៧. បញ្ហាវារោ

បច្ចយចតុក្កំ

ហេតុបច្ចយោ

៦៧. ហេតុ ចេវ សហេតុកោ ច អព្យាកតោ ធម្មោ ហេតុស្ស ចេវ សហេតុកស្ស ច អព្យាកតស្ស ធម្មស្ស ហេតុបច្ចយេន បច្ចយោ (សំខិត្តំ).

៦៨. ហេតុយា តីណិ, អារម្មណេ នវ, អធិបតិយា នវ, អនន្តរេ នវ, សមនន្តរេ នវ, សហជាតេ នវ, អញ្ញមញ្ញេ នវ, និស្សយេ នវ, ឧបនិស្សយេ នវ, អាសេវនេ នវ, កម្មេ តីណិ, វិបាកេ នវ, អាហារេ តីណិ…បេ… អវិគតេ នវ (សំខិត្តំ).

បច្ចនីយុទ្ធារោ

៦៩. ហេតុ ចេវ សហេតុកោ ច អព្យាកតោ ធម្មោ ហេតុស្ស ចេវ សហេតុកស្ស ច អព្យាកតស្ស ធម្មស្ស អារម្មណបច្ចយេន បច្ចយោ… សហជាតបច្ចយេន បច្ចយោ… ឧបនិស្សយបច្ចយេន បច្ចយោ (សំខិត្តំ).

៧០. នហេតុយា នវ, នអារម្មណេ នវ (សំខិត្តំ).

ហេតុបច្ចយា នអារម្មណេ តីណិ (សំខិត្តំ).

នហេតុបច្ចយា អារម្មណេ នវ (សំខិត្តំ).

(យថា កុសលត្តិកេ បញ្ហាវារស្ស អនុលោមម្បិ បច្ចនីយម្បិ អនុលោមបច្ចនីយម្បិ បច្ចនីយានុលោមម្បិ គណិតំ, ឯវំ គណេតព្ពំ.)

ហេតុសហេតុកទុកកុសលត្តិកំ និដ្ឋិតំ.