ធម្មបច្ចនីយានុលោមេ ទុកបដ្ឋានំ

១-៦. ហេតុគោច្ឆកំ

១-៧. បដិច្ចវារាទិ

១. នហេតុំ ធម្មំ បដិច្ច ហេតុ ធម្មោ ឧប្បជ្ជតិ ហេតុបច្ចយា. នហេតុំ ធម្មំ បដិច្ច នហេតុ ធម្មោ ឧប្បជ្ជតិ ហេតុបច្ចយា. នហេតុំ ធម្មំ បដិច្ច ហេតុ ច នហេតុ ច ធម្មា ឧប្បជ្ជន្តិ ហេតុបច្ចយា. (៣)

ននហេតុំ ធម្មំ បដិច្ច ហេតុ ធម្មោ ឧប្បជ្ជតិ ហេតុបច្ចយា. ននហេតុំ ធម្មំ បដិច្ច នហេតុ ធម្មោ ឧប្បជ្ជតិ ហេតុបច្ចយា. ននហេតុំ ធម្មំ បដិច្ច ហេតុ ច នហេតុ ច ធម្មា ឧប្បជ្ជន្តិ ហេតុបច្ចយា. (៣)

នហេតុញ្ច ននហេតុញ្ច ធម្មំ បដិច្ច ហេតុ ធម្មោ ឧប្បជ្ជតិ ហេតុបច្ចយា. នហេតុញ្ច ននហេតុញ្ច ធម្មំ បដិច្ច នហេតុ ធម្មោ ឧប្បជ្ជតិ ហេតុបច្ចយា. នហេតុញ្ច ននហេតុញ្ច ធម្មំ បដិច្ច ហេតុ ច នហេតុ ច ធម្មា ឧប្បជ្ជន្តិ ហេតុបច្ចយា. (៣) (សំខិត្តំ.) ហេតុយា នវ, អារម្មណេ នវ…បេ… អវិគតេ នវ.

(សហជាតវារម្បិ…បេ… បញ្ហាវារម្បិ វិត្ថារេតព្ពំ.)

២. នសហេតុកំ ធម្មំ បដិច្ច សហេតុកោ ធម្មោ ឧប្បជ្ជតិ ហេតុបច្ចយា. នសហេតុកំ ធម្មំ បដិច្ច អហេតុកោ ធម្មោ ឧប្បជ្ជតិ ហេតុបច្ចយា. នសហេតុកំ ធម្មំ បដិច្ច សហេតុកោ ច អហេតុកោ ច ធម្មា ឧប្បជ្ជន្តិ ហេតុបច្ចយា. តីណិ.

នអហេតុកំ ធម្មំ បដិច្ច អហេតុកោ ធម្មោ ឧប្បជ្ជតិ ហេតុបច្ចយា. នអហេតុកំ ធម្មំ បដិច្ច សហេតុកោ ធម្មោ ឧប្បជ្ជតិ ហេតុបច្ចយា. នអហេតុកំ ធម្មំ បដិច្ច សហេតុកោ ច អហេតុកោ ច ធម្មា ឧប្បជ្ជន្តិ ហេតុបច្ចយា. តីណិ.

នសហេតុកញ្ច នអហេតុកញ្ច ធម្មំ បដិច្ច សហេតុកោ ធម្មោ ឧប្បជ្ជតិ ហេតុបច្ចយា. នសហេតុកញ្ច នអហេតុកញ្ច ធម្មំ បដិច្ច អហេតុកោ ធម្មោ ឧប្បជ្ជតិ ហេតុបច្ចយា. នសហេតុកញ្ច នអហេតុកញ្ច ធម្មំ បដិច្ច សហេតុកោ ច អហេតុកោ ច ធម្មា ឧប្បជ្ជន្តិ ហេតុបច្ចយា. តីណិ. ហេតុយា នវ.

៣. នហេតុសម្បយុត្តំ ធម្មំ បដិច្ច ហេតុសម្បយុត្តោ ធម្មោ ឧប្បជ្ជតិ ហេតុបច្ចយា… ហេតុយា នវ.

៤. នហេតុញ្ចេវ នអហេតុកញ្ច ធម្មំ បដិច្ច ហេតុ ចេវ សហេតុកោ ច ធម្មោ ឧប្បជ្ជតិ ហេតុបច្ចយា… ហេតុយា នវ.

៥. នហេតុញ្ចេវ នហេតុវិប្បយុត្តញ្ច ធម្មំ បដិច្ច ហេតុ ចេវ ហេតុសម្បយុត្តោ ច ធម្មោ ឧប្បជ្ជតិ ហេតុបច្ចយា… ហេតុយា នវ.

៦. នហេតុំ នសហេតុកំ ធម្មំ បដិច្ច នហេតុ សហេតុកោ ធម្មោ ឧប្បជ្ជតិ ហេតុបច្ចយា… ហេតុយា នវ.

