចយា. ហេតុយា ឯកំ.

៤. នសហេតុកំ នអព្យាកតំ ធម្មំ បដិច្ច អហេតុកោ អព្យាកតោ ធម្មោ ឧប្បជ្ជតិ ហេតុបច្ចយា. នអហេតុកំ នអព្យាកតំ ធម្មំ បដិច្ច អហេតុកោ អព្យាកតោ ធម្មោ ឧប្បជ្ជតិ ហេតុបច្ចយា. នសហេតុកំ នអព្យាកតញ្ច នអហេតុកំ នអព្យាកតញ្ច ធម្មំ បដិច្ច អហេតុកោ អព្យាកតោ ធម្មោ ឧប្បជ្ជតិ ហេតុបច្ចយា… ហេតុយា តីណិ.

៥. នហេតុសម្បយុត្តំ នកុសលំ ធម្មំ បច្ចយា….

៦. នហេតុ ចេវ នអហេតុកោ ច នកុសលោ ធម្មោ ហេតុស្ស ចេវ សហេតុកស្ស ច កុសលស្ស ធម្មស្ស អារម្មណបច្ចយេន បច្ចយោ. នហេតុ ចេវ នអហេតុកោ ច នកុសលោ ធម្មោ សហេតុកស្ស ចេវ ន ច ហេតុស្ស កុសលស្ស ធម្មស្ស អារម្មណបច្ចយេន បច្ចយោ. នហេតុ ចេវ នអហេតុកោ ច នកុសលោ ធម្មោ ហេតុស្ស ចេវ សហេតុកស្ស កុសលស្ស ច សហេតុកស្ស ចេវ ន ច ហេតុស្ស កុសលស្ស ច ធម្មស្ស អារម្មណបច្ចយេន បច្ចយោ. តីណិ.

នអហេតុកោ ចេវ នន ច ហេតុ នកុសលោ ធម្មោ ហេតុស្ស ចេវ សហេតុកស្ស ច កុសលស្ស ធម្មស្ស អារម្មណបច្ចយេន បច្ចយោ… តីណិ.

នហេតុ ចេវ នអហេតុកោ នកុសលោ ច នអហេតុកោ ចេវ ននហេតុ នកុសលោ ច ធម្មា ហេតុស្ស ចេវ សហេតុកស្ស ច កុសលស្ស ធម្មស្ស អារម្មណបច្ចយេន បច្ចយោ… តីណិ. (សព្ពត្ថ នវ បញ្ហា.)

៧. នហេតុ ចេវ នអហេតុកោ ច នអកុសលោ ធម្មោ ហេតុស្ស ចេវ សហេតុកស្ស ច អកុសលស្ស ធម្មស្ស អារម្មណបច្ចយេន បច្ចយោ (សំខិត្តំ, នវ បញ្ហា).

នហេតុ ចេវ នអហេតុកោ ច នអព្យាកតោ ធម្មោ ហេតុស្ស ចេវ សហេតុកស្ស ច អព្យាកតស្ស ធម្មស្ស អារម្មណបច្ចយេន បច្ចយោ… តីណិ. (នវ បញ្ហា.)

៥-១. ហេតុហេតុសម្បយុត្តទុក-កុសលត្តិកំ

៨. នហេតុ ចេវ នហេតុវិប្បយុត្តោ ច នកុសលោ ធម្មោ ហេតុស្ស ចេវ ហេតុសម្បយុត្តស្ស ច កុសលស្ស ធម្មស្ស អារម្មណបច្ចយេន បច្ចយោ (សំខិត្តំ, នវ បញ្ហា កាតព្ពា).

នហេតុ ចេវ នហេតុវិប្បយុត្តោ ច នអកុសលោ ធម្មោ ហេតុស្ស ចេវ ហេតុសម្បយុត្តស្ស ច អកុសលស្ស ធម្មស្ស អារម្មណបច្ចយេន បច្ចយោ (សំខិត្តំ, នវ បញ្ហា កាតព្ពា).

នហេតុ ចេវ នហេតុវិប្បយុត្តោ ច នអព្យាកតោ ធម្មោ ហេតុស្ស ចេវ ហេតុសម្បយុត្តស្ស ច អព្យាកតស្ស ធម្មស្ស អារម្មណបច្ចយេន បច្ចយោ… តីណិ. (នវ បញ្ហា កាតព្ពា.)

៦-១. នហេតុសហេតុកទុក-កុសលត្តិកំ

៩. នហេតុំ នសហេតុកំ នកុសលំ ធម្មំ បច្ចយា នហេតុ សហេតុកោ កុសលោ ធម្មោ ឧប្បជ្ជតិ ហេតុបច្ចយា. ហេតុយា ឯកំ.

នហេតុំ នសហេតុកំ នអកុសលំ ធម្មំ បច្ចយា នហេតុ សហេតុកោ អកុសលោ ធម្មោ ឧប្បជ្ជតិ ហេតុបច្ចយា. ហេតុយា ឯកំ.

នហេតុំ នអហេតុកំ នអព្យាកតំ ធម្មំ បដិច្ច នហេតុ អហេតុកោ អព្យាកតោ ធម្មោ ឧប្បជ្ជតិ ហេតុបច្ចយា. ហេតុយា ឯកំ.

