១-១៣-១៨. ហេតុទុក-អាសវគោច្ឆកំ

១៥. ហេតុំ អាសវំ ធម្មំ បដិច្ច នហេតុ នអាសវោ ធម្មោ ឧប្បជ្ជតិ ហេតុបច្ចយា… ហេតុយា បញ្ច.

ហេតុំ នោអាសវំ ធម្មំ បដិច្ច ននហេតុ ននោអាសវោ ធម្មោ ឧប្បជ្ជតិ ហេតុបច្ចយា… ហេតុយា បញ្ច.

១៦. នហេតុំ សាសវំ ធម្មំ បច្ចយា ននហេតុ នសាសវោ ធម្មោ ឧប្បជ្ជតិ ហេតុបច្ចយា… ហេតុយា តីណិ.

ហេតុំ អនាសវំ ធម្មំ បដិច្ច នហេតុ នអនាសវោ ធម្មោ ឧប្បជ្ជតិ ហេតុបច្ចយា… ហេតុយា តីណិ.

១៧. ហេតុំ អាសវសម្បយុត្តំ ធម្មំ បដិច្ច នហេតុ នអាសវសម្បយុត្តោ ធម្មោ ឧប្បជ្ជតិ ហេតុបច្ចយា… ហេតុយា នវ.

ហេតុំ អាសវវិប្បយុត្តំ ធម្មំ បដិច្ច នហេតុ នអាសវវិប្បយុត្តោ ធម្មោ ឧប្បជ្ជតិ ហេតុបច្ចយា… ហេតុយា តីណិ.

១៨. ហេតុំ អាសវញ្ចេវ សាសវញ្ច ធម្មំ បដិច្ច នហេតុ នអាសវោ ចេវ នអនាសវោ ច ធម្មោ ឧប្បជ្ជតិ ហេតុបច្ចយា… ហេតុយា បញ្ច.

ហេតុំ សាសវញ្ចេវ នោ ច អាសវំ ធម្មំ បដិច្ច ននហេតុ នអនាសវោ ចេវ ននោ ច អាសវោ ធម្មោ ឧប្បជ្ជតិ ហេតុបច្ចយា… ហេតុយា បញ្ច.

១៩. ហេតុំ អាសវញ្ចេវ អាសវសម្បយុត្តញ្ច ធម្មំ បដិច្ច នហេតុ នអាសវោ ចេវ នអាសវវិប្បយុត្តោ ច ធម្មោ ឧប្បជ្ជតិ ហេតុបច្ចយា… ហេតុយា តីណិ.

នហេតុំ អាសវសម្បយុត្តញ្ចេវ នោ ច អាសវំ ធម្មំ បដិច្ច ននហេតុ នអាសវវិប្បយុត្តោ ចេវ ននោអាសវោ ច ធម្មោ ឧប្បជ្ជតិ ហេតុបច្ចយា… ហេតុយា តីណិ.

២០. នហេតុំ អាសវវិប្បយុត្តំ សាសវំ ធម្មំ បច្ចយា ននហេតុ អាសវវិប្បយុត្តោ នសាសវោ ធម្មោ ឧប្បជ្ជតិ ហេតុបច្ចយា. (លោកិយសទិសំ.)

ហេតុំ អាសវវិប្បយុត្តំ អនាសវំ ធម្មំ បដិច្ច នហេតុ អាសវវិប្បយុត្តោ នអនាសវោ ធម្មោ ឧប្បជ្ជតិ ហេតុបច្ចយា. នហេតុំ អាសវវិប្បយុត្តំ អនាសវំ ធម្មំ បដិច្ច នហេតុ អាសវវិប្បយុត្តោ នអនាសវោ ធម្មោ ឧប្បជ្ជតិ ហេតុបច្ចយា. ហេតុំ អាសវវិប្បយុត្តំ អនាសវញ្ច នហេតុំ អាសវវិប្បយុត្តំ អនាសវញ្ច ធម្មំ បដិច្ច នហេតុ អាសវវិប្បយុត្តោ នអនាសវោ ធម្មោ ឧប្បជ្ជតិ ហេតុបច្ចយា. ហេតុយា តីណិ.