៧-១៣. ចូឡន្តរទុកាទិ

៧. នអប្បច្ចយំ ធម្មំ បដិច្ច សប្បច្ចយោ ធម្មោ ឧប្បជ្ជតិ ហេតុបច្ចយា. ហេតុយា ឯកំ.

៨. នអសង្ខតំ ធម្មំ បដិច្ច សង្ខតោ ធម្មោ ឧប្បជ្ជតិ ហេតុបច្ចយា. ហេតុយា ឯកំ.

៩. នសនិទស្សនំ ធម្មំ បដិច្ច សនិទស្សនោ ធម្មោ ឧប្បជ្ជតិ ហេតុបច្ចយា. នសនិទស្សនំ ធម្មំ បដិច្ច អនិទស្សនោ ធម្មោ ឧប្បជ្ជតិ ហេតុបច្ចយា. នសនិទស្សនំ ធម្មំ បដិច្ច សនិទស្សនោ ច អនិទស្សនោ ច ធម្មា ឧប្បជ្ជន្តិ ហេតុបច្ចយា. ហេតុយា តីណិ.

នសនិទស្សនោ ធម្មោ សនិទស្សនស្ស ធម្មស្ស ហេតុបច្ចយេន បច្ចយោ… តីណិ.

នសនិទស្សនោ ធម្មោ អនិទស្សនស្ស ធម្មស្ស អារម្មណបច្ចយេន បច្ចយោ. នអនិទស្សនោ ធម្មោ អនិទស្សនស្ស ធម្មស្ស អារម្មណបច្ចយេន បច្ចយោ.

១០. នសប្បដិឃំ ធម្មំ បដិច្ច សប្បដិឃោ ធម្មោ ឧប្បជ្ជតិ ហេតុបច្ចយា. នសប្បដិឃំ ធម្មំ បដិច្ច អប្បដិឃោ ធម្មោ ឧប្បជ្ជតិ ហេតុបច្ចយា. នសប្បដិឃំ ធម្មំ បដិច្ច សប្បដិឃោ ច អប្បដិឃោ ច ធម្មា ឧប្បជ្ជន្តិ ហេតុបច្ចយា. តីណិ.

នអប្បដិឃំ ធម្មំ បដិច្ច អប្បដិឃោ ធម្មោ ឧប្បជ្ជតិ ហេតុបច្ចយា. នអប្បដិឃំ ធម្មំ បដិច្ច សប្បដិឃោ ធម្មោ ឧប្បជ្ជតិ ហេតុបច្ចយា. នអប្បដិឃំ ធម្មំ បដិច្ច សប្បដិឃោ ច អប្បដិឃោ ច ធម្មា ឧប្បជ្ជន្តិ ហេតុបច្ចយា. តីណិ.

នសប្បដិឃញ្ច នអប្បដិឃញ្ច ធម្មំ បដិច្ច សប្បដិឃោ ធម្មោ ឧប្បជ្ជតិ ហេតុបច្ចយា… តីណិ. ហេតុយា នវ.

១១. នរូបិំ ធម្មំ បដិច្ច រូបី ធម្មោ ឧប្បជ្ជតិ ហេតុបច្ចយា… ហេតុយា នវ.

១២. នលោកិយំ ធម្មំ បដិច្ច លោកិយោ ធម្មោ ឧប្បជ្ជតិ ហេតុបច្ចយា. នលោកិយំ ធម្មំ បដិច្ច លោកុត្តរោ ធម្មោ ឧប្បជ្ជតិ ហេតុបច្ចយា. នលោកិយំ ធម្មំ បដិច្ច លោកិយោ ច លោកុត្តរោ ច ធម្មា ឧប្បជ្ជន្តិ ហេតុបច្ចយា. (៣)

នលោកុត្តរំ ធម្មំ បដិច្ច លោកិយោ ធម្មោ ឧប្បជ្ជតិ ហេតុបច្ចយា. (១)

នលោកិយញ្ច នលោកុត្តរញ្ច ធម្មំ បដិច្ច លោកិយោ ធម្មោ ឧប្បជ្ជតិ ហេតុបច្ចយា. (១). ហេតុយា បញ្ច.

១៣. នកេនចិ វិញ្ញេយ្យំ ធម្មំ បដិច្ច កេនចិ វិញ្ញេយ្យោ ធម្មោ ឧប្បជ្ជតិ ហេតុបច្ចយា… ហេតុយា នវ.

