១-៤. កុសលត្តិក-ហេតុសហេតុកទុកំ

១១. កុសលំ ហេតុញ្ចេវ សហេតុកញ្ច ធម្មំ បដិច្ច នអកុសលោ នហេតុ ចេវ នអហេតុកោ ច ធម្មោ ឧប្បជ្ជតិ ហេតុបច្ចយា. កុសលំ ហេតុញ្ចេវ សហេតុកញ្ច ធម្មំ បដិច្ច នអព្យាកតោ នហេតុ ចេវ នអហេតុកោ ច ធម្មោ ឧប្បជ្ជតិ ហេតុបច្ចយា. កុសលំ ហេតុញ្ចេវ សហេតុកញ្ច ធម្មំ បដិច្ច នអកុសលោ នហេតុ ចេវ នអហេតុកោ ច នអព្យាកតោ នហេតុ ចេវ នអហេតុកោ ច ធម្មា ឧប្បជ្ជន្តិ ហេតុបច្ចយា. (៣)

អកុសលំ ហេតុញ្ចេវ សហេតុកញ្ច ធម្មំ បដិច្ច នកុសលោ នហេតុ ចេវ នអហេតុកោ ច ធម្មោ ឧប្បជ្ជតិ ហេតុបច្ចយា… តីណិ.

អព្យាកតំ ហេតុញ្ចេវ សហេតុកញ្ច ធម្មំ បដិច្ច នកុសលោ នហេតុ ចេវ នអហេតុកោ ច ធម្មោ ឧប្បជ្ជតិ ហេតុបច្ចយា. អព្យាកតំ ហេតុញ្ចេវ សហេតុកញ្ច ធម្មំ បដិច្ច នអកុសលោ នហេតុ ចេវ នអហេតុកោ ច ធម្មោ ឧប្បជ្ជតិ ហេតុបច្ចយា. អព្យាកតំ ហេតុញ្ចេវ សហេតុកញ្ច ធម្មំ បដិច្ច នកុសលោ នហេតុ ចេវ នអហេតុកោ ច នអកុសលោ នហេតុ ចេវ នអហេតុកោ ច ធម្មា ឧប្បជ្ជន្តិ ហេតុបច្ចយា. (៣) (សំខិត្តំ.)

ហេតុយា នវ.

១២. កុសលំ សហេតុកញ្ចេវ ន ច ហេតុំ ធម្មំ បដិច្ច នអកុសលោ នអហេតុកោ ចេវ ននហេតុ ច ធម្មោ ឧប្បជ្ជតិ ហេតុបច្ចយា. កុសលំ សហេតុកញ្ចេវ ន ច ហេតុំ ធម្មំ បដិច្ច នអព្យាកតោ នអហេតុកោ ចេវ ននហេតុ ច ធម្មោ ឧប្បជ្ជតិ ហេតុបច្ចយា. កុសលំ សហេតុកញ្ចេវ ន ច ហេតុំ ធម្មំ បដិច្ច នអកុសលោ នអហេតុកោ ចេវ ននហេតុ ច នអព្យាកតោ នអហេតុកោ ចេវ ននហេតុ ច ធម្មា ឧប្បជ្ជន្តិ ហេតុបច្ចយា. តីណិ.

អកុសលំ សហេតុកញ្ចេវ ន ច ហេតុំ ធម្មំ បដិច្ច នកុសលោ នអហេតុកោ ចេវ ននហេតុ ច ធម្មោ ឧប្បជ្ជតិ ហេតុបច្ចយា. អកុសលំ សហេតុកញ្ចេវ ន ច ហេតុំ ធម្មំ បដិច្ច នអព្យាកតោ នអហេតុកោ ចេវ ននហេតុ ច ធម្មោ ឧប្បជ្ជតិ ហេតុបច្ចយា. អកុសលំ សហេតុកញ្ចេវ ន ច ហេតុំ ធម្មំ បដិច្ច នអកុសលោ នអហេតុកោ ចេវ ននហេតុ ច នអព្យាកតោ នអហេតុកោ ចេវ ននហេតុ ច ធម្មា ឧប្បជ្ជន្តិ ហេតុបច្ចយា. តីណិ.

អព្យាកតំ សហេតុកញ្ចេវ ន ច ហេតុំ ធម្មំ បដិច្ច នកុសលោ នអហេតុកោ ចេវ ននហេតុ ច ធម្មោ ឧប្បជ្ជតិ ហេតុបច្ចយា. អព្យាកតំ សហេតុកញ្ចេវ ន ច ហេតុំ ធម្មំ បដិច្ច នអកុសលោ នអហេតុកោ ចេវ ននហេតុ ច ធម្មោ ឧប្បជ្ជតិ ហេតុបច្ចយា. អព្យាកតំ សហេតុកញ្ចេវ ន ច ហេតុំ ធម្មំ បដិច្ច នកុសលោ នអហេតុកោ ចេវ ននហេតុ ច នអកុសលោ នអហេតុកោ ចេវ ននហេតុ ច ធម្មា ឧប្បជ្ជន្តិ ហេតុបច្ចយា. តីណិ.