១-៣. កុសលត្តិក-ឧបាទិន្នត្តិកំ

១២. អព្យាកតំ ឧបាទិន្នុបាទានិយំ ធម្មំ បដិច្ច នកុសលោ នឧបាទិន្នុបាទានិយោ ធម្មោ ឧប្បជ្ជតិ ហេតុបច្ចយា. អព្យាកតំ ឧបាទិន្នុបាទានិយំ ធម្មំ បដិច្ច នអកុសលោ នឧបាទិន្នុបាទានិយោ ធម្មោ ឧប្បជ្ជតិ ហេតុបច្ចយា. អព្យាកតំ ឧបាទិន្នុបាទានិយំ ធម្មំ បដិច្ច នកុសលោ នឧបាទិន្នុបាទានិយោ ច នអកុសលោ នឧបាទិន្នុបាទានិយោ ច ធម្មា ឧប្បជ្ជន្តិ ហេតុបច្ចយា. ហេតុយា តីណិ.

១៣. កុសលោ អនុបាទិន្នុបាទានិយោ ធម្មោ នកុសលស្ស នអនុបាទិន្នុបាទានិយស្ស ធម្មស្ស អារម្មណបច្ចយេន បច្ចយោ. កុសលោ អនុបាទិន្នុបាទានិយោ ធម្មោ នអកុសលស្ស នអនុបាទិន្នុបាទានិយស្ស ធម្មស្ស អារម្មណបច្ចយេន បច្ចយោ. កុសលោ អនុបាទិន្នុបាទានិយោ ធម្មោ នកុសលស្ស នអនុបាទិន្នុបាទានិយស្ស ច នអកុសលស្ស នអនុបាទិន្នុបាទានិយស្ស ច ធម្មស្ស អារម្មណបច្ចយេន បច្ចយោ. តីណិ.

អកុសលេ តីណិ. អព្យាកតំ អនុបាទិន្នុបាទានិយេ តីណិយេវ…បេ….

១៤. កុសលំ អនុបាទិន្នអនុបាទានិយំ ធម្មំ បដិច្ច នកុសលោ នអនុបាទិន្នអនុបាទានិយោ ធម្មោ ឧប្បជ្ជតិ ហេតុបច្ចយា… តីណិ.

អព្យាកតំ អនុបាទិន្នអនុបាទានិយំ ធម្មំ បដិច្ច នកុសលោ នអនុបាទិន្នអនុបាទានិយោ ធម្មោ ឧប្បជ្ជតិ ហេតុបច្ចយា… តីណិ. …ហេតុយា ឆ.