១៤-១៩. អាសវគោច្ឆកំ

១៤. នអាសវំ ធម្មំ បដិច្ច អាសវោ ធម្មោ ឧប្បជ្ជតិ ហេតុបច្ចយា. នអាសវំ ធម្មំ បដិច្ច នោអាសវោ ធម្មោ ឧប្បជ្ជតិ ហេតុបច្ចយា. នអាសវំ ធម្មំ បដិច្ច អាសវោ ច នោអាសវោ ច ធម្មា ឧប្បជ្ជន្តិ ហេតុបច្ចយា. តីណិ.

ននោអាសវំ ធម្មំ បដិច្ច នោអាសវោ ធម្មោ ឧប្បជ្ជតិ ហេតុបច្ចយា. ននោអាសវំ ធម្មំ បដិច្ច អាសវោ ធម្មោ ឧប្បជ្ជតិ ហេតុបច្ចយា. ននោអាសវំ ធម្មំ បដិច្ច អាសវោ ច នោអាសវោ ច ធម្មា ឧប្បជ្ជន្តិ ហេតុបច្ចយា. តីណិ.

នអាសវញ្ច ននោអាសវញ្ច ធម្មំ បដិច្ច អាសវោ ធម្មោ ឧប្បជ្ជតិ ហេតុបច្ចយា… តីណិ. ហេតុយា នវ.

១៥. នសាសវំ ធម្មំ បដិច្ច សាសវោ ធម្មោ ឧប្បជ្ជតិ ហេតុបច្ចយា. នសាសវំ ធម្មំ បដិច្ច អនាសវោ ធម្មោ ឧប្បជ្ជតិ ហេតុបច្ចយា. នសាសវំ ធម្មំ បដិច្ច សាសវោ ច អនាសវោ ច ធម្មា ឧប្បជ្ជន្តិ ហេតុបច្ចយា. តីណិ.

នអនាសវំ ធម្មំ បដិច្ច សាសវោ ធម្មោ ឧប្បជ្ជតិ ហេតុបច្ចយា. ឯកំ.

នសាសវញ្ច នអនាសវញ្ច ធម្មំ បដិច្ច សាសវោ ធម្មោ ឧប្បជ្ជតិ ហេតុបច្ចយា. ឯកំ. (សំខិត្តំ.) ហេតុយា បញ្ច.

១៦. នអាសវសម្បយុត្តំ ធម្មំ បដិច្ច អាសវសម្បយុត្តោ ធម្មោ ឧប្បជ្ជតិ ហេតុបច្ចយា… ហេតុយា នវ.

១៧. នអាសវញ្ចេវ អនាសវញ្ច ធម្មំ បដិច្ច អាសវោ ចេវ សាសវោ ច ធម្មោ ឧប្បជ្ជតិ ហេតុបច្ចយា… ហេតុយា នវ.

១៨. នអាសវញ្ចេវ នអាសវវិប្បយុត្តញ្ច ធម្មំ បដិច្ច អាសវោ ចេវ អាសវសម្បយុត្តោ ច ធម្មោ ឧប្បជ្ជតិ ហេតុបច្ចយា… ហេតុយា នវ.

១៩. អាសវវិប្បយុត្តំ នសាសវំ ធម្មំ បដិច្ច អាសវវិប្បយុត្តោ សាសវោ ធម្មោ ឧប្បជ្ជតិ ហេតុបច្ចយា… ហេតុយា បញ្ច.

២០-៥៤. សញ្ញោជនាទិឆគោច្ឆកានិ

២០. នសញ្ញោជនំ ធម្មំ បដិច្ច សញ្ញោជនោ ធម្មោ ឧប្បជ្ជតិ ហេតុបច្ចយា…បេ….

នគន្ថំ ធម្មំ បដិច្ច គន្ថោ ធម្មោ ឧប្បជ្ជតិ ហេតុបច្ចយា…បេ….

នឱឃំ ធម្មំ បដិច្ច ឱឃោ ធម្មោ ឧប្បជ្ជតិ ហេតុបច្ចយា …បេ….

នយោគំ ធម្មំ បដិច្ច យោគោ ធម្មោ ឧប្បជ្ជតិ ហេតុបច្ចយា…បេ….

ននីវរណំ ធម្មំ បដិច្ច នីវរណោ ធម្មោ ឧប្បជ្ជតិ ហេតុបច្ចយា…

២១. នបរាមាសំ ធម្មំ បដិច្ច បរាមាសោ ធម្មោ ឧប្បជ្ជតិ ហេតុបច្ចយា….

៥៥-៦៨. មហន្តរទុកាទិ

២២. នសារម្មណំ ធម្មំ បដិច្ច សារម្មណោ ធម្មោ ឧប្បជ្ជតិ ហេតុបច្ចយា. នសារម្មណំ ធម្មំ បដិច្ច អនារម្មណោ ធម្មោ ឧប្បជ្ជតិ ហេតុបច្ចយា. នសារម្មណំ ធម្មំ បដិច្ច សារម្មណោ ច អនារម្មណោ ច ធម្មា ឧប្បជ្ជន្តិ ហេតុបច្ចយា. តីណិ.

