ធម្មបច្ចនីយានុលោមេ តិកបដ្ឋានំ

១. កុសលត្តិកំ

១-២. បដិច្ចវារាទិ

បច្ចយចតុក្កំ

ហេតុ-អារម្មណបច្ចយា

១. នកុសលំ ធម្មំ បដិច្ច អកុសលោ ធម្មោ ឧប្បជ្ជតិ ហេតុបច្ចយា. អកុសលំ ឯកំ ខន្ធំ បដិច្ច តយោ ខន្ធា…បេ… ទ្វេ ខន្ធេ បដិច្ច ទ្វេ ខន្ធា នកុសលំ ធម្មំ បដិច្ច អព្យាកតោ ធម្មោ ឧប្បជ្ជតិ ហេតុបច្ចយា. វិបាកាព្យាកតំ កិរិយាព្យាកតំ ឯកំ ខន្ធំ បដិច្ច តយោ ខន្ធា ចិត្តសមុដ្ឋានញ្ច រូបំ…បេ… នកុសលំ ធម្មំ បដិច្ច អកុសលោ ច អព្យាកតោ ច ធម្មា ឧប្បជ្ជន្តិ ហេតុបច្ចយា. តីណិ.

នអកុសលំ ធម្មំ បដិច្ច កុសលោ ធម្មោ ឧប្បជ្ជតិ ហេតុបច្ចយា. នអកុសលំ ធម្មំ បដិច្ច អព្យាកតោ ធម្មោ ឧប្បជ្ជតិ ហេតុបច្ចយា. នអកុសលំ ធម្មំ បដិច្ច កុសលោ ច អព្យាកតោ ច ធម្មា ឧប្បជ្ជន្តិ ហេតុបច្ចយា. តីណិ.

នអព្យាកតំ ធម្មំ បដិច្ច អព្យាកតោ ធម្មោ ឧប្បជ្ជតិ ហេតុបច្ចយា. នអព្យាកតំ ធម្មំ បដិច្ច កុសលោ ធម្មោ ឧប្បជ្ជតិ ហេតុបច្ចយា. នអព្យាកតំ ធម្មំ បដិច្ច អកុសលោ ធម្មោ ឧប្បជ្ជតិ ហេតុបច្ចយា. នអព្យាកតំ ធម្មំ បដិច្ច កុសលោ ច អព្យាកតោ ច ធម្មា ឧប្បជ្ជន្តិ ហេតុបច្ចយា. នអព្យាកតំ ធម្មំ បដិច្ច អកុសលោ ច អព្យាកតោ ច ធម្មា ឧប្បជ្ជន្តិ ហេតុបច្ចយា. បញ្ច.

នកុសលញ្ច នអព្យាកតញ្ច ធម្មំ បដិច្ច អកុសលោ ធម្មោ ឧប្បជ្ជតិ ហេតុបច្ចយា. នកុសលញ្ច នអព្យាកតញ្ច ធម្មំ បដិច្ច អព្យាកតោ ធម្មោ ឧប្បជ្ជតិ ហេតុបច្ចយា. នកុសលញ្ច នអព្យាកតញ្ច ធម្មំ បដិច្ច អកុសលោ ច អព្យាកតោ ច ធម្មា ឧប្បជ្ជន្តិ ហេតុបច្ចយា. តីណិ.

នអកុសលញ្ច នអព្យាកតញ្ច ធម្មំ បដិច្ច កុសលោ ធម្មោ ឧប្បជ្ជតិ ហេតុបច្ចយា. នអកុសលញ្ច នអព្យាកតញ្ច ធម្មំ បដិច្ច អព្យាកតោ ធម្មោ ឧប្បជ្ជតិ ហេតុបច្ចយា. នអកុសលញ្ច នអព្យាកតញ្ច ធម្មំ បដិច្ច កុសលោ ច អព្យាកតោ ច ធម្មា ឧប្បជ្ជន្តិ ហេតុបច្ចយា. តីណិ.

នកុសលញ្ច នអកុសលញ្ច ធម្មំ បដិច្ច អព្យាកតោ ធម្មោ ឧប្បជ្ជតិ ហេតុបច្ចយា. ឯកំ.