៧-១៣-១. ចូឡន្តរទុកានិ-កុសលត្តិកំ

១០. នអប្បច្ចយំ នកុសលំ ធម្មំ បច្ចយា សប្បច្ចយោ កុសលោ ធម្មោ ឧប្បជ្ជតិ ហេតុបច្ចយា. ហេតុយា ឯកំ.

នអប្បច្ចយំ នអកុសលំ ធម្មំ បច្ចយា សប្បច្ចយោ អកុសលោ ធម្មោ ឧប្បជ្ជតិ ហេតុបច្ចយា. ហេតុយា ឯកំ.

នអប្បច្ចយំ នអព្យាកតំ ធម្មំ បដិច្ច សប្បច្ចយោ អព្យាកតោ ធម្មោ ឧប្បជ្ជតិ ហេតុបច្ចយា. ហេតុយា ឯកំ.

១១. នអសង្ខតំ…បេ… (សប្បច្ចយទុកសទិសំ).

១២. នសនិទស្សនំ នកុសលំ ធម្មំ បច្ចយា អនិទស្សនោ កុសលោ ធម្មោ ឧប្បជ្ជតិ ហេតុបច្ចយា. ហេតុយា ឯកំ.

នសនិទស្សនំ នអកុសលំ ធម្មំ បច្ចយា អនិទស្សនោ អកុសលោ ធម្មោ ឧប្បជ្ជតិ ហេតុបច្ចយា. ហេតុយា ឯកំ.

នសនិទស្សនំ នអព្យាកតំ ធម្មំ បដិច្ច សនិទស្សនោ អព្យាកតោ ធម្មោ ឧប្បជ្ជតិ ហេតុបច្ចយា. នសនិទស្សនំ នអព្យាកតំ ធម្មំ បដិច្ច អនិទស្សនោ អព្យាកតោ ធម្មោ ឧប្បជ្ជតិ ហេតុបច្ចយា. នសនិទស្សនំ នអព្យាកតំ ធម្មំ បដិច្ច សនិទស្សនោ អព្យាកតោ ច អនិទស្សនោ អព្យាកតោ ច ធម្មា ឧប្បជ្ជន្តិ ហេតុបច្ចយា. (៣) …ហេតុយា តីណិ.

១៣. នសប្បដិឃំ នកុសលំ ធម្មំ បច្ចយា អប្បដិឃោ កុសលោ ធម្មោ ឧប្បជ្ជតិ ហេតុបច្ចយា.

១៤. នអរូបិំ នកុសលំ ធម្មំ បច្ចយា អរូបី កុសលោ ធម្មោ ឧប្បជ្ជតិ ហេតុបច្ចយា. ហេតុយា ឯកំ.

នអរូបិំ នអកុសលំ ធម្មំ បច្ចយា អរូបី អកុសលោ ធម្មោ ឧប្បជ្ជតិ ហេតុបច្ចយា. ហេតុយា ឯកំ.

នរូបិំ នអព្យាកតំ ធម្មំ បដិច្ច រូបី អព្យាកតោ ធម្មោ ឧប្បជ្ជតិ ហេតុបច្ចយា. ហេតុយា ឯកំ.

១៥. នលោកុត្តរំ នកុសលំ ធម្មំ បច្ចយា លោកិយោ កុសលោ ធម្មោ ឧប្បជ្ជតិ ហេតុបច្ចយា. នលោកុត្តរំ នកុសលំ ធម្មំ បច្ចយា លោកុត្តរោ កុសលោ ធម្មោ ឧប្បជ្ជតិ ហេតុបច្ចយា. ហេតុយា ទ្វេ.

នលោកុត្តរំ នអកុសលំ ធម្មំ បច្ចយា លោកិយោ អកុសលោ ធម្មោ ឧប្បជ្ជតិ ហេតុបច្ចយា. ហេតុយា ឯកំ.

នលោកិយំ នអព្យាកតំ ធម្មំ បដិច្ច លោកិយោ អព្យាកតោ ធម្មោ ឧប្បជ្ជតិ ហេតុបច្ចយា. នលោកុត្តរំ នអព្យាកតំ ធម្មំ បដិច្ច លោកិយោ អព្យាកតោ ធម្មោ ឧប្បជ្ជតិ ហេតុបច្ចយា. ហេតុយា ទ្វេ.

១៦. នកេនចិ វិញ្ញេយ្យំ នកុសលំ ធម្មំ បច្ចយា កេនចិ វិញ្ញេយ្យោ កុសលោ ធម្មោ ឧប្បជ្ជតិ ហេតុបច្ចយា… តីណិ.

នកេនចិ នវិញ្ញេយ្យំ នកុសលំ ធម្មំ បច្ចយា កេនចិ នវិញ្ញេយ្យោ កុសលោ ធម្មោ ឧប្បជ្ជតិ ហេតុបច្ចយា… តីណិ.

នកេនចិ វិញ្ញេយ្យំ នកុសលញ្ច នកេនចិ នវិញ្ញេយ្យំ នកុសលញ្ច ធម្មំ បច្ចយា កេនចិ វិញ្ញេយ្យោ កុសលោ ធម្មោ ឧប្បជ្ជតិ ហេតុបច្ចយា… តីណិ. (សព្ពត្ថ នវ.)