នអនារម្មណំ ធម្មំ បដិច្ច អនារម្មណោ ធម្មោ ឧប្បជ្ជតិ ហេតុបច្ចយា… តីណិ.

នសារម្មណញ្ច នអនារម្មណញ្ច ធម្មំ បដិច្ច សារម្មណោ ធម្មោ ឧប្បជ្ជតិ ហេតុបច្ចយា… តីណិ. ហេតុយា នវ.

២៣. នចិត្តំ ធម្មំ បដិច្ច ចិត្តោ ធម្មោ ឧប្បជ្ជតិ ហេតុបច្ចយា. នចិត្តំ ធម្មំ បដិច្ច នោចិត្តោ ធម្មោ ឧប្បជ្ជតិ ហេតុបច្ចយា. នចិត្តំ ធម្មំ បដិច្ច ចិត្តោ ច នោចិត្តោ ច ធម្មា ឧប្បជ្ជន្តិ ហេតុបច្ចយា. តីណិ.

ននោចិត្តំ ធម្មំ បដិច្ច នោចិត្តោ ធម្មោ ឧប្បជ្ជតិ ហេតុបច្ចយា. ឯកំ.

នចិត្តញ្ច ននោចិត្តញ្ច ធម្មំ បដិច្ច នោចិត្តោ ធម្មោ ឧប្បជ្ជតិ ហេតុបច្ចយា. ឯកំ. ហេតុយា បញ្ច.

២៤. នចេតសិកំ ធម្មំ បដិច្ច ចេតសិកោ ធម្មោ ឧប្បជ្ជតិ ហេតុបច្ចយា. នចេតសិកំ ធម្មំ បដិច្ច អចេតសិកោ ធម្មោ ឧប្បជ្ជតិ ហេតុបច្ចយា. នចេតសិកំ ធម្មំ បដិច្ច ចេតសិកោ ច អចេតសិកោ ច ធម្មា ឧប្បជ្ជន្តិ ហេតុបច្ចយា. ហេតុយា នវ.

២៥. នចិត្តសម្បយុត្តំ ធម្មំ បដិច្ច ចិត្តសម្បយុត្តោ ធម្មោ ឧប្បជ្ជតិ ហេតុបច្ចយា. នចិត្តសម្បយុត្តំ ធម្មំ បដិច្ច ចិត្តវិប្បយុត្តោ ធម្មោ ឧប្បជ្ជតិ ហេតុបច្ចយា. នចិត្តសម្បយុត្តំ ធម្មំ បដិច្ច ចិត្តសម្បយុត្តោ ច ចិត្តវិប្បយុត្តោ ច ធម្មា ឧប្បជ្ជន្តិ ហេតុបច្ចយា. (៣)

នចិត្តវិប្បយុត្តំ ធម្មំ បដិច្ច ចិត្តវិប្បយុត្តោ ធម្មោ ឧប្បជ្ជតិ ហេតុបច្ចយា. នចិត្តវិប្បយុត្តំ ធម្មំ បដិច្ច ចិត្តសម្បយុត្តោ ធម្មោ ឧប្បជ្ជតិ ហេតុបច្ចយា. នចិត្តវិប្បយុត្តំ ធម្មំ បដិច្ច ចិត្តសម្បយុត្តោ ច ចិត្តវិប្បយុត្តោ ច ធម្មា ឧប្បជ្ជន្តិ ហេតុបច្ចយា. (៣)

នចិត្តសម្បយុត្តញ្ច នចិត្តវិប្បយុត្តញ្ច ធម្មំ បដិច្ច ចិត្តសម្បយុត្តោ ធម្មោ ឧប្បជ្ជតិ ហេតុបច្ចយា… តីណិ. ហេតុយា នវ.

២៦. នចិត្តសំសដ្ឋំ ធម្មំ បដិច្ច ចិត្តសំសដ្ឋោ ធម្មោ ឧប្បជ្ជតិ ហេតុបច្ចយា. នចិត្តសំសដ្ឋំ ធម្មំ បដិច្ច ចិត្តវិសំសដ្ឋោ ធម្មោ ឧប្បជ្ជតិ ហេតុបច្ចយា. នចិត្តសំសដ្ឋំ ធម្មំ បដិច្ច ចិត្តសំសដ្ឋោ ច ចិត្តវិសំសដ្ឋោ ច ធម្មា ឧប្បជ្ជន្តិ ហេតុបច្ចយា… ហេតុយា នវ.