២. នកុសលំ ធម្មំ បដិច្ច អកុសលោ ធម្មោ ឧប្បជ្ជតិ អារម្មណបច្ចយា. នកុសលំ ធម្មំ បដិច្ច អព្យាកតោ ធម្មោ ឧប្បជ្ជតិ អារម្មណបច្ចយា. ទ្វេ.

នអកុសលំ ធម្មំ បដិច្ច កុសលោ ធម្មោ ឧប្បជ្ជតិ អារម្មណបច្ចយា. នអកុសលំ ធម្មំ បដិច្ច អព្យាកតោ ធម្មោ ឧប្បជ្ជតិ អារម្មណបច្ចយា. ទ្វេ.

នអព្យាកតំ ធម្មំ បដិច្ច កុសលោ ធម្មោ ឧប្បជ្ជតិ អារម្មណបច្ចយា. នអព្យាកតំ ធម្មំ បដិច្ច អកុសលោ ធម្មោ ឧប្បជ្ជតិ អារម្មណបច្ចយា. ទ្វេ.

នកុសលញ្ច នអព្យាកតញ្ច ធម្មំ បដិច្ច អកុសលោ ធម្មោ ឧប្បជ្ជតិ អារម្មណបច្ចយា. ឯកំ.

នអកុសលញ្ច នអព្យាកតញ្ច ធម្មំ បដិច្ច កុសលោ ធម្មោ ឧប្បជ្ជតិ អារម្មណបច្ចយា. ឯកំ.

នកុសលញ្ច នអកុសលញ្ច ធម្មំ បដិច្ច អព្យាកតោ ធម្មោ ឧប្បជ្ជតិ អារម្មណបច្ចយា. ឯកំ. ហេតុយា អដ្ឋារស, អារម្មណេ នវ, អធិបតិយា អដ្ឋារស…បេ… អវិគតេ អដ្ឋារស.

បច្ចនីយំ

នហេតុ-នអារម្មណបច្ចយា

៣. នកុសលំ ធម្មំ បដិច្ច អកុសលោ ធម្មោ ឧប្បជ្ជតិ នហេតុបច្ចយា. នកុសលំ ធម្មំ បដិច្ច អព្យាកតោ ធម្មោ ឧប្បជ្ជតិ នហេតុបច្ចយា…បេ… នកុសលញ្ច នអកុសលញ្ច ធម្មំ បដិច្ច អព្យាកតោ ធម្មោ ឧប្បជ្ជតិ នហេតុបច្ចយា.

៤. នកុសលំ ធម្មំ បដិច្ច អព្យាកតោ ធម្មោ ឧប្បជ្ជតិ នអារម្មណបច្ចយា…បេ… នកុសលញ្ច នអកុសលញ្ច ធម្មំ បដិច្ច អព្យាកតោ ធម្មោ ឧប្បជ្ជតិ នអារម្មណបច្ចយា. (សំខិត្តំ.)

៥. នហេតុយា ឆ, នអារម្មណេ ឆ, នអធិបតិយា អដ្ឋារស…បេ… នោវិគតេ ឆ.

ហេតុបច្ចយា នអារម្មណេ ឆ… (សំខិត្តំ).

នហេតុបច្ចយា អារម្មណេ ឆ… (សំខិត្តំ).

(សហជាតវារោ បដិច្ចវារសទិសោ).

៣-៦. បច្ចយវារាទិ

៦. នកុសលំ ធម្មំ បច្ចយា កុសលោ ធម្មោ ឧប្បជ្ជតិ ហេតុបច្ចយា. នកុសលំ ធម្មំ បច្ចយា អកុសលោ ធម្មោ ឧប្បជ្ជតិ ហេតុបច្ចយា. នកុសលំ ធម្មំ បច្ចយា អព្យាកតោ ធម្មោ ឧប្បជ្ជតិ ហេតុបច្ចយា. នកុសលំ ធម្មំ បច្ចយា កុសលោ ច អព្យាកតោ ច ធម្មា ឧប្បជ្ជន្តិ ហេតុបច្ចយា. នកុសលំ ធម្មំ បច្ចយា អកុសលោ ច អព្យាកតោ ច ធម្មា ឧប្បជ្ជន្តិ ហេតុបច្ចយា. បញ្ច.

នអកុសលំ ធម្មំ បច្ចយា អកុសលោ ធម្មោ ឧប្បជ្ជតិ ហេតុបច្ចយា… បញ្ច.

