១-៨៣. កុសលត្តិក-បិដ្ឋិទុកំ

៤៧. អកុសលំ ទស្សនេន បហាតព្ពំ ធម្មំ បដិច្ច នអកុសលោ នទស្សនេន បហាតព្ពោ ធម្មោ ឧប្បជ្ជតិ ហេតុបច្ចយា. អកុសលំ ទស្សនេន បហាតព្ពំ ធម្មំ បដិច្ច នកុសលោ នទស្សនេន បហាតព្ពោ ធម្មោ ឧប្បជ្ជតិ ហេតុបច្ចយា. អកុសលំ ទស្សនេន បហាតព្ពំ ធម្មំ បដិច្ច នកុសលោ នទស្សនេន បហាតព្ពោ ច នអកុសលោ នទស្សនេន បហាតព្ពោ ច ធម្មា ឧប្បជ្ជន្តិ ហេតុបច្ចយា. ហេតុយា តីណិ.

អព្យាកតំ នទស្សនេន បហាតព្ពំ ធម្មំ បច្ចយា នអព្យាកតោ ននទស្សនេន បហាតព្ពោ ធម្មោ ឧប្បជ្ជតិ ហេតុបច្ចយា. អព្យាកតំ នទស្សនេន បហាតព្ពំ ធម្មំ បច្ចយា នកុសលោ ននទស្សនេន បហាតព្ពោ ធម្មោ ឧប្បជ្ជតិ ហេតុបច្ចយា. អព្យាកតំ នទស្សនេន បហាតព្ពំ ធម្មំ បច្ចយា នកុសលោ ននទស្សនេន បហាតព្ពោ ច នអព្យាកតោ ននទស្សនេន បហាតព្ពោ ច ធម្មា ឧប្បជ្ជន្តិ ហេតុបច្ចយា. ហេតុយា តីណិ.

៤៨. អកុសលំ ភាវនាយ បហាតព្ពំ ធម្មំ បដិច្ច នអកុសលោ នភាវនាយ បហាតព្ពោ ធម្មោ ឧប្បជ្ជតិ ហេតុបច្ចយា. អកុសលំ ភាវនាយ បហាតព្ពំ ធម្មំ បដិច្ច នកុសលោ នភាវនាយ បហាតព្ពោ ធម្មោ ឧប្បជ្ជតិ ហេតុបច្ចយា. អកុសលំ ភាវនាយ បហាតព្ពំ ធម្មំ បដិច្ច នកុសលោ នភាវនាយ បហាតព្ពោ ច នអកុសលោ នភាវនាយ បហាតព្ពោ ច ធម្មា ឧប្បជ្ជន្តិ ហេតុបច្ចយា. ហេតុយា តីណិ.

អព្យាកតំ នភាវនាយ បហាតព្ពំ ធម្មំ បច្ចយា នអព្យាកតោ ននភាវនាយ បហាតព្ពោ ធម្មោ ឧប្បជ្ជតិ ហេតុបច្ចយា… ហេតុយា តីណិ.

៤៩. អកុសលំ ទស្សនេន បហាតព្ពហេតុកំ ធម្មំ បដិច្ច នអកុសលោ នទស្សនេន បហាតព្ពហេតុកោ ធម្មោ ឧប្បជ្ជតិ ហេតុបច្ចយា… ហេតុយា តីណិ.

អកុសលំ នទស្សនេន បហាតព្ពហេតុកំ ធម្មំ បដិច្ច នកុសលោ ននទស្សនេន បហាតព្ពហេតុកោ ធម្មោ ឧប្បជ្ជតិ ហេតុបច្ចយា… ហេតុយា តីណិ.

អព្យាកតំ នទស្សនេន បហាតព្ពហេតុកំ ធម្មំ បច្ចយា នអព្យាកតោ ននទស្សនេន បហាតព្ពហេតុកោ ធម្មោ ឧប្បជ្ជតិ ហេតុបច្ចយា… ហេតុយា តីណិ.

៥០. អកុសលំ ភាវនាយ បហាតព្ពហេតុកំ ធម្មំ បដិច្ច នអកុសលោ នភាវនាយ បហាតព្ពហេតុកោ ធម្មោ ឧប្បជ្ជតិ ហេតុបច្ចយា… ហេតុយា តីណិ.