២៧. នចិត្តសមុដ្ឋានំ ធម្មំ បដិច្ច ចិត្តសមុដ្ឋានោ ធម្មោ ឧប្បជ្ជតិ ហេតុបច្ចយា. នចិត្តសមុដ្ឋានំ ធម្មំ បដិច្ច នោចិត្តសមុដ្ឋានោ ធម្មោ ឧប្បជ្ជតិ ហេតុបច្ចយា. នចិត្តសមុដ្ឋានំ ធម្មំ បដិច្ច ចិត្តសមុដ្ឋានោ ច នោចិត្តសមុដ្ឋានោ ច ធម្មា ឧប្បជ្ជន្តិ ហេតុបច្ចយា… ហេតុយា នវ.

២៨. នចិត្តសហភុំ ធម្មំ បដិច្ច ចិត្តសហភូ ធម្មោ ឧប្បជ្ជតិ ហេតុបច្ចយា. នចិត្តសហភុំ ធម្មំ បដិច្ច នោចិត្តសហភូ ធម្មោ ឧប្បជ្ជតិ ហេតុបច្ចយា. នចិត្តសហភុំ ធម្មំ បដិច្ច ចិត្តសហភូ ច នោចិត្តសហភូ ច ធម្មា ឧប្បជ្ជន្តិ ហេតុបច្ចយា… ហេតុយា នវ.

២៩. នចិត្តានុបរិវត្តិំ ធម្មំ បដិច្ច ចិត្តានុបរិវត្តី ធម្មោ ឧប្បជ្ជតិ ហេតុបច្ចយា. នចិត្តានុបរិវត្តិំ ធម្មំ បដិច្ច នោចិត្តានុបរិវត្តី ធម្មោ ឧប្បជ្ជតិ ហេតុបច្ចយា. នចិត្តានុបរិវត្តិំ ធម្មំ បដិច្ច ចិត្តានុបរិវត្តី ច នោចិត្តានុបរិវត្តី ច ធម្មា ឧប្បជ្ជន្តិ ហេតុបច្ចយា… ហេតុយា នវ.

៣០. នចិត្តសំសដ្ឋសមុដ្ឋានំ ធម្មំ បដិច្ច ចិត្តសំសដ្ឋសមុដ្ឋានោ ធម្មោ ឧប្បជ្ជតិ ហេតុបច្ចយា… ហេតុយា នវ.

៣១. នចិត្តសំសដ្ឋសមុដ្ឋានសហភុំ ធម្មំ បដិច្ច ចិត្តសំសដ្ឋសមុដ្ឋានសហភូ ធម្មោ ឧប្បជ្ជតិ ហេតុបច្ចយា… ហេតុយា នវ.

៣២. នចិត្តសំសដ្ឋសមុដ្ឋានានុបរិវត្តិំ ធម្មំ បដិច្ច ចិត្តសំសដ្ឋសមុដ្ឋានានុបរិវត្តី ធម្មោ ឧប្បជ្ជតិ ហេតុបច្ចយា… ហេតុយា នវ.

៣៣. នអជ្ឈត្តិកំ ធម្មំ បដិច្ច អជ្ឈត្តិកោ ធម្មោ ឧប្បជ្ជតិ ហេតុបច្ចយា… តីណិ.

នពាហិរំ ធម្មំ បដិច្ច ពាហិរោ ធម្មោ ឧប្បជ្ជតិ ហេតុបច្ចយា… តីណិ.

នអជ្ឈត្តិកញ្ច នពាហិរញ្ច ធម្មំ បដិច្ច អជ្ឈត្តិកោ ធម្មោ ឧប្បជ្ជតិ ហេតុបច្ចយា… តីណិ. ហេតុយា នវ.

៣៤. នឧបាទា ធម្មំ បដិច្ច ឧបាទា ធម្មោ ឧប្បជ្ជតិ ហេតុបច្ចយា… ហេតុយា បញ្ច.

៣៥. នឧបាទិន្នំ ធម្មំ បដិច្ច អនុបាទិន្នោ ធម្មោ ឧប្បជ្ជតិ ហេតុបច្ចយា… ហេតុយា បញ្ច.

៦៩-៧៤. ឧបាទានគោច្ឆកំ

៣៦. នឧបាទានំ ធម្មំ បដិច្ច ឧបាទានោ ធម្មោ ឧប្បជ្ជតិ ហេតុបច្ចយា… (សំខិត្តំ).

៧៥-៨២. កិលេសគោច្ឆកំ

៣៧. នកិលេសំ ធម្មំ បដិច្ច កិលេសោ ធម្មោ ឧប្បជ្ជតិ ហេតុបច្ចយា… (សំខិត្តំ).

៨៣-៩៩. បិដ្ឋិទុកំ

៣៨. នទស្សនេន បហាតព្ពំ ធម្មំ បដិច្ច នទស្សនេន បហាតព្ពោ ធម្មោ ឧប្បជ្ជតិ ហេតុបច្ចយា. ឯកំ.