នអព្យាកតំ ធម្មំ បច្ចយា អព្យាកតោ ធម្មោ ឧប្បជ្ជតិ ហេតុបច្ចយា… បញ្ច.

នកុសលញ្ច នអព្យាកតញ្ច ធម្មំ បច្ចយា… តីណិ.

នអកុសលញ្ច នអព្យាកតញ្ច ធម្មំ បច្ចយា… តីណិ. នកុសលញ្ច នអកុសលញ្ច ធម្មំ បច្ចយា កុសលោ ធម្មោ ឧប្បជ្ជតិ ហេតុបច្ចយា… បញ្ច. (សំខិត្តំ.) ហេតុយា ឆព្ពីសតិ, អារម្មណេ តេរស…បេ… អវិគតេ ឆព្ពីសតិ.

សំសដ្ឋវារេ ហេតុយា នវ…បេ… អវិគតេ នវ. (សំខិត្តំ.)

៧. បញ្ហាវារោ

៧. នកុសលោ ធម្មោ អកុសលស្ស ធម្មស្ស ហេតុបច្ចយេន បច្ចយោ. នកុសលោ ធម្មោ អព្យាកតស្ស ធម្មស្ស ហេតុបច្ចយេន បច្ចយោ. នកុសលោ ធម្មោ អកុសលស្ស ច អព្យាកតស្ស ច ធម្មស្ស ហេតុបច្ចយេន បច្ចយោ… តីណិ.

នអកុសលោ ធម្មោ កុសលស្ស ធម្មស្ស ហេតុបច្ចយេន បច្ចយោ… តីណិ.

នអព្យាកតោ ធម្មោ អព្យាកតស្ស ធម្មស្ស ហេតុបច្ចយេន បច្ចយោ… បញ្ច.

នកុសលោ ច នអព្យាកតោ ច ធម្មា អកុសលស្ស ធម្មស្ស ហេតុបច្ចយេន បច្ចយោ… តីណិ.

នអកុសលោ ច នអព្យាកតោ ច ធម្មា កុសលស្ស ធម្មស្ស ហេតុបច្ចយេន បច្ចយោ… តីណិ.

នកុសលោ ច នអកុសលោ ច ធម្មា អព្យាកតស្ស ធម្មស្ស ហេតុបច្ចយេន បច្ចយោ. ឯកំ.

អារម្មណបច្ចយោ

៨. នកុសលោ ធម្មោ កុសលស្ស ធម្មស្ស អារម្មណបច្ចយេន បច្ចយោ… តីណិ.

នអកុសលោ ធម្មោ អកុសលស្ស ធម្មស្ស អារម្មណបច្ចយេន បច្ចយោ… តីណិ.

នអព្យាកតោ ធម្មោ អព្យាកតស្ស ធម្មស្ស អារម្មណបច្ចយេន បច្ចយោ… តីណិ.

នកុសលោ ច នអព្យាកតោ ច ធម្មា កុសលស្ស ធម្មស្ស អារម្មណបច្ចយេន បច្ចយោ. នកុសលោ ច នអព្យាកតោ ច ធម្មា អកុសលស្ស ធម្មស្ស អារម្មណបច្ចយេន បច្ចយោ. នកុសលោ ច នអព្យាកតោ ច ធម្មា អព្យាកតស្ស ធម្មស្ស អារម្មណបច្ចយេន បច្ចយោ. តីណិ.

នអកុសលោ ច នអព្យាកតោ ច ធម្មា កុសលស្ស ធម្មស្ស អារម្មណបច្ចយេន បច្ចយោ. នអកុសលោ ច នអព្យាកតោ ច ធម្មា អកុសលស្ស ធម្មស្ស អារម្មណបច្ចយេន បច្ចយោ. នអកុសលោ ច នអព្យាកតោ ច ធម្មា អព្យាកតស្ស ធម្មស្ស អារម្មណបច្ចយេន បច្ចយោ. តីណិ.

នកុសលោ ច នអកុសលោ ច ធម្មា កុសលស្ស ធម្មស្ស អារម្មណបច្ចយេន បច្ចយោ… តីណិ. (សំខិត្តំ.)

៩. ហេតុយា អដ្ឋារស, អារម្មណេ អដ្ឋារស, អធិបតិយា តេវីស…បេ… អវិគតេ ទ្វាវីស. (បញ្ហាវារំ វិត្ថារេតព្ពំ.)