នកេនចិ វិញ្ញេយ្យំ នអកុសលំ ធម្មំ បច្ចយា កេនចិ វិញ្ញេយ្យោ អកុសលោ ធម្មោ ឧប្បជ្ជតិ ហេតុបច្ចយា. នកេនចិ នវិញ្ញេយ្យំ នអកុសលំ ធម្មំ បច្ចយា កេនចិ នវិញ្ញេយ្យោ អកុសលោ ធម្មោ ឧប្បជ្ជតិ ហេតុបច្ចយា… ហេតុយា នវ.

នកេនចិ វិញ្ញេយ្យំ នអព្យាកតំ ធម្មំ បដិច្ច កេនចិ វិញ្ញេយ្យោ អព្យាកតោ ធម្មោ ឧប្បជ្ជតិ ហេតុបច្ចយា… ហេតុយា នវ.

១៤-១. អាសវទុក-កុសលត្តិកំ

១៧. នអាសវំ នកុសលំ ធម្មំ បច្ចយា នោអាសវោ កុសលោ ធម្មោ ឧប្បជ្ជតិ ហេតុបច្ចយា. ហេតុយា ឯកំ.

នអាសវំ នអកុសលំ ធម្មំ បច្ចយា អាសវោ អកុសលោ ធម្មោ ឧប្បជ្ជតិ ហេតុបច្ចយា… ហេតុយា តីណិ.

នអាសវំ នអព្យាកតំ ធម្មំ បដិច្ច នោអាសវោ អព្យាកតោ ធម្មោ ឧប្បជ្ជតិ ហេតុបច្ចយា. ននោអាសវំ នអព្យាកតំ ធម្មំ បដិច្ច នោអាសវោ អព្យាកតោ ធម្មោ ឧប្បជ្ជតិ ហេតុបច្ចយា. (ទុកមូលកំ ឯកំ.)… ហេតុយា តីណិ.

១៥-១. សាសវទុក-កុសលត្តិកំ

១៨. នអនាសវំ នកុសលំ ធម្មំ បច្ចយា អនាសវោ កុសលោ ធម្មោ ឧប្បជ្ជតិ ហេតុបច្ចយា. នអនាសវំ នកុសលំ ធម្មំ បច្ចយា សាសវោ កុសលោ ធម្មោ ឧប្បជ្ជតិ ហេតុបច្ចយា. ហេតុយា ទ្វេ.

នអនាសវំ នអកុសលំ ធម្មំ បច្ចយា សាសវោ អកុសលោ ធម្មោ ឧប្បជ្ជតិ ហេតុបច្ចយា. ហេតុយា ឯកំ.

១៦-១. អាសវសម្បយុត្តទុក-កុសលត្តិកំ

១៩. នអាសវសម្បយុត្តំ នកុសលំ ធម្មំ បច្ចយា អាសវវិប្បយុត្តោ កុសលោ ធម្មោ ឧប្បជ្ជតិ ហេតុបច្ចយា. ហេតុយា ឯកំ.

នអាសវសម្បយុត្តំ នអកុសលំ ធម្មំ បច្ចយា អាសវសម្បយុត្តោ អកុសលោ ធម្មោ ឧប្បជ្ជតិ ហេតុបច្ចយា… ហេតុយា តីណិ.

នអាសវសម្បយុត្តំ នអព្យាកតំ ធម្មំ បដិច្ច អាសវវិប្បយុត្តោ អព្យាកតោ ធម្មោ ឧប្បជ្ជតិ ហេតុបច្ចយា… ហេតុយា តីណិ.

១៧-១. អាសវសាសវទុក-កុសលត្តិកំ

២០. នអាសវញ្ចេវ នអនាសវញ្ច នកុសលំ ធម្មំ បច្ចយា សាសវោ ចេវ នោអាសវោ ច កុសលោ ធម្មោ ឧប្បជ្ជតិ ហេតុបច្ចយា. ហេតុយា ឯកំ.

នអាសវញ្ចេវ នអនាសវញ្ច នអកុសលំ ធម្មំ បច្ចយា អាសវោ ចេវ សាសវោ ច អកុសលោ ធម្មោ ឧប្បជ្ជតិ ហេតុបច្ចយា… ហេតុយា តីណិ.

នអាសវញ្ចេវ នអនាសវញ្ច នអព្យាកតំ ធម្មំ បដិច្ច សាសវោ ចេវ នោ ច អាសវោ អព្យាកតោ ធម្មោ ឧប្បជ្ជតិ ហេតុបច្ចយា… ហេតុយា តីណិ.

(អាសវអាសវសម្បយុត្តទុកំ នត្ថិ.)

១៩-១. អាសវវិប្បយុត្តសាសវទុក-កុសលត្តិកំ

២១. អាសវវិប្បយុត្តំ នអនាសវំ នកុសលំ ធម្មំ បច្ចយា អាសវវិប្បយុត្តោ អនាសវោ កុសលោ ធម្មោ ឧប្បជ្ជតិ ហេតុបច្ចយា. អាសវវិប្បយុត្តំ នអនាសវំ នកុសលំ ធម្មំ បច្ចយា អាសវវិប្បយុត្តោ សាសវោ កុសលោ ធម្មោ ឧប្បជ្ជតិ ហេតុបច្ចយា. ហេតុយា ទ្វេ.