ននទស្សនេន បហាតព្ពំ ធម្មំ បដិច្ច ទស្សនេន បហាតព្ពោ ធម្មោ ឧប្បជ្ជតិ ហេតុបច្ចយា. ននទស្សនេន បហាតព្ពំ ធម្មំ បដិច្ច នទស្សនេន បហាតព្ពោ ធម្មោ ឧប្បជ្ជតិ ហេតុបច្ចយា. ននទស្សនេន បហាតព្ពំ ធម្មំ បដិច្ច ទស្សនេន បហាតព្ពោ ច នទស្សនេន បហាតព្ពោ ច ធម្មា ឧប្បជ្ជន្តិ ហេតុបច្ចយា. តីណិ.

នទស្សនេន បហាតព្ពញ្ច ននទស្សនេន បហាតព្ពញ្ច ធម្មំ បដិច្ច នទស្សនេន បហាតព្ពោ ធម្មោ ឧប្បជ្ជតិ ហេតុបច្ចយា. ឯកំ. ហេតុយា បញ្ច.

៣៩. នភាវនាយ បហាតព្ពំ ធម្មំ បដិច្ច នភាវនាយ បហាតព្ពោ ធម្មោ ឧប្បជ្ជតិ ហេតុបច្ចយា… ហេតុយា បញ្ច.

៤០. នទស្សនេន បហាតព្ពហេតុកំ ធម្មំ បដិច្ច ទស្សនេន បហាតព្ពហេតុកោ ធម្មោ ឧប្បជ្ជតិ ហេតុបច្ចយា… ហេតុយា នវ.

៤១. នភាវនាយ បហាតព្ពហេតុកំ ធម្មំ បដិច្ច ភាវនាយ បហាតព្ពហេតុកោ ធម្មោ ឧប្បជ្ជតិ ហេតុបច្ចយា… ហេតុយា នវ.

៤២. នសវិតក្កំ ធម្មំ បដិច្ច សវិតក្កោ ធម្មោ ឧប្បជ្ជតិ ហេតុបច្ចយា. នសវិតក្កំ ធម្មំ បដិច្ច អវិតក្កោ ធម្មោ ឧប្បជ្ជតិ ហេតុបច្ចយា. នសវិតក្កំ ធម្មំ បដិច្ច សវិតក្កោ ច អវិតក្កោ ច ធម្មា ឧប្បជ្ជន្តិ ហេតុបច្ចយា. តីណិ.

នអវិតក្កំ ធម្មំ បដិច្ច អវិតក្កោ ធម្មោ ឧប្បជ្ជតិ ហេតុបច្ចយា. នអវិតក្កំ ធម្មំ បដិច្ច សវិតក្កោ ធម្មោ ឧប្បជ្ជតិ ហេតុបច្ចយា. នអវិតក្កំ ធម្មំ បដិច្ច សវិតក្កោ ច អវិតក្កោ ច ធម្មា ឧប្បជ្ជន្តិ ហេតុបច្ចយា. (៣)

នសវិតក្កញ្ច នអវិតក្កញ្ច ធម្មំ បដិច្ច សវិតក្កោ ធម្មោ ឧប្បជ្ជតិ ហេតុបច្ចយា. នសវិតក្កញ្ច នអវិតក្កញ្ច ធម្មំ បដិច្ច អវិតក្កោ ធម្មោ ឧប្បជ្ជតិ ហេតុបច្ចយា. នសវិតក្កញ្ច នអវិតក្កញ្ច ធម្មំ បដិច្ច សវិតក្កោ ច អវិតក្កោ ច ធម្មា ឧប្បជ្ជន្តិ ហេតុបច្ចយា. (៣) ហេតុយា នវ.

៤៣. នសវិចារំ ធម្មំ បដិច្ច សវិចារោ ធម្មោ ឧប្បជ្ជតិ ហេតុបច្ចយា … ហេតុយា នវ.

៤៤. នសប្បីតិកំ ធម្មំ បដិច្ច សប្បីតិកោ ធម្មោ ឧប្បជ្ជតិ ហេតុបច្ចយា… ហេតុយា នវ.

៤៥. នបីតិសហគតំ ធម្មំ បដិច្ច បីតិសហគតោ ធម្មោ ឧប្បជ្ជតិ ហេតុបច្ចយា… ហេតុយា នវ.

៤៦. នសុខសហគតំ ធម្មំ បដិច្ច សុខសហគតោ ធម្មោ ឧប្បជ្ជតិ ហេតុបច្ចយា… ហេតុយា នវ.

