១-៦. បដិច្ចវារាទិ

បច្ចយចតុក្កំ

ហេតុបច្ចយោ

២៧៤. ហេតុំ នេវទស្សនេន នភាវនាយ បហាតព្ពំ ធម្មំ បដិច្ច ហេតុ នេវទស្សនេន នភាវនាយ បហាតព្ពោ ធម្មោ ឧប្បជ្ជតិ ហេតុបច្ចយា… តីណិ.

នហេតុំ នេវទស្សនេន នភាវនាយ បហាតព្ពំ ធម្មំ បដិច្ច នហេតុ នេវទស្សនេន នភាវនាយ បហាតព្ពោ ធម្មោ ឧប្បជ្ជតិ ហេតុបច្ចយា (សំខិត្តំ).

២៧៥. ហេតុយា នវ, អារម្មណេ នវ, អធិបតិយា នវ…បេ… កម្មេ នវ, វិបាកេ នវ…បេ… អវិគតេ នវ (សំខិត្តំ).

នហេតុបច្ចយាទិ

២៧៦. នហេតុំ នេវទស្សនេន នភាវនាយ បហាតព្ពំ ធម្មំ បដិច្ច នហេតុ នេវទស្សនេន នភាវនាយ បហាតព្ពោ ធម្មោ ឧប្បជ្ជតិ នហេតុបច្ចយា.

ហេតុំ នេវទស្សនេន នភាវនាយ បហាតព្ពំ ធម្មំ បដិច្ច នហេតុ នេវទស្សនេន នភាវនាយ បហាតព្ពោ ធម្មោ ឧប្បជ្ជតិ នអារម្មណបច្ចយា. (១)

នហេតុំ នេវទស្សនេន នភាវនាយ បហាតព្ពំ ធម្មំ បដិច្ច នហេតុ នេវទស្សនេន នភាវនាយ បហាតព្ពោ ធម្មោ ឧប្បជ្ជតិ នអារម្មណបច្ចយា. (១)

ហេតុំ នេវទស្សនេន នភាវនាយ បហាតព្ពញ្ច នហេតុំ នេវទស្សនេន នភាវនាយ បហាតព្ពញ្ច ធម្មំ បដិច្ច នហេតុ នេវទស្សនេន នភាវនាយ បហាតព្ពោ ធម្មោ ឧប្បជ្ជតិ នអារម្មណបច្ចយា. (១)

ហេតុំ នេវទស្សនេន នភាវនាយ បហាតព្ពំ ធម្មំ បដិច្ច ហេតុ នេវទស្សនេន នភាវនាយ បហាតព្ពោ ធម្មោ ឧប្បជ្ជតិ នអធិបតិបច្ចយា (សំខិត្តំ).

២៧៧. នហេតុយា ឯកំ, នអារម្មណេ តីណិ, នអធិបតិយា នវ, នអនន្តរេ តីណិ, នសមនន្តរេ តីណិ, នអញ្ញមញ្ញេ តីណិ, នឧបនិស្សយេ តីណិ, នបុរេជាតេ នវ, នបច្ឆាជាតេ នវ, នអាសេវនេ នវ, នកម្មេ តីណិ, នវិបាកេ នវ, នអាហារេ ឯកំ, នឥន្