១-៥. កុសលត្តិក-ហេតុហេតុសម្បយុត្តទុកំ

១៣. កុសលំ ហេតុញ្ចេវ ហេតុសម្បយុត្តញ្ច ធម្មំ បដិច្ច នអកុសលោ នហេតុ ចេវ នហេតុវិប្បយុត្តោ ច ធម្មោ ឧប្បជ្ជតិ ហេតុបច្ចយា. កុសលំ ហេតុញ្ចេវ ហេតុសម្បយុត្តញ្ច ធម្មំ បដិច្ច នអព្យាកតោ នហេតុ ចេវ នហេតុវិប្បយុត្តោ ច ធម្មោ ឧប្បជ្ជតិ ហេតុបច្ចយា. កុសលំ ហេតុញ្ចេវ ហេតុសម្បយុត្តញ្ច ធម្មំ បដិច្ច នអកុសលោ នហេតុ ចេវ នហេតុវិប្បយុត្តោ ច នអព្យាកតោ នហេតុ ចេវ នហេតុវិប្បយុត្តោ ច ធម្មា ឧប្បជ្ជន្តិ ហេតុបច្ចយា. តីណិ.

(អកុសលំ តីណិ កាតព្ពំ, អព្យាកតំ តីណិ កាតព្ពំ.)

ហេតុយា នវ.

១៤. កុសលំ ហេតុសម្បយុត្តញ្ចេវ ន ច ហេតុំ ធម្មំ បដិច្ច នអកុសលោ នហេតុវិប្បយុត្តោ ចេវ ននហេតុ ច ធម្មោ ឧប្បជ្ជតិ ហេតុបច្ចយា. កុសលំ ហេតុសម្បយុត្តញ្ចេវ ន ច ហេតុំ ធម្មំ បដិច្ច នអព្យាកតោ នហេតុវិប្បយុត្តោ ចេវ ននហេតុ ច ធម្មោ ឧប្បជ្ជតិ ហេតុបច្ចយា. កុសលំ ហេតុសម្បយុត្តញ្ចេវ ន ច ហេតុំ ធម្មំ បដិច្ច នអកុសលោ នហេតុវិប្បយុត្តោ ចេវ ននហេតុ ច នអព្យាកតោ នហេតុវិប្បយុត្តោ ចេវ ននហេតុ ច ធម្មា ឧប្បជ្ជន្តិ ហេតុបច្ចយា. តីណិ.

អកុសលំ ហេតុសម្បយុត្តញ្ចេវ ន ច ហេតុំ ធម្មំ បដិច្ច… តីណិ. អព្យាកតំ… តីណិ. ហេតុយា នវ.