២. វេទនាត្តិកំ

១-៧. បដិច្ចវារាទិ

១០. នសុខាយ វេទនាយ សម្បយុត្តំ ធម្មំ បដិច្ច សុខាយ វេទនាយ សម្បយុត្តោ ធម្មោ ឧប្បជ្ជតិ ហេតុបច្ចយា. នសុខាយ វេទនាយ សម្បយុត្តំ ធម្មំ បដិច្ច ទុក្ខាយ វេទនាយ សម្បយុត្តោ ធម្មោ ឧប្បជ្ជតិ ហេតុបច្ចយា. នសុខាយ វេទនាយ សម្បយុត្តំ ធម្មំ បដិច្ច អទុក្ខមសុខាយ វេទនាយ សម្បយុត្តោ ធម្មោ ឧប្បជ្ជតិ ហេតុបច្ចយា. (៣)

នទុក្ខាយ វេទនាយ សម្បយុត្តំ ធម្មំ បដិច្ច ទុក្ខាយ វេទនាយ សម្បយុត្តោ ធម្មោ ឧប្បជ្ជតិ ហេតុបច្ចយា. នទុក្ខាយ វេទនាយ សម្បយុត្តំ ធម្មំ បដិច្ច សុខាយ វេទនាយ សម្បយុត្តោ ធម្មោ ឧប្បជ្ជតិ ហេតុបច្ចយា. នទុក្ខាយ វេទនាយ សម្បយុត្តំ ធម្មំ បដិច្ច អទុក្ខមសុខាយ វេទនាយ សម្បយុត្តោ ធម្មោ ឧប្បជ្ជតិ ហេតុបច្ចយា. (៣)

នអទុក្ខមសុខាយ វេទនាយ សម្បយុត្តំ ធម្មំ បដិច្ច អទុក្ខមសុខាយ វេទនាយ សម្បយុត្តោ ធម្មោ ឧប្បជ្ជតិ ហេតុបច្ចយា. នអទុក្ខមសុខាយ វេទនាយ សម្បយុត្តំ ធម្មំ បដិច្ច សុខាយ វេទនាយ សម្បយុត្តោ ធម្មោ ឧប្បជ្ជតិ ហេតុបច្ចយា. នអទុក្ខមសុខាយ វេទនាយ សម្បយុត្តំ ធម្មំ បដិច្ច ទុក្ខាយ វេទនាយ សម្បយុត្តោ ធម្មោ ឧប្បជ្ជតិ ហេតុបច្ចយា. (៣) (សំខិត្តំ.) ហេតុយា ឯកវីស, អធិបតិយា ឯកវីស…បេ… អវិគតេ ឯកវីស.

៣. វិបាកត្តិកំ

១-៧. បដិច្ចវារាទិ

១១. នវិបាកំ ធម្មំ បដិច្ច វិបាកោ ធម្មោ ឧប្បជ្ជតិ ហេតុបច្ចយា. នវិបាកំ ធម្មំ បដិច្ច វិបាកធម្មធម្មោ ឧប្បជ្ជតិ ហេតុបច្ចយា… បញ្ច.

នវិបាកធម្មធម្មំ បដិច្ច វិបាកោ ធម្មោ ឧប្បជ្ជតិ ហេតុបច្ចយា. នវិបាកធម្មធម្មំ បដិច្ច នេវវិបាកនវិបាកធម្មធម្មោ ឧប្បជ្ជតិ ហេតុបច្ចយា… តីណិ.

ននេវវិបាកនវិបាកធម្មធម្មំ បដិច្ច នេវវិបាកនវិបាកធម្មធម្មោ ឧប្បជ្ជតិ ហេតុបច្ចយា. ននេវវិបាកនវិបាកធម្មធម្មំ បដិច្ច វិបាកោ ធម្មោ ឧប្បជ្ជតិ ហេតុបច្ចយា… បញ្ច. ហេតុយា ទ្វាវីស.

៤. ឧបាទិន្នត្តិកំ

១-៧. បដិច្ចវារាទិ

១២. នឧបាទិន្នុបាទានិយំ ធម្មំ បដិច្ច អនុបាទិន្នុបាទានិយោ ធម្មោ ឧប្បជ្ជតិ ហេតុបច្ចយា… តីណិ.