អាសវវិប្បយុត្តំ នអនាសវំ នអកុសលំ ធម្មំ បច្ចយា អាសវវិប្បយុត្តោ សាសវោ អកុសលោ ធម្មោ ឧប្បជ្ជតិ ហេតុបច្ចយា. ហេតុយា ឯកំ.

អាសវវិប្បយុត្តំ នសាសវំ នអព្យាកតំ ធម្មំ បដិច្ច អាសវវិប្បយុត្តោ សាសវោ អព្យាកតោ ធម្មោ ឧប្បជ្ជតិ ហេតុបច្ចយា. អាសវវិប្បយុត្តំ នអនាសវំ នអព្យាកតំ ធម្មំ បដិច្ច អាសវវិប្បយុត្តោ សាសវោ អព្យាកតោ ធម្មោ ឧប្បជ្ជតិ ហេតុបច្ចយា. ហេតុយា ទ្វេ.

២០-៥៤-១. សញ្ញោជនាទិឆគោច្ឆកានិ-កុសលត្តិកំ

២២. នសញ្ញោជនំ នអកុសលំ ធម្មំ បច្ចយា សញ្ញោជនោ អកុសលោ ធម្មោ ឧប្បជ្ជតិ ហេតុបច្ចយា… ហេតុយា តីណិ.

២៣. នគន្ថំ នអកុសលំ ធម្មំ បច្ចយា គន្ថោ អកុសលោ ធម្មោ ឧប្បជ្ជតិ ហេតុបច្ចយា… ហេតុយា តីណិ.

២៤. នឱឃំ នអកុសលំ ធម្មំ បច្ចយា ឱឃោ អកុសលោ ធម្មោ ឧប្បជ្ជតិ ហេតុបច្ចយា… ហេតុយា តីណិ.

២៥. នយោគំ នអកុសលំ ធម្មំ បច្ចយា យោគោ អកុសលោ ធម្មោ ឧប្បជ្ជតិ ហេតុបច្ចយា… ហេតុយា តីណិ.

២៦. ននីវរណំ នអកុសលំ ធម្មំ បច្ចយា នីវរណោ អកុសលោ ធម្មោ ឧប្បជ្ជតិ ហេតុបច្ចយា… ហេតុយា តីណិ.

២៧. នបរាមាសំ នអកុសលំ ធម្មំ បច្ចយា បរាមាសោ អកុសលោ ធម្មោ ឧប្បជ្ជតិ ហេតុបច្ចយា… ហេតុយា តីណិ.

៥៥-៦៨-១. មហន្តរទុកានិ-កុសលត្តិកំ

២៨. នសារម្មណំ នកុសលំ ធម្មំ បច្ចយា សារម្មណោ កុសលោ ធម្មោ ឧប្បជ្ជតិ ហេតុបច្ចយា. ហេតុយា ឯកំ.

នសារម្មណំ នអកុសលំ ធម្មំ បច្ចយា សារម្មណោ អកុសលោ ធម្មោ ឧប្បជ្ជតិ ហេតុបច្ចយា. ហេតុយា ឯកំ.

នអនារម្មណំ នអព្យាកតំ ធម្មំ បដិច្ច អនារម្មណោ អព្យាកតោ ធម្មោ ឧប្បជ្ជតិ ហេតុបច្ចយា. ហេតុយា ឯកំ.

២៩. នោចិត្តំ នកុសលំ ធម្មំ បច្ចយា ចិត្តោ កុសលោ ធម្មោ ឧប្បជ្ជតិ ហេតុបច្ចយា… ហេតុយា តីណិ. (នអកុសលេ តីណិ. នអព្យាកតេ តីណិ. សំខិត្តំ.)

៣០. នចេតសិកំ នកុសលំ ធម្មំ បច្ចយា ចេតសិកោ កុសលោ ធម្មោ ឧប្បជ្ជតិ ហេតុបច្ចយា… ហេតុយា តីណិ.

៣១. នចិត្តសម្បយុត្តំ នកុសលំ ធម្មំ បច្ចយា ចិត្តសម្បយុត្តោ កុសលោ ធម្មោ ឧប្បជ្ជតិ ហេតុបច្ចយា. ហេតុយា ឯកំ.

៣២. នចិត្តសំសដ្ឋំ នកុសលំ ធម្មំ បច្ចយា ចិត្តសំសដ្ឋោ កុសលោ ធម្មោ ឧប្បជ្ជតិ ហេតុបច្ចយា. ហេតុយា ឯកំ.

៣៣. នចិត្តសមុដ្ឋានំ នកុសលំ ធម្មំ បច្ចយា ចិត្តសមុដ្ឋានោ កុសលោ ធម្មោ ឧប្បជ្ជតិ ហេតុបច្ចយា… ហេតុយា តីណិ.

៣៤. នចិត្តសហភុំ នកុសលំ ធម្មំ បច្ចយា ចិត្តសហភូ កុសលោ ធម្មោ ឧប្បជ្ជតិ ហេតុបច្ចយា… ហេតុយា តីណិ.

៣៥. នចិត្តានុបរិវត្តិំ នកុសលំ ធម្មំ បច្ចយា ចិត្តានុបរិវត្តី កុសលោ ធម្មោ ឧប្បជ្ជតិ ហេតុបច្ចយា… ហេតុយា តីណិ.