៤៧. នឧបេក្ខាសហគតំ ធម្មំ បដិច្ច ឧបេក្ខាសហគតោ ធម្មោ ឧប្បជ្ជតិ ហេតុបច្ចយា. នឧបេក្ខាសហគតំ ធម្មំ បដិច្ច នឧបេក្ខាសហគតោ ធម្មោ ឧប្បជ្ជតិ ហេតុបច្ចយា. នឧបេក្ខាសហគតំ ធម្មំ បដិច្ច ឧបេក្ខាសហគតោ ច នឧបេក្ខាសហគតោ ច ធម្មា ឧប្បជ្ជន្តិ ហេតុបច្ចយា. តីណិ.

ននឧបេក្ខាសហគតំ ធម្មំ បដិច្ច នឧបេក្ខាសហគតោ ធម្មោ ឧប្បជ្ជតិ ហេតុបច្ចយា… តីណិ.

នឧបេក្ខាសហគតញ្ច ននឧបេក្ខាសហគតញ្ច ធម្មំ បដិច្ច ឧបេក្ខាសហគតោ ធម្មោ ឧប្បជ្ជតិ ហេតុបច្ចយា. នឧបេក្ខាសហគតញ្ច ននឧបេក្ខាសហគតញ្ច ធម្មំ បដិច្ច នឧបេក្ខាសហគតោ ធម្មោ ឧប្បជ្ជតិ ហេតុបច្ចយា. នឧបេក្ខាសហគតញ្ច ននឧបេក្ខាសហគតញ្ច ធម្មំ បដិច្ច ឧបេក្ខាសហគតោ ច នឧបេក្ខាសហគតោ ច ធម្មា ឧប្បជ្ជន្តិ ហេតុបច្ចយា. តីណិ. ហេតុយា នវ.

៤៨. នកាមាវចរំ ធម្មំ បដិច្ច កាមាវចរោ ធម្មោ ឧប្បជ្ជតិ ហេតុបច្ចយា. នកាមាវចរំ ធម្មំ បដិច្ច នកាមាវចរោ ធម្មោ ឧប្បជ្ជតិ ហេតុបច្ចយា. នកាមាវចរំ ធម្មំ បដិច្ច កាមាវចរោ ច នកាមាវចរោ ច ធម្មា ឧប្បជ្ជន្តិ ហេតុបច្ចយា… តីណិ.

ននកាមាវចរំ ធម្មំ បដិច្ច នកាមាវចរោ ធម្មោ ឧប្បជ្ជតិ ហេតុបច្ចយា… តីណិ.

នកាមាវចរញ្ច ននកាមាវចរញ្ច ធម្មំ បដិច្ច កាមាវចរោ ធម្មោ ឧប្បជ្ជតិ ហេតុបច្ចយា… តីណិ. ហេតុយា នវ.

៤៩. នរូបាវចរំ ធម្មំ បដិច្ច រូបាវចរោ ធម្មោ ឧប្បជ្ជតិ ហេតុបច្ចយា… ហេតុយា នវ.

៥០. នអរូបាវចរំ ធម្មំ បដិច្ច នអរូបាវចរោ ធម្មោ ឧប្បជ្ជតិ ហេតុបច្ចយា… ហេតុយា បញ្ច.

៥១. នបរិយាបន្នំ ធម្មំ បដិច្ច បរិយាបន្នោ ធម្មោ ឧប្បជ្ជតិ ហេតុបច្ចយា… តីណិ.

នអបរិយាបន្នំ ធម្មំ បដិច្ច បរិយាបន្នោ ធម្មោ ឧប្បជ្ជតិ ហេតុបច្ចយា. ឯកំ.

នបរិយាបន្នញ្ច នអបរិយាបន្នញ្ច ធម្មំ បដិច្ច បរិយាបន្នោ ធម្មោ ឧប្បជ្ជតិ ហេតុបច្ចយា. ឯកំ. ហេតុយា បញ្ច.

៥២. ននិយ្យានិកំ ធម្មំ បដិច្ច អនិយ្យានិកោ ធម្មោ ឧប្បជ្ជតិ ហេតុបច្ចយា. ឯកំ.

នអនិយ្យានិកំ ធម្មំ បដិច្ច អនិយ្យានិកោ ធម្មោ ឧប្បជ្ជតិ ហេតុបច្ចយា… តីណិ.

ននិយ្យានិកញ្ច នអនិយ្យានិកញ្ច ធម្មំ បដិច្ច អនិយ្យានិកោ ធម្មោ ឧប្បជ្ជតិ ហេតុបច្ចយា. ឯកំ. ហេតុយា បញ្ច.

៥៣. ននិយតំ ធម្មំ បដិច្ច អនិយតោ ធម្មោ ឧប្បជ្ជតិ ហេតុបច្ចយា. ឯកំ.

នអនិយតំ ធម្មំ បដិច្ច អនិយតោ ធម្មោ ឧប្បជ្ជតិ ហេតុបច្ចយា… តីណិ.