នអនុបាទិន្នុបាទានិយំ ធម្មំ បដិច្ច អនុបាទិន្នុបាទានិយោ ធម្មោ ឧប្បជ្ជតិ ហេតុបច្ចយា… បញ្ច.

នអនុបាទិន្នអនុបាទានិយំ ធម្មំ បដិច្ច ឧបាទិន្នុបាទានិយោ ធម្មោ ឧប្បជ្ជតិ ហេតុបច្ចយា… តីណិ.

នឧបាទិន្នុបាទានិយញ្ច នអនុបាទិន្នអនុបាទានិយញ្ច ធម្មំ បដិច្ច អនុបាទិន្នុបាទានិយោ ធម្មោ ឧប្បជ្ជតិ ហេតុបច្ចយា. ឯកំ.

នអនុបាទិន្នុបាទានិយញ្ច នអនុបាទិន្នអនុបាទានិយញ្ច ធម្មំ បដិច្ច ឧបាទិន្នុបាទានិយោ ធម្មោ ឧប្បជ្ជតិ ហេតុបច្ចយា… តីណិ.

នឧបាទិន្នុបាទានិយញ្ច នអនុបាទិន្នុបាទានិយញ្ច ធម្មំ បដិច្ច អនុបាទិន្នអនុបាទានិយោ ធម្មោ ឧប្បជ្ជតិ ហេតុបច្ចយា… តីណិ. ហេតុយា អដ្ឋារស.

៥. សំកិលិដ្ឋត្តិកំ

១-៧. បដិច្ចវារាទិ

១៣. នសំកិលិដ្ឋសំកិលេសិកំ ធម្មំ បដិច្ច អសំកិលិដ្ឋសំកិលេសិកោ ធម្មោ ឧប្បជ្ជតិ ហេតុបច្ចយា. នសំកិលិដ្ឋសំកិលេសិកំ ធម្មំ បដិច្ច អសំកិលិដ្ឋអសំកិលេសិកោ ធម្មោ ឧប្បជ្ជតិ ហេតុបច្ចយា. នសំកិលិដ្ឋសំកិលេសិកំ ធម្មំ បដិច្ច អសំកិលិដ្ឋសំកិលេសិកោ ច អសំកិលិដ្ឋអសំកិលេសិកោ ច ធម្មា ឧប្បជ្ជន្តិ ហេតុបច្ចយា. តីណិ.

នអសំកិលិដ្ឋសំកិលេសិកំ ធម្មំ បដិច្ច អសំកិលិដ្ឋសំកិលេសិកោ ធម្មោ ឧប្បជ្ជតិ ហេតុបច្ចយា… បញ្ច.

នអសំកិលិដ្ឋអសំកិលេសិកំ ធម្មំ បដិច្ច សំកិលិដ្ឋសំកិលេសិកោ ធម្មោ ឧប្បជ្ជតិ ហេតុបច្ចយា. នអសំកិលិដ្ឋអសំកិលេសិកំ ធម្មំ បដិច្ច អសំកិលិដ្ឋសំកិលេសិកោ ធម្មោ ឧប្បជ្ជតិ ហេតុបច្ចយា. នអសំកិលិដ្ឋអសំកិលេសិកំ ធម្មំ បដិច្ច សំកិលិដ្ឋសំកិលេសិកោ ច អសំកិលិដ្ឋសំកិលេសិកោ ច ធម្មា ឧប្បជ្ជន្តិ ហេតុបច្ចយា. តីណិ. ហេតុយា អដ្ឋារស.

៦. វិតក្កត្តិកំ

១-៧. បដិច្ចវារាទិ

១៤. នសវិតក្កសវិចារំ ធម្មំ បដិច្ច សវិតក្កសវិចារោ ធម្មោ ឧប្បជ្ជតិ ហេតុបច្ចយា. នសវិតក្កសវិចារំ ធម្មំ បដិច្ច អវិតក្កវិចារមត្តោ ធម្មោ ឧប្បជ្ជតិ ហេតុបច្ចយា. នសវិតក្កសវិចារំ ធម្មំ បដិច្ច អវិតក្កអវិចារោ ធម្មោ ឧប្បជ្ជតិ ហេតុបច្ចយា… សត្ត.

នអវិតក្កវិចារមត្តំ ធម្មំ បដិច្ច អវិតក្កវិចារមត្តោ ធម្មោ ឧប្បជ្ជតិ ហេតុបច្ចយា… សត្ត.

