១-៦-១២. ហេតុទុក-ចូឡន្តរទុកាទិ

៩. នហេតុ អប្បច្ចយោ ធម្មោ ននហេតុស្ស នអប្បច្ចយស្ស ធម្មស្ស អារម្មណបច្ចយេន បច្ចយោ…បេ… នហេតុ អប្បច្ចយោ ធម្មោ នហេតុស្ស នអប្បច្ចយស្ស ធម្មស្ស អារម្មណបច្ចយេន បច្ចយោ. នហេតុ អប្បច្ចយោ ធម្មោ នហេតុស្ស នអប្បច្ចយស្ស ច ននហេតុស្ស នអប្បច្ចយស្ស ច ធម្មស្ស អារម្មណបច្ចយេន បច្ចយោ…បេ…. (អសង្ខតំ អប្បច្ចយសទិសំ.)

១០. នហេតុ សនិទស្សនោ ធម្មោ ននហេតុស្ស នសនិទស្សនស្ស ធម្មស្ស អារម្មណបច្ចយេន បច្ចយោ. នហេតុ សនិទស្សនោ ធម្មោ នហេតុស្ស នសនិទស្សនស្ស ធម្មស្ស អារម្មណបច្ចយេន បច្ចយោ. នហេតុ សនិទស្សនោ ធម្មោ នហេតុស្ស នសនិទស្សនស្ស ច ននហេតុស្ស នសនិទស្សនស្ស ច ធម្មស្ស អារម្មណបច្ចយេន បច្ចយោ. អារម្មណេ តីណិ.

ហេតុំ អនិទស្សនំ ធម្មំ បដិច្ច នហេតុ នអនិទស្សនោ ធម្មោ ឧប្បជ្ជតិ ហេតុបច្ចយា… ហេតុយា តីណិ.

១១. នហេតុំ សប្បដិឃំ ធម្មំ បដិច្ច នហេតុ នសប្បដិឃោ ធម្មោ ឧប្បជ្ជតិ ហេតុបច្ចយា… ហេតុយា ឯកំ.

ហេតុំ អប្បដិឃំ ធម្មំ បដិច្ច នហេតុ នអប្បដិឃោ ធម្មោ ឧប្បជ្ជតិ ហេតុបច្ចយា… ហេតុយា តីណិ.

១២. នហេតុំ រូបិំ ធម្មំ បដិច្ច ននហេតុ នរូបី ធម្មោ ឧប្បជ្ជតិ ហេតុបច្ចយា… ហេតុយា តីណិ.

ហេតុំ អរូបិំ ធម្មំ បដិច្ច នហេតុ នអរូបី ធម្មោ ឧប្បជ្ជតិ ហេតុបច្ចយា… ហេតុយា តីណិ.

១៣. នហេតុំ លោកិយំ ធម្មំ បច្ចយា ននហេតុ នលោកិយោ ធម្មោ ឧប្បជ្ជតិ ហេតុបច្ចយា… ហេតុយា តីណិ.

ហេតុំ លោកុត្តរំ ធម្មំ បដិច្ច នហេតុ នលោកុត្តរោ ធម្មោ ឧប្បជ្ជតិ ហេតុបច្ចយា. នហេតុំ លោកុត្តរំ ធម្មំ បដិច្ច នហេតុ នលោកុត្តរោ ធម្មោ ឧប្បជ្ជតិ ហេតុបច្ចយា. ហេតុំ លោកុត្តរញ្ច នហេតុំ លោកុត្តរញ្ច ធម្មំ បដិច្ច នហេតុ នលោកុត្តរោ ធម្មោ ឧប្បជ្ជតិ ហេតុបច្ចយា. ហេតុយា តីណិ.

១៤. ហេតុំ កេនចិ វិញ្ញេយ្យំ ធម្មំ បដិច្ច នហេតុ នកេនចិ វិញ្ញេយ្យោ ធម្មោ ឧប្បជ្ជតិ ហេតុបច្ចយា… ហេតុយា នវ.

ហេតុំ នកេនចិ វិញ្ញេយ្យំ ធម្មំ បដិច្ច នហេតុ ននកេនចិ វិញ្ញេយ្យោ ធម្មោ ឧប្បជ្ជតិ ហេតុបច្ចយា… ហេតុយា នវ.