ននិយតញ្ច នអនិយតញ្ច ធម្មំ បដិច្ច អនិយតោ ធម្មោ ឧប្បជ្ជតិ ហេតុបច្ចយា. ឯកំ. ហេតុយា បញ្ច.

៥៤. នសឧត្តរំ ធម្មំ បដិច្ច សឧត្តរោ ធម្មោ ឧប្បជ្ជតិ ហេតុបច្ចយា. នសឧត្តរំ ធម្មំ បដិច្ច អនុត្តរោ ធម្មោ ឧប្បជ្ជតិ ហេតុបច្ចយា. នសឧត្តរំ ធម្មំ បដិច្ច សឧត្តរោ ច អនុត្តរោ ច ធម្មា ឧប្បជ្ជន្តិ ហេតុបច្ចយា. តីណិ.

នអនុត្តរំ ធម្មំ បដិច្ច សឧត្តរោ ធម្មោ ឧប្បជ្ជតិ ហេតុបច្ចយា. ឯកំ.

នសឧត្តរញ្ច នអនុត្តរញ្ច ធម្មំ បដិច្ច សឧត្តរោ ធម្មោ ឧប្បជ្ជតិ ហេតុបច្ចយា… ហេតុយា បញ្ច.

១០០. សរណទុកំ

១-៧. បដិច្ចវារាទិ

៥៥. នសរណំ ធម្មំ បដិច្ច អរណោ ធម្មោ ឧប្បជ្ជតិ ហេតុបច្ចយា. ឯកំ.

នអរណំ ធម្មំ បដិច្ច អរណោ ធម្មោ ឧប្បជ្ជតិ ហេតុបច្ចយា… តីណិ.

នសរណញ្ច នអរណញ្ច ធម្មំ បដិច្ច អរណោ ធម្មោ ឧប្បជ្ជតិ ហេតុបច្ចយា. ឯកំ. ហេតុយា បញ្ច, អារម្មណេ ទ្វេ…បេ… អវិគតេ បញ្ច.

បច្ចនីយំ

នហេតុបច្ចយោ

៥៦. នសរណំ ធម្មំ បដិច្ច អរណោ ធម្មោ ឧប្បជ្ជតិ នហេតុបច្ចយា. នអរណំ ធម្មំ បដិច្ច សរណោ ធម្មោ ឧប្បជ្ជតិ នហេតុបច្ចយា (សំខិត្តំ).

នហេតុយា ទ្វេ, នអារម្មណេ តីណិ…បេ… នោវិគតេ តីណិ.

(សហជាតវារម្បិ…បេ… សម្បយុត្តវារម្បិ បដិច្ចវារសទិសំ.)

ហេតុ-អារម្មណបច្ចយា

៥៧. នសរណោ ធម្មោ អរណស្ស ធម្មស្ស ហេតុបច្ចយេន បច្ចយោ. (១)

នអរណោ ធម្មោ អរណស្ស ធម្មស្ស ហេតុបច្ចយេន បច្ចយោ. នអរណោ ធម្មោ សរណស្ស ធម្មស្ស ហេតុបច្ចយេន បច្ចយោ. នអរណោ ធម្មោ សរណស្ស ច អរណស្ស ច ធម្មស្ស ហេតុបច្ចយេន បច្ចយោ. (៣)

៥៨. នសរណោ ធម្មោ សរណស្ស ធម្មស្ស អារម្មណបច្ចយេន បច្ចយោ. នសរណោ ធម្មោ អរណស្ស ធម្មស្ស អារម្មណបច្ចយេន បច្ចយោ. ទ្វេ.

នអរណោ ធម្មោ អរណស្ស ធម្មស្ស អារម្មណបច្ចយេន បច្ចយោ. នអរណោ ធម្មោ សរណស្ស ធម្មស្ស អារម្មណបច្ចយេន បច្ចយោ. ទ្វេ.

៥៩. ហេតុយា ចត្តារិ, អារម្មណេ ចត្តារិ…បេ… អវិគតេ សត្ត.

បច្ចនីយុទ្ធារោ

៦០. នសរណោ ធម្មោ សរណស្ស ធម្មស្ស អារម្មណបច្ចយេន បច្ចយោ, ឧបនិស្សយបច្ចយេន បច្ចយោ, បុរេជាតបច្ចយេន បច្ចយោ (សំខិត្តំ).

នហេតុយា សត្ត, នអារម្មណេ សត្ត…បេ… នោអវិគតេ ចត្តារិ.

(យថា កុសលត្តិកេ បញ្ហាវារស្ស អនុលោមម្បិ បច្ចនីយម្បិ អនុលោមបច្ចនីយម្បិ បច្ចនីយានុលោមម្បិ គណិតំ, ឯវំ គណេតព្ពំ.)

ធម្មបច្ចនីយានុលោមេ ទុកបដ្ឋានំ និដ្ឋិតំ.