៣៦. នចិត្តសំសដ្ឋសមុដ្ឋានំ នកុសលំ ធម្មំ បច្ចយា ចិត្តសំសដ្ឋសមុដ្ឋានោ កុសលោ ធម្មោ ឧប្បជ្ជតិ ហេតុបច្ចយា… ហេតុយា តីណិ.

៣៧. នចិត្តសំសដ្ឋសមុដ្ឋានសហភុំ នកុសលំ ធម្មំ បច្ចយា ចិត្តសំសដ្ឋសមុដ្ឋានសហភូ កុសលោ ធម្មោ ឧប្បជ្ជតិ ហេតុបច្ចយា… ហេតុយា តីណិ.

៣៨. នចិត្តសំសដ្ឋសមុដ្ឋានានុបរិវត្តិំ នកុសលំ ធម្មំ បច្ចយា ចិត្តសំសដ្ឋសមុដ្ឋានានុបរិវត្តី កុសលោ ធម្មោ ឧប្បជ្ជតិ ហេតុបច្ចយា… ហេតុយា តីណិ.

៣៩. នអជ្ឈត្តិកំ នកុសលំ ធម្មំ បច្ចយា អជ្ឈត្តិកោ កុសលោ ធម្មោ ឧប្បជ្ជតិ ហេតុបច្ចយា… ហេតុយា តីណិ.

៤០. ននោឧបាទា នកុសលំ ធម្មំ បច្ចយា នោឧបាទា កុសលោ ធម្មោ ឧប្បជ្ជតិ ហេតុបច្ចយា. ហេតុយា ឯកំ.

៤១. នអនុបាទិន្នំ នកុសលំ ធម្មំ បច្ចយា អនុបាទិន្នោ កុសលោ ធម្មោ ឧប្បជ្ជតិ ហេតុបច្ចយា. ហេតុយា ឯកំ.

៦៩-៧៤-១. ឧបាទានទុកាទិ-កុសលត្តិកំ

៤២. នឧបាទានំ នអកុសលំ ធម្មំ បច្ចយា ឧបាទានោ អកុសលោ ធម្មោ ឧប្បជ្ជតិ ហេតុបច្ចយា… ហេតុយា តីណិ.

៧៥-៨២-១. កិលេសទុកាទិ-កុសលត្តិកំ

៤៣. នកិលេសំ នអកុសលំ ធម្មំ បច្ចយា កិលេសោ អកុសលោ ធម្មោ ឧប្បជ្ជតិ ហេតុបច្ចយា… ហេតុយា តីណិ.

៨៣-១០០-១. បិដ្ឋិទុកានិ-កុសលត្តិកំ

៤៤. នទស្សនេន បហាតព្ពំ នកុសលំ ធម្មំ បច្ចយា នទស្សនេន បហាតព្ពោ កុសលោ ធម្មោ ឧប្បជ្ជតិ ហេតុបច្ចយា. ហេតុយា ឯកំ.

នទស្សនេន បហាតព្ពំ នអកុសលំ ធម្មំ បច្ចយា ទស្សនេន បហាតព្ពោ អកុសលោ ធម្មោ ឧប្បជ្ជតិ ហេតុបច្ចយា. នទស្សនេន បហាតព្ពំ នអកុសលំ ធម្មំ បច្ចយា នទស្សនេន បហាតព្ពោ អកុសលោ ធម្មោ ឧប្បជ្ជតិ ហេតុបច្ចយា. ហេតុយា ទ្វេ.

នទស្សនេន បហាតព្ពំ នអព្យាកតំ ធម្មំ បដិច្ច នទស្សនេន បហាតព្ពោ អព្យាកតោ ធម្មោ ឧប្បជ្ជតិ ហេតុបច្ចយា. ននទស្សនេន បហាតព្ពំ នអព្យាកតំ ធម្មំ បដិច្ច នទស្សនេន បហាតព្ពោ អព្យាកតោ ធម្មោ ឧប្បជ្ជតិ ហេតុបច្ចយា. ហេតុយា ទ្វេ.

៤៥. នភាវនាយ បហាតព្ពំ នកុសលំ ធម្មំ បច្ចយា នភាវនាយ បហាតព្ពោ កុសលោ ធម្មោ ឧប្បជ្ជតិ ហេតុបច្ចយា. ហេតុយា ឯកំ.

៤៦. នទស្សនេន បហាតព្ពហេតុកំ នកុសលំ ធម្មំ បច្ចយា នទស្សនេន បហាតព្ពហេតុកោ កុសលោ ធម្មោ ឧប្បជ្ជតិ ហេតុបច្ចយា. ហេតុយា ឯកំ.

៤៧. នភាវនាយ បហាតព្ពហេតុកំ នកុសលំ ធម្មំ បច្ចយា នភាវនាយ បហាតព្ពហេតុកោ កុសលោ ធម្មោ ឧប្បជ្ជតិ ហេតុបច្ចយា. ហេតុយា ឯកំ.

៤៨. នសវិតក្កំ នកុសលំ ធម្មំ បច្ចយា សវិតក្កោ កុសលោ ធម្មោ ឧប្បជ្ជតិ ហេតុបច្ចយា… ហេតុយា តីណិ.

