១-២១. កុសលត្តិក-សនិទស្សនត្តិកំ

៣៣. អព្យាកតោ សនិទស្សនសប្បដិឃោ ធម្មោ នអព្យាកតស្ស នសនិទស្សនសប្បដិឃស្ស ធម្មស្ស អារម្មណបច្ចយេន បច្ចយោ… អារម្មណេ ឆ. (តីណិ វេទិតកំ កាតព្ពំ.)

៣៤. អព្យាកតំ អនិទស្សនសប្បដិឃំ ធម្មំ បដិច្ច កុសលោ នអនិទស្សនសប្បដិឃោ ធម្មោ ឧប្បជ្ជតិ ហេតុបច្ចយា. អព្យាកតំ អនិទស្សនសប្បដិឃំ ធម្មំ បដិច្ច នអកុសលោ នអនិទស្សនសប្បដិឃោ ធម្មោ ឧប្បជ្ជតិ ហេតុបច្ចយា. អព្យាកតំ អនិទស្សនសប្បដិឃំ ធម្មំ បដិច្ច នកុសលោ នអនិទស្សនសប្បដិឃោ ច នអកុសលោ នអនិទស្សនសប្បដិឃោ ច ធម្មា ឧប្បជ្ជន្តិ ហេតុបច្ចយា. ហេតុយា តីណិ.

៣៥. កុសលំ អនិទស្សនអប្បដិឃំ ធម្មំ បដិច្ច នកុសលោ នអនិទស្សនអប្បដិឃោ ធម្មោ ឧប្បជ្ជតិ ហេតុបច្ចយា. កុសលំ អនិទស្សនអប្បដិឃំ ធម្មំ បដិច្ច នអកុសលោ នអនិទស្សនអប្បដិឃោ ធម្មោ ឧប្បជ្ជតិ ហេតុបច្ចយា. កុសលំ អនិទស្សនអប្បដិឃំ ធម្មំ បដិច្ច នកុសលោ នអនិទស្សនអប្បដិឃោ ច នអកុសលោ នអនិទស្សនអប្បដិឃោ ច ធម្មា ឧប្បជ្ជន្តិ ហេតុបច្ចយា. តីណិ.

អកុសលំ អនិទស្សនអប្បដិឃំ ធម្មំ បដិច្ច នអកុសលោ នអនិទស្សនអប្បដិឃោ ធម្មោ ឧប្បជ្ជតិ ហេតុបច្ចយា. អកុសលំ អនិទស្សនអប្បដិឃំ ធម្មំ បដិច្ច នកុសលោ នអនិទស្សនអប្បដិឃោ ធម្មោ ឧប្បជ្ជតិ ហេតុបច្ចយា. អកុសលំ អនិទស្សនអប្បដិឃំ ធម្មំ បដិច្ច នកុសលោ នអនិទស្សនអប្បដិឃោ ច នអកុសលោ នអនិទស្សនអប្បដិឃោ ច ធម្មា ឧប្បជ្ជន្តិ ហេតុបច្ចយា. តីណិ.

អព្យាកតំ អនិទស្សនអប្បដិឃំ ធម្មំ បដិច្ច នកុសលោ នអនិទស្សនអប្បដិឃោ ធម្មោ ឧប្បជ្ជតិ ហេតុបច្ចយា. អព្យាកតំ អនិទស្សនអប្បដិឃំ ធម្មំ បដិច្ច នអកុសលោ នអនិទស្សនអប្បដិឃោ ធម្មោ ឧប្បជ្ជតិ ហេតុបច្ចយា. អព្យាកតំ អនិទស្សនអប្បដិឃំ ធម្មំ បដិច្ច នកុសលោ នអនិទស្សនអប្បដិឃោ ច នអកុសលោ នអនិទស្សនអប្បដិឃោ ច ធម្មា ឧប្បជ្ជន្តិ ហេតុបច្ចយា. តីណិ.

កុសលំ អនិទស្សនអប្បដិឃញ្ច អព្យាកតំ អនិទស្សនអប្បដិឃញ្ច ធម្មំ បដិច្ច នកុសលោ នអនិទស្សនអប្បដិឃោ ធម្មោ ឧប្បជ្ជតិ ហេតុបច្ចយា… តីណិ.

អកុសលំ អនិទស្សនអប្បដិឃញ្ច អព្យាកតំ អនិទស្សនអប្បដិឃញ្ច ធម្មំ បដិច្ច នកុសលោ នអនិទស្សនអប្បដិឃោ ធម្មោ ឧប្បជ្ជតិ ហេតុបច្ចយា… តីណិ… ហេតុយា បន្នរស.