អកុសលំ នភាវនាយ បហាតព្ពហេតុកំ ធម្មំ បដិច្ច នកុសលោ ននភាវនាយ បហាតព្ពហេតុកោ ធម្មោ ឧប្បជ្ជតិ ហេតុបច្ចយា… ហេតុយា តីណិ.

៥១. កុសលំ សវិតក្កំ ធម្មំ បដិច្ច នកុសលោ នសវិតក្កោ ធម្មោ ឧប្បជ្ជតិ ហេតុបច្ចយា… ហេតុយា តេរស.

កុសលំ អវិតក្កំ ធម្មំ បដិច្ច នអកុសលោ នអវិតក្កោ ធម្មោ ឧប្បជ្ជតិ ហេតុបច្ចយា… ហេតុយា នវ.

៥២. កុសលំ សវិចារំ ធម្មំ បដិច្ច នកុសលោ នសវិចារោ ធម្មោ ឧប្បជ្ជតិ ហេតុបច្ចយា… ហេតុយា តេរស.

កុសលំ អវិចារំ ធម្មំ បដិច្ច នអកុសលោ នអវិចារោ ធម្មោ ឧប្បជ្ជតិ ហេតុបច្ចយា… ហេតុយា នវ.

៥៣. កុសលំ សប្បីតិកំ ធម្មំ បដិច្ច នកុសលោ នសប្បីតិកោ ធម្មោ ឧប្បជ្ជតិ ហេតុបច្ចយា… ហេតុយា តេរស.

កុសលំ អប្បីតិកំ ធម្មំ បដិច្ច នអកុសលោ នអប្បីតិកោ ធម្មោ ឧប្បជ្ជតិ ហេតុបច្ចយា… ហេតុយា នវ.

៥៤. កុសលំ បីតិសហគតំ ធម្មំ បដិច្ច នកុសលោ នបីតិសហគតោ ធម្មោ ឧប្បជ្ជតិ ហេតុបច្ចយា… ហេតុយា តេរស.

កុសលំ នបីតិសហគតំ ធម្មំ បដិច្ច នអកុសលោ ននបីតិសហគតោ ធម្មោ ឧប្បជ្ជតិ ហេតុបច្ចយា… ហេតុយា នវ.

៥៥. កុសលំ សុខសហគតំ ធម្មំ បដិច្ច នកុសលោ នសុខសហគតោ ធម្មោ ឧប្បជ្ជតិ ហេតុបច្ចយា… ហេតុយា តេរស.

កុសលំ នសុខសហគតំ ធម្មំ បដិច្ច នអកុសលោ ននសុខសហគតោ ធម្មោ ឧប្បជ្ជតិ ហេតុបច្ចយា… ហេតុយា នវ.

៥៦. កុសលំ ឧបេក្ខាសហគតំ ធម្មំ បដិច្ច នកុសលោ នឧបេក្ខាសហគតោ ធម្មោ ឧប្បជ្ជតិ ហេតុបច្ចយា… ហេតុយា តេរស.

កុសលំ នឧបេក្ខាសហគតំ ធម្មំ បដិច្ច នកុសលោ ននឧបេក្ខាសហគតោ ធម្មោ ឧប្បជ្ជតិ ហេតុបច្ចយា… ហេតុយា នវ.

៥៧. អព្យាកតំ កាមាវចរំ ធម្មំ បដិច្ច នកុសលោ នកាមាវចរោ ធម្មោ ឧប្បជ្ជតិ ហេតុបច្ចយា… ហេតុយា តីណិ.

កុសលំ នកាមាវចរំ ធម្មំ បដិច្ច នកុសលោ ននកាមាវចរោ ធម្មោ ឧប្បជ្ជតិ ហេតុបច្ចយា… ហេតុយា ឆ.

៥៨. កុសលំ រូបាវចរំ ធម្មំ បដិច្ច នកុសលោ នរូបាវចរោ ធម្មោ ឧប្បជ្ជតិ ហេតុបច្ចយា… ហេតុយា ឆ.