៤៩. នសវិចារំ នកុសលំ ធម្មំ បច្ចយា សវិចារោ កុសលោ ធម្មោ ឧប្បជ្ជតិ ហេតុបច្ចយា… ហេតុយា តីណិ.

៥០. នសប្បីតិកំ នកុសលំ ធម្មំ បច្ចយា សប្បីតិកោ កុសលោ ធម្មោ ឧប្បជ្ជតិ ហេតុបច្ចយា… ហេតុយា តីណិ.

៥១. នបីតិសហគតំ នកុសលំ ធម្មំ បច្ចយា បីតិសហគតោ កុសលោ ធម្មោ ឧប្បជ្ជតិ ហេតុបច្ចយា… ហេតុយា តីណិ.

៥២. នសុខសហគតំ នកុសលំ ធម្មំ បច្ចយា សុខសហគតោ កុសលោ ធម្មោ ឧប្បជ្ជតិ ហេតុបច្ចយា… ហេតុយា តីណិ.

៥៣. នឧបេក្ខាសហគតំ នកុសលំ ធម្មំ បច្ចយា ឧបេក្ខាសហគតោ កុសលោ ធម្មោ ឧប្បជ្ជតិ ហេតុបច្ចយា… ហេតុយា តីណិ.

៥៤. ននកាមាវចរំ នកុសលំ ធម្មំ បច្ចយា នកាមាវចរោ កុសលោ ធម្មោ ឧប្បជ្ជតិ ហេតុបច្ចយា. ននកាមាវចរំ នកុសលំ ធម្មំ បច្ចយា កាមាវចរោ កុសលោ ធម្មោ ឧប្បជ្ជតិ ហេតុបច្ចយា. ហេតុយា ទ្វេ.

៥៥. នរូបាវចរំ នកុសលំ ធម្មំ បច្ចយា រូបាវចរោ កុសលោ ធម្មោ ឧប្បជ្ជតិ ហេតុបច្ចយា. នរូបាវចរំ នកុសលំ ធម្មំ បច្ចយា នរូបាវចរោ កុសលោ ធម្មោ ឧប្បជ្ជតិ ហេតុបច្ចយា. ហេតុយា ទ្វេ.

៥៦. នអរូបាវចរំ នកុសលំ ធម្មំ បច្ចយា អរូបាវចរោ កុសលោ ធម្មោ ឧប្បជ្ជតិ ហេតុបច្ចយា. នអរូបាវចរំ នកុសលំ ធម្មំ បច្ចយា នអរូបាវចរោ កុសលោ ធម្មោ ឧប្បជ្ជតិ ហេតុបច្ចយា. ហេតុយា ទ្វេ.

៥៧. នអបរិយាបន្នំ នកុសលំ ធម្មំ បច្ចយា អបរិយាបន្នោ កុសលោ ធម្មោ ឧប្បជ្ជតិ ហេតុបច្ចយា. នអបរិយាបន្នំ នកុសលំ ធម្មំ បច្ចយា បរិយាបន្នោ កុសលោ ធម្មោ ឧប្បជ្ជតិ ហេតុបច្ចយា. ហេតុយា ទ្វេ.

៥៨. ននិយ្យានិកំ នកុសលំ ធម្មំ បច្ចយា និយ្យានិកោ កុសលោ ធម្មោ ឧប្បជ្ជតិ ហេតុបច្ចយា. ននិយ្យានិកំ នកុសលំ ធម្មំ បច្ចយា នអនិយ្យានិកោ កុសលោ ធម្មោ ឧប្បជ្ជតិ ហេតុបច្ចយា. ហេតុយា ទ្វេ.

៥៩. ននិយតំ នកុសលំ ធម្មំ បច្ចយា និយតោ កុសលោ ធម្មោ ឧប្បជ្ជតិ ហេតុបច្ចយា. ននិយតំ នកុសលំ ធម្មំ បច្ចយា អនិយតោ កុសលោ ធម្មោ ឧប្បជ្ជតិ ហេតុបច្ចយា. ហេតុយា ទ្វេ.

៦០. នអនុត្តរំ នកុសលំ ធម្មំ បច្ចយា អនុត្តរោ កុសលោ ធម្មោ ឧប្បជ្ជតិ ហេតុបច្ចយា. នអនុត្តរំ នកុសលំ ធម្មំ បច្ចយា សឧត្តរោ កុសលោ ធម្មោ ឧប្បជ្ជតិ ហេតុបច្ចយា. ហេតុយា ទ្វេ.

៦១. នសរណំ នកុសលំ ធម្មំ បច្ចយា អរណោ កុសលោ ធម្មោ ឧប្បជ្ជតិ ហេតុបច្ចយា. ហេតុយា ឯកំ.

នសរណំ នអកុសលំ ធម្មំ បច្ចយា សរណោ អកុសលោ ធម្មោ ឧប្បជ្ជតិ ហេតុបច្ចយា. ហេតុយា ឯកំ.

នសរណំ នអព្យាកតំ ធម្មំ បដិច្ច អរណោ អព្យាកតោ ធម្មោ ឧប្បជ្ជតិ ហេតុបច្ចយា. នអរណំ នអព្យាកតំ ធម្មំ បដិច្ច អរណោ អព្យាកតោ ធម្មោ ឧប្បជ្ជតិ ហេតុបច្ចយា. ហេតុយា ទ្វេ.

