១-៦. បដិច្ចវារាទិ

បច្ចយចតុក្កំ

ហេតុបច្ចយោ

៦៣. ហេតុញ្ចេវ សហេតុកញ្ច អព្យាកតំ ធម្មំ បដិច្ច ហេតុ ចេវ សហេតុកោ ច អព្យាកតោ ធម្មោ ឧប្បជ្ជតិ ហេតុបច្ចយា (សំខិត្តំ).

៦៤. ហេតុយា នវ, អារម្មណេ នវ…បេ… កម្មេ នវ, វិបាកេ នវ…បេ… អវិគតេ នវ (សំខិត្តំ).

នអធិបតិបច្ចយោ

៦៥. ហេតុញ្ចេវ សហេតុកញ្ច អព្យាកតំ ធម្មំ បដិច្ច ហេតុ ចេវ សហេតុកោ ច អព្យាកតោ ធម្មោ ឧប្បជ្ជតិ នអធិបតិបច្ចយា (សំខិត្តំ).

៦៦. នអធិបតិយា នវ, នបុរេជាតេ នវ, នបច្ឆាជាតេ នវ, នអាសេវនេ នវ, នកម្មេ តីណិ, នវិបាកេ នវ, នវិប្បយុត្តេ នវ (សំខិត្តំ).

ហេតុបច្ចយា នអធិបតិយា នវ (សំខិត្តំ).

នអធិបតិបច្ចយា ហេតុយា នវ (សំខិត្តំ).

(សហជាតវារោបិ បច្ចយវារោបិ និស្សយវារោបិ សំសដ្ឋវារោ សម្បយុត្តវារោបិ បដិច្ចវារសទិសា វិត្ថារេតព្ពា.)