អព្យាកតំ នរូបាវចរំ ធម្មំ បដិច្ច នកុសលោ ននរូបាវចរោ ធម្មោ ឧប្បជ្ជតិ ហេតុបច្ចយា… ហេតុយា តីណិ.

៥៩. កុសលំ អរូបាវចរំ ធម្មំ បដិច្ច នកុសលោ នអរូបាវចរោ ធម្មោ ឧប្បជ្ជតិ ហេតុបច្ចយា… ហេតុយា ឆ.

អព្យាកតំ នអរូបាវចរំ ធម្មំ បច្ចយា នអព្យាកតោ ននអរូបាវចរោ ធម្មោ ឧប្បជ្ជតិ ហេតុបច្ចយា… ហេតុយា បញ្ច.

៦០. អព្យាកតំ បរិយាបន្នំ ធម្មំ បច្ចយា នអព្យាកតោ នបរិយាបន្នោ ធម្មោ ឧប្បជ្ជតិ ហេតុបច្ចយា… ហេតុយា បញ្ច.

កុសលំ អបរិយាបន្នំ ធម្មំ បដិច្ច នកុសលោ នអបរិយាបន្នោ ធម្មោ ឧប្បជ្ជតិ ហេតុបច្ចយា… ហេតុយា ឆ.

៦១. កុសលំ និយ្យានិកំ ធម្មំ បដិច្ច នកុសលោ ននិយ្យានិកោ ធម្មោ ឧប្បជ្ជតិ ហេតុបច្ចយា… ហេតុយា តីណិ.

អព្យាកតំ អនិយ្យានិកំ ធម្មំ បច្ចយា នអព្យាកតោ នអនិយ្យានិកោ ធម្មោ ឧប្បជ្ជតិ ហេតុបច្ចយា… ហេតុយា តីណិ.

៦២. កុសលំ និយតំ ធម្មំ បដិច្ច នកុសលោ ននិយតោ ធម្មោ ឧប្បជ្ជតិ ហេតុបច្ចយា… ហេតុយា ឆ.

អព្យាកតំ អនិយតំ ធម្មំ បច្ចយា នអព្យាកតោ នអនិយតោ ធម្មោ ឧប្បជ្ជតិ ហេតុបច្ចយា… ហេតុយា បញ្ច.

៦៣. អព្យាកតំ សឧត្តរំ ធម្មំ បច្ចយា នអព្យាកតោ នសឧត្តរោ ធម្មោ ឧប្បជ្ជតិ ហេតុបច្ចយា… ហេតុយា បញ្ច.

កុសលំ អនុត្តរំ ធម្មំ បដិច្ច នកុសលោ នអនុត្តរោ ធម្មោ ឧប្បជ្ជតិ ហេតុបច្ចយា… ហេតុយា ឆ.

៦៤. អកុសលំ សរណំ ធម្មំ បដិច្ច នអកុសលោ នសរណោ ធម្មោ ឧប្បជ្ជតិ ហេតុបច្ចយា. អកុសលំ សរណំ ធម្មំ បដិច្ច នកុសលោ នសរណោ ធម្មោ ឧប្បជ្ជតិ ហេតុបច្ចយា. អកុសលំ សរណំ ធម្មំ បដិច្ច នកុសលោ នសរណោ ច នអកុសលោ នសរណោ ច ធម្មា ឧប្បជ្ជន្តិ ហេតុបច្ចយា. ហេតុយា តីណិ.

អព្យាកតំ អរណំ ធម្មំ បច្ចយា នអព្យាកតោ នអរណោ ធម្មោ ឧប្បជ្ជតិ ហេតុបច្ចយា. អព្យាកតំ អរណំ ធម្មំ បច្ចយា នកុសលោ នអរណោ ធម្មោ ឧប្បជ្ជតិ ហេតុបច្ចយា. អព្យាកតំ អរណំ ធម្មំ បច្ចយា នកុសលោ នអរណោ ច នអព្យាកតោ នអរណោ ច ធម្មា ឧប្បជ្ជន្តិ ហេតុបច្ចយា. ហេតុយា តីណិ.