១-២. កុសលត្តិក-វិបាកត្តិកំ

៩. អព្យាកតំ វិបាកំ ធម្មំ បដិច្ច នកុសលោ នវិបាកោ ធម្មោ ឧប្បជ្ជតិ ហេតុបច្ចយា… ហេតុយា តីណិ.

១០. កុសលំ វិបាកធម្មធម្មំ បដិច្ច នកុសលោ នវិបាកធម្មធម្មោ ឧប្បជ្ជតិ ហេតុបច្ចយា. កុសលំ វិបាកធម្មធម្មំ បដិច្ច នអកុសលោ នវិបាកធម្មធម្មោ ឧប្បជ្ជតិ ហេតុបច្ចយា. កុសលំ វិបាកធម្មធម្មំ បដិច្ច នកុសលោ នវិបាកធម្មធម្មោ ច នអកុសលោ នវិបាកធម្មធម្មោ ច ធម្មា ឧប្បជ្ជន្តិ ហេតុបច្ចយា. តីណិ.

អកុសលំ វិបាកធម្មធម្មំ បដិច្ច នអកុសលោ នវិបាកធម្មធម្មោ ឧប្បជ្ជតិ ហេតុបច្ចយា. អកុសលំ វិបាកធម្មធម្មំ បដិច្ច នកុសលោ នវិបាកធម្មធម្មោ ឧប្បជ្ជតិ ហេតុបច្ចយា. អកុសលំ វិបាកធម្មធម្មំ បដិច្ច នកុសលោ នវិបាកធម្មធម្មោ ច នអកុសលោ នវិបាកធម្មធម្មោ ច ធម្មា ឧប្បជ្ជន្តិ ហេតុបច្ចយា. (៣) …ហេតុយា ឆ.

១១. អព្យាកតំ នេវវិបាកនវិបាកធម្មធម្មំ បដិច្ច នកុសលោ ននេវវិបាកនវិបាកធម្មធម្មោ ឧប្បជ្ជតិ ហេតុបច្ចយា. អព្យាកតំ នេវវិបាកនវិបាកធម្មធម្មំ បដិច្ច នអកុសលោ ននេវវិបាកនវិបាកធម្មធម្មោ ឧប្បជ្ជតិ ហេតុបច្ចយា. អព្យាកតំ នេវវិបាកនវិបាកធម្មធម្មំ បដិច្ច នកុសលោ ននេវវិបាកនវិបាកធម្មធម្មោ ច នអកុសលោ នេវវិបាកនវិបាកធម្មធម្មោ ច ធម្មា ឧប្បជ្ជន្តិ ហេតុបច្ចយា. ហេតុយា តីណិ.