១-១៩-២០. កុសលត្តិក-អជ្ឈត្តត្តិកទ្វយំ

៣១. កុសលោ អជ្ឈត្តោ ធម្មោ នអជ្ឈត្តស្ស នកុសលស្ស ធម្មស្ស អារម្មណបច្ចយេន បច្ចយោ. (សំខិត្តំ.)… អារម្មណេ អដ្ឋារស.

កុសលោ ពហិទ្ធា ធម្មោ នពហិទ្ធា នកុសលស្ស ធម្មស្ស អារម្មណបច្ចយេន បច្ចយោ. (សំខិត្តំ.)… អារម្មណេ អដ្ឋារស.

៣២. កុសលំ អជ្ឈត្តារម្មណំ ធម្មំ បដិច្ច នកុសលោ នអជ្ឈត្តារម្មណោ ធម្មោ ឧប្បជ្ជតិ ហេតុបច្ចយា… ហេតុយា នវ.

កុសលំ ពហិទ្ធារម្មណំ ធម្មំ បដិច្ច នកុសលោ នពហិទ្ធារម្មណោ ធម្មោ ឧប្បជ្ជតិ ហេតុបច្ចយា… ហេតុយា នវ.