១-២. ហេតុទុក-វេទនាត្តិកំ

៦២. នហេតុំ នសុខាយ វេទនាយ សម្បយុត្តំ ធម្មំ បដិច្ច ហេតុ សុខាយ វេទនាយ សម្បយុត្តោ ធម្មោ ឧប្បជ្ជតិ ហេតុបច្ចយា. នហេតុំ នសុខាយ វេទនាយ សម្បយុត្តំ ធម្មំ បដិច្ច នហេតុ សុខាយ វេទនាយ សម្បយុត្តោ ធម្មោ ឧប្បជ្ជតិ ហេតុបច្ចយា. នហេតុំ នសុខាយ វេទនាយ សម្បយុត្តំ ធម្មំ បដិច្ច ហេតុ សុខាយ វេទនាយ សម្បយុត្តោ ច នហេតុ សុខាយ វេទនាយ សម្បយុត្តោ ច ធម្មា ឧប្បជ្ជន្តិ ហេតុបច្ចយា. ហេតុយា តីណិ. នហេតុ នទុក្ខាយ វេទនាយ សម្បយុត្តមូលំ តីណិយេវ.

នហេតុំ នអទុក្ខមសុខាយ វេទនាយ សម្បយុត្តំ ធម្មំ បដិច្ច ហេតុ អទុក្ខមសុខាយ វេទនាយ សម្បយុត្តោ ធម្មោ ឧប្បជ្ជតិ ហេតុបច្ចយា… ហេតុយា តីណិ.

១-៣. ហេតុទុក-វិបាកត្តិកំ

៦៣. នហេតុំ នវិបាកំ ធម្មំ បដិច្ច ហេតុ វិបាកោ ធម្មោ ឧប្បជ្ជតិ ហេតុបច្ចយា… ហេតុយា តីណិ.

នហេតុំ នវិបាកធម្មធម្មំ បច្ចយា ហេតុ វិបាកធម្មធម្មោ ឧប្បជ្ជតិ ហេតុបច្ចយា… ហេតុយា តីណិ.

នហេតុំ ននេវវិបាកនវិបាកធម្មធម្មំ បដិច្ច នហេតុ នេវវិបាកនវិបាកធម្មធម្មោ ឧប្បជ្ជតិ ហេតុបច្ចយា… ហេតុយា តីណិ.

១-៤. ហេតុទុក-ឧបាទិន្នត្តិកំ

៦៤. នហេតុ នឧបាទិន្នុបាទានិយោ ធម្មោ ហេតុស្ស ឧបាទិន្នុបាទានិយស្ស ធម្មស្ស អារម្មណបច្ចយេន បច្ចយោ. នហេតុ នឧបាទិន្នុបាទានិយោ ធម្មោ នហេតុស្ស ឧបាទិន្នុបាទានិយស្ស ធម្មស្ស អារម្មណបច្ចយេន បច្ចយោ. នហេតុ នឧបាទិន្នុបាទានិយោ ធម្មោ ហេតុស្ស ឧបាទិន្នុបាទានិយស្ស ច នហេតុស្ស ឧបាទិន្នុបាទានិយស្ស ច ធម្មស្ស អារម្មណបច្ចយេន បច្ចយោ. (៣)

ននហេតុ នឧបាទិន្នុបាទានិយោ ធម្មោ នហេតុស្ស ឧបាទិន្នុបាទានិយស្ស ធម្មស្ស អារម្មណបច្ចយេន បច្ចយោ… តីណិ.

នហេតុ នឧបាទិន្នុបាទានិយោ ច ននហេតុ នឧបាទិន្នុបាទានិយោ ច ធម្មា ហេតុស្ស ឧបាទិន្នុបាទានិយស្ស ធម្មស្ស អារម្មណបច្ចយេន បច្ចយោ… តីណិ. (នវ បញ្ហា សំខិត្តំ.)

នហេតុំ នអនុបាទិន្នុបាទានិយំ ធម្មំ បច្ចយា ហេតុ អនុបាទិន្នុបាទានិយោ ធម្មោ ឧប្បជ្ជតិ ហេតុបច្ចយា… ហេតុយា តីណិ.

នហេតុំ នអនុបាទិន្នអនុបាទានិយំ ធម្មំ បច្ចយា ហេតុ អនុបាទិន្នអនុបាទានិយោ ធម្មោ ឧប្បជ្ជតិ ហេតុបច្ចយា… ហេតុយា តីណិ.

១-៥. ហេតុទុក-សំកិលិដ្ឋត្តិកំ

៦៥. នហេតុំ នសំកិលិដ្ឋសំកិលេសិកំ ធម្មំ បច្ចយា ហេតុ សំកិលិដ្ឋសំកិលេសិកោ ធម្មោ ឧប្បជ្ជតិ ហេតុបច្ចយា… ហេតុយា តីណិ.

នហេតុំ នអសំកិលិដ្ឋសំកិលេសិកំ ធម្មំ បដិច្ច នហេតុ អសំកិលិដ្ឋសំកិលេសិកោ ធម្មោ ឧប្បជ្ជតិ ហេតុបច្ចយា… ហេតុយា តីណិ.