នអវិតក្កអវិចារំ ធម្មំ បដិច្ច អវិតក្កអវិចារោ ធម្មោ ឧប្បជ្ជតិ ហេតុបច្ចយា… សត្ត. ហេតុយា ឯកូនបញ្ញាស.

៧. បីតិត្តិកំ

១-៧. បដិច្ចវារាទិ

១៥. នបីតិសហគតំ ធម្មំ បដិច្ច បីតិសហគតោ ធម្មោ ឧប្បជ្ជតិ ហេតុបច្ចយា… ចត្តារិ.

នសុខសហគតំ ធម្មំ បដិច្ច សុខសហគតោ ធម្មោ ឧប្បជ្ជតិ ហេតុបច្ចយា… ចត្តារិ.

នឧបេក្ខាសហគតំ ធម្មំ បដិច្ច ឧបេក្ខាសហគតោ ធម្មោ ឧប្បជ្ជតិ ហេតុបច្ចយា. នឧបេក្ខាសហគតំ ធម្មំ បដិច្ច បីតិសហគតោ ធម្មោ ឧប្បជ្ជតិ ហេតុបច្ចយា… ចត្តារិ. ហេតុយា អដ្ឋវីស.

៨. ទស្សនត្តិកំ

១-៧. បដិច្ចវារាទិ

១៦. នទស្សនេន បហាតព្ពំ ធម្មំ បដិច្ច ភាវនាយ បហាតព្ពោ ធម្មោ ឧប្បជ្ជតិ ហេតុបច្ចយា. នទស្សនេន បហាតព្ពំ ធម្មំ បដិច្ច នេវទស្សនេន នភាវនាយ បហាតព្ពោ ធម្មោ ឧប្បជ្ជតិ ហេតុបច្ចយា. នទស្សនេន បហាតព្ពំ ធម្មំ បដិច្ច ភាវនាយ បហាតព្ពោ ច នេវទស្សនេន នភាវនាយ បហាតព្ពោ ច ធម្មា ឧប្បជ្ជន្តិ ហេតុបច្ចយា. តីណិ.

នភាវនាយ បហាតព្ពំ ធម្មំ បដិច្ច ទស្សនេន បហាតព្ពោ ធម្មោ ឧប្បជ្ជតិ ហេតុបច្ចយា. នភាវនាយ បហាតព្ពំ ធម្មំ បដិច្ច នេវទស្សនេន នភាវនាយ បហាតព្ពោ ធម្មោ ឧប្បជ្ជតិ ហេតុបច្ចយា. នភាវនាយ បហាតព្ពំ ធម្មំ បដិច្ច ទស្សនេន បហាតព្ពោ ច នេវទស្សនេន នភាវនាយ បហាតព្ពោ ច ធម្មា ឧប្បជ្ជន្តិ ហេតុបច្ចយា. តីណិ.

នេវទស្សនេន នភាវនាយ បហាតព្ពំ ធម្មំ បដិច្ច នេវទស្សនេន នភាវនាយ បហាតព្ពោ ធម្មោ ឧប្បជ្ជតិ ហេតុបច្ចយា. ននេវទស្សនេន នភាវនាយ បហាតព្ពំ ធម្មំ បដិច្ច ទស្សនេន បហាតព្ពោ ធម្មោ ឧប្បជ្ជតិ ហេតុបច្ចយា… បញ្ច. (សំខិត្តំ.) ហេតុយា អដ្ឋារស.

៩. ទស្សនហេតុត្តិកំ

១-៧. បដិច្ចវារាទិ

១៧. នទស្សនេន បហាតព្ពហេតុកំ ធម្មំ បដិច្ច ទស្សនេន បហាតព្ពហេតុកោ ធម្មោ ឧប្បជ្ជតិ ហេតុបច្ចយា… ហេតុយា ឆព្ពីស.

១០. អាចយគាមិត្តិកំ

១-៧. បដិច្ចវារាទិ

១៨. នអាចយគាមិំ ធម្មំ បដិច្ច អបចយគាមី ធម្មោ ឧប្បជ្ជតិ ហេតុបច្ចយា… ហេតុយា អដ្ឋារស.

