១-៤. កុសលត្តិក-សំកិលិដ្ឋត្តិកំ

១៥. អកុសលំ សំកិលិដ្ឋសំកិលេសិកំ ធម្មំ បដិច្ច នអកុសលោ នសំកិលិដ្ឋសំកិលេសិកោ ធម្មោ ឧប្បជ្ជតិ ហេតុបច្ចយា… ហេតុយា តីណិ.

អព្យាកតំ អសំកិលិដ្ឋសំកិលេសិកំ ធម្មំ បច្ចយា នអព្យាកតោ នអសំកិលិដ្ឋសំកិលេសិកោ ធម្មោ ឧប្បជ្ជតិ ហេតុបច្ចយា. អព្យាកតំ អសំកិលិដ្ឋសំកិលេសិកំ ធម្មំ បច្ចយា នកុសលោ នអសំកិលិដ្ឋសំកិលេសិកោ ធម្មោ ឧប្បជ្ជតិ ហេតុបច្ចយា. អព្យាកតំ អសំកិលិដ្ឋសំកិលេសិកំ ធម្មំ បច្ចយា នអកុសលោ នអសំកិលិដ្ឋសំកិលេសិកោ ធម្មោ ឧប្បជ្ជតិ ហេតុបច្ចយា. អព្យាកតំ អសំកិលិដ្ឋសំកិលេសិកំ ធម្មំ បច្ចយា នកុសលោ នអសំកិលិដ្ឋសំកិលេសិកោ ច នអព្យាកតោ នអសំកិលិដ្ឋសំកិលេសិកោ ច ធម្មា ឧប្បជ្ជន្តិ ហេតុបច្ចយា. អព្យាកតំ អសំកិលិដ្ឋសំកិលេសិកំ ធម្មំ បច្ចយា នអកុសលោ នអសំកិលិដ្ឋសំកិលេសិកោ ច នអព្យាកតោ នអសំកិលិដ្ឋសំកិលេសិកោ ច ធម្មា ឧប្បជ្ជន្តិ ហេតុបច្ចយា. អព្យាកតំ អសំកិលិដ្ឋសំកិលេសិកំ ធម្មំ បច្ចយា នកុសលោ នអសំកិលិដ្ឋសំកិលេសិកោ ច នអកុសលោ នអសំកិលិដ្ឋសំកិលេសិកោ ច ធម្មា ឧប្បជ្ជន្តិ ហេតុបច្ចយា. ហេតុយា ឆ.

១៦. កុសលំ អសំកិលិដ្ឋអសំកិលេសិកំ ធម្មំ បដិច្ច នកុសលោ នអសំកិលិដ្ឋអសំកិលេសិកោ ធម្មោ ឧប្បជ្ជតិ ហេតុបច្ចយា… តីណិ.

អព្យាកតំ អសំកិលិដ្ឋអសំកិលេសិកំ ធម្មំ បដិច្ច នកុសលោ នអសំកិលិដ្ឋអសំកិលេសិកោ ធម្មោ ឧប្បជ្ជតិ ហេតុបច្ចយា… តីណិ… ហេតុយា ឆ.