នហេតុំ នអសំកិលិដ្ឋអសំកិលេសិកំ ធម្មំ បច្ចយា ហេតុ អសំកិលិដ្ឋអសំកិលេសិកោ ធម្មោ ឧប្បជ្ជតិ ហេតុបច្ចយា… ហេតុយា តីណិ.

១-៦. ហេតុទុក-វិតក្កត្តិកំ

៦៦. នហេតុំ នសវិតក្កសវិចារំ ធម្មំ បដិច្ច ហេតុ សវិតក្កសវិចារោ ធម្មោ ឧប្បជ្ជតិ ហេតុបច្ចយា… ហេតុយា តីណិ.

នហេតុំ នអវិតក្កវិចារមត្តំ ធម្មំ បដិច្ច ហេតុ អវិតក្កវិចារមត្តោ ធម្មោ ឧប្បជ្ជតិ ហេតុបច្ចយា… ហេតុយា តីណិ.

នហេតុំ នអវិតក្កអវិចារំ ធម្មំ បដិច្ច នហេតុ អវិតក្កអវិចារោ ធម្មោ ឧប្បជ្ជតិ ហេតុបច្ចយា… ហេតុយា តីណិ.

១-៧. ហេតុទុក-បីតិត្តិកំ

៦៧. នហេតុំ នបីតិសហគតំ ធម្មំ បដិច្ច ហេតុ បីតិសហគតោ ធម្មោ ឧប្បជ្ជតិ ហេតុបច្ចយា… ហេតុយា តីណិ.

នហេតុំ នសុខសហគតំ ធម្មំ បដិច្ច ហេតុ សុខសហគតោ ធម្មោ ឧប្បជ្ជតិ ហេតុបច្ចយា… ហេតុយា តីណិ.

នហេតុំ នឧបេក្ខាសហគតំ ធម្មំ បដិច្ច ហេតុ ឧបេក្ខាសហគតោ ធម្មោ ឧប្បជ្ជតិ ហេតុបច្ចយា… ហេតុយា តីណិ.

១-៨. ហេតុទុក-ទស្សនត្តិកំ

៦៨. នហេតុំ នទស្សនេន បហាតព្ពំ ធម្មំ បច្ចយា ហេតុ ទស្សនេន បហាតព្ពោ ធម្មោ ឧប្បជ្ជតិ ហេតុបច្ចយា… ហេតុយា តីណិ.

នហេតុំ នភាវនាយ បហាតព្ពំ ធម្មំ បច្ចយា ហេតុ ភាវនាយ បហាតព្ពោ ធម្មោ ឧប្បជ្ជតិ ហេតុបច្ចយា… ហេតុយា តីណិ.

៦៩. នហេតុំ ននេវទស្សនេន នភាវនាយ បហាតព្ពំ ធម្មំ បដិច្ច នហេតុ នេវទស្សនេន នភាវនាយ បហាតព្ពោ ធម្មោ ឧប្បជ្ជតិ ហេតុបច្ចយា. ននហេតុំ ននេវទស្សនេន នភាវនាយ បហាតព្ពំ ធម្មំ បដិច្ច នហេតុ នេវទស្សនេន នភាវនាយ បហាតព្ពោ ធម្មោ ឧប្បជ្ជតិ ហេតុបច្ចយា. (ទុកមូលំ ឯកំ សំខិត្តំ, សព្ពត្ថ តីណិ.)

១-៩. ហេតុទុក-ទស្សនហេតុត្តិកំ

៧០. ននហេតុំ នទស្សនេន បហាតព្ពហេតុកំ ធម្មំ បដិច្ច នហេតុ ទស្សនេន បហាតព្ពហេតុកោ ធម្មោ ឧប្បជ្ជតិ ហេតុបច្ចយា. ហេតុយា ឯកំ.

ននហេតុំ នភាវនាយ បហាតព្ពហេតុកំ ធម្មំ បដិច្ច នហេតុ ភាវនាយ បហាតព្ពហេតុកោ ធម្មោ ឧប្បជ្ជតិ ហេតុបច្ចយា. ហេតុយា ឯកំ.

៧១. នហេតុំ ននេវទស្សនេន នភាវនាយ បហាតព្ពហេតុកំ ធម្មំ បដិច្ច នហេតុ នេវទស្សនេន នភាវនាយ បហាតព្ពហេតុកោ ធម្មោ ឧប្បជ្ជតិ ហេតុបច្ចយា. ននហេតុំ ននេវទស្សនេន នភាវនាយ បហាតព្ពហេតុកំ ធម្មំ បដិច្ច នហេតុ នេវទស្សនេន នភាវនាយ បហាតព្ពហេតុកោ ធម្មោ ឧប្បជ្ជតិ ហេតុបច្ចយា… គណិតកេន តីណិ.

១-១០. ហេតុទុក-អាចយគាមិត្តិកំ

៧២. នហេតុំ នអាចយគាមិំ ធម្មំ បច្ចយា ហេតុ អាចយគាមី ធម្មោ ឧប្បជ្ជតិ ហេតុបច្ចយា… ហេតុយា តីណិ.

នហេតុំ នអបចយគាមិំ ធម្មំ បច្ចយា ហេតុ អបចយគាមី ធម្មោ ឧប្បជ្ជតិ ហេតុបច្ចយា… ហេតុយា តីណិ.