១១. សេក្ខត្តិកំ

១-៧. បដិច្ចវារាទិ

១៩. នសេក្ខំ ធម្មំ បដិច្ច អសេក្ខោ ធម្មោ ឧប្បជ្ជតិ ហេតុបច្ចយា… ហេតុយា អដ្ឋារស.

១២-១៦. បរិត្តត្តិកាទិ

១-៧. បដិច្ចវារាទិ

២០. នបរិត្តំ ធម្មំ បដិច្ច បរិត្តោ ធម្មោ ឧប្បជ្ជតិ ហេតុបច្ចយា… ហេតុយា ទ្វាវីស.

២១. នបរិត្តារម្មណំ ធម្មំ បដិច្ច បរិត្តារម្មណោ ធម្មោ ឧប្បជ្ជតិ ហេតុបច្ចយា… ហេតុយា តេរស.

២២. នហីនំ ធម្មំ បដិច្ច មជ្ឈិមោ ធម្មោ ឧប្បជ្ជតិ ហេតុបច្ចយា… ហេតុយា អដ្ឋារស.

២៣. នមិច្ឆត្តនិយតំ ធម្មំ បដិច្ច សម្មត្តនិយតោ ធម្មោ ឧប្បជ្ជតិ ហេតុបច្ចយា… ហេតុយា អដ្ឋារស.

២៤. នមគ្គារម្មណំ ធម្មំ បដិច្ច មគ្គហេតុកោ ធម្មោ ឧប្បជ្ជតិ ហេតុបច្ចយា… ហេតុយា ទស [ហេតុយា អដ្ឋ?].

១៧. ឧប្បន្នត្តិកំ

៧. បញ្ហាវារោ

២៥. នអនុប្បន្នោ ធម្មោ ឧប្បន្នស្ស ធម្មស្ស ហេតុបច្ចយេន បច្ចយោ. នឧប្បាទី ធម្មោ ឧប្បន្នស្ស ធម្មស្ស ហេតុបច្ចយេន បច្ចយោ. នអនុប្បន្នោ ច នឧប្បាទី ច ធម្មា ឧប្បន្នស្ស ធម្មស្ស ហេតុបច្ចយេន បច្ចយោ. ហេតុយា តីណិ.

១៨-១៩. អតីតត្តិកទ្វយំ

១-៧. បដិច្ចវារាទិ

២៦. នអតីតោ ធម្មោ បច្ចុប្បន្នស្ស ធម្មស្ស ហេតុបច្ចយេន បច្ចយោ. នអនាគតោ ធម្មោ បច្ចុប្បន្នស្ស ធម្មស្ស ហេតុបច្ចយេន បច្ចយោ. នអតីតោ ច នអនាគតោ ច ធម្មា បច្ចុប្បន្នស្ស ធម្មស្ស ហេតុបច្ចយេន បច្ចយោ. ហេតុយា តីណិ.

២៧. នអតីតារម្មណំ ធម្មំ បដិច្ច អតីតារម្មណោ ធម្មោ ឧប្បជ្ជតិ ហេតុបច្ចយា. នអតីតារម្មណំ ធម្មំ បដិច្ច អនាគតារម្មណោ ធម្មោ ឧប្បជ្ជតិ ហេតុបច្ចយា. នអតីតារម្មណំ ធម្មំ បដិច្ច បច្ចុប្បន្នារម្មណោ ធម្មោ ឧប្បជ្ជតិ ហេតុបច្ចយា. តីណិ.

នអនាគតារម្មណំ ធម្មំ បដិច្ច អតីតារម្មណោ ធម្មោ ឧប្បជ្ជតិ ហេតុបច្ចយា. នអនាគតារម្មណំ ធម្មំ បដិច្ច បច្ចុប្បន្នារម្មណោ ធម្មោ ឧប្បជ្ជតិ ហេតុបច្ចយា. ទ្វេ.

នបច្ចុប្បន្នារម្មណំ ធម្មំ បដិច្ច បច្ចុប្បន្នារម្មណោ ធម្មោ ឧប្បជ្ជតិ ហេតុបច្ចយា. នបច្ចុប្បន្នារម្មណំ ធម្មំ បដិច្ច អតីតារម្មណោ ធម្មោ ឧប្បជ្ជតិ ហេតុបច្ចយា. នបច្ចុប្បន្នារម្មណំ ធម្មំ បដិច្ច អនាគតារម្មណោ ធម្មោ ឧប្បជ្ជតិ ហេតុបច្ចយា. តីណិ. (សំខិត្តំ.) ហេតុយា សត្តរស.

២០-២១. អជ្ឈត្តត្តិកទ្វយំ

១-៧. បដិច្ចវារាទិ

២៨. នអជ្ឈត្តំ ធម្មំ បដិច្ច ពហិទ្ធា ធម្មោ ឧប្បជ្ជតិ ហេតុបច្ចយា. ឯកំ.

នពហិទ្ធា ធម្មំ បដិច្ច អជ្ឈត្តោ ធម្មោ ឧប្បជ្ជតិ ហេតុបច្ចយា. ឯកំ. ហេតុយា ទ្វេ.

២៩. នអជ្ឈត្តារម្មណំ ធម្មំ បដិច្ច អជ្ឈត្តារម្មណោ ធម្មោ ឧប្បជ្ជតិ ហេតុបច្ចយា… ទ្វេ.

នពហិទ្ធារម្មណំ ធម្មំ បដិច្ច ពហិទ្ធារម្មណោ ធម្មោ ឧប្បជ្ជតិ ហេតុបច្ចយា… ទ្វេ.

នអជ្ឈត្តារម្មណញ្ច នពហិទ្ធារម្មណញ្ច ធម្មំ បដិច្ច អជ្ឈត្តារម្មណោ ធម្មោ ឧប្បជ្ជតិ ហេតុបច្ចយា… ទ្វេ. ហេតុយា ឆ.

២២. សនិទស្សនត្តិកំ

១-៧. បដិច្ចវារាទិ

៣០. នសនិទស្សនសប្បដិឃំ ធម្មំ បដិច្ច សនិទស្សនសប្បដិឃោ ធម្មោ ឧប្បជ្ជតិ ហេតុបច្ចយា. នសនិទស្សនសប្បដិឃំ ធម្មំ បដិច្ច អនិទស្សនសប្បដិឃោ ធម្មោ ឧប្បជ្ជតិ ហេតុបច្ចយា. នសនិទស្សនសប្បដិឃំ ធម្មំ បដិច្ច អនិទស្សនអប្បដិឃោ ធម្មោ ឧប្បជ្ជតិ ហេតុបច្ចយា. នសនិទស្សនសប្បដិឃំ ធម្មំ បដិច្ច សនិទស្សនសប្បដិឃោ ច អនិទស្សនអប្បដិឃោ ច ធម្មា ឧប្បជ្ជន្តិ ហេតុបច្ចយា. នសនិទស្សនសប្បដិឃំ ធម្មំ បដិច្ច អនិទស្សនសប្បដិឃោ ច អនិទស្សនអប្បដិឃោ ច ធម្មា ឧប្បជ្ជន្តិ ហេតុបច្ចយា. នសនិទស្សនសប្បដិឃំ ធម្មំ បដិច្ច សនិទស្សនសប្បដិឃោ ច អនិទស្សនសប្បដិឃោ ច ធម្មា ឧប្បជ្ជន្តិ ហេតុបច្ចយា. នសនិទស្សនសប្បដិឃំ ធម្មំ បដិច្ច សនិទស្សនសប្បដិឃោ ច អនិទស្សនសប្បដិឃោ ច អនិទស្សនអប្បដិឃោ ច ធម្មា ឧប្បជ្ជន្តិ ហេតុបច្ចយា. សត្ត.

នអនិទស្សនសប្បដិឃំ ធម្មំ បដិច្ច អនិទស្សនសប្បដិឃោ ធម្មោ ឧប្បជ្ជតិ ហេតុបច្ចយា. នអនិទស្សនសប្បដិឃំ ធម្មំ បដិច្ច សនិទស្សនសប្បដិឃោ ធម្មោ ឧប្បជ្ជតិ ហេតុបច្ចយា… សត្ត.

នអនិទស្សនអប្បដិឃំ ធម្មំ បដិច្ច អនិទស្សនអប្បដិឃោ ធម្មោ ឧប្បជ្ជតិ ហេតុបច្ចយា… សត្ត. ហេតុយា បញ្ចតិំស. (បញ្ហាវារម្បិ វិត្ថារេតព្ពំ.)

ធម្មបច្ចនីយានុលោមេ តិកបដ្ឋានំ និដ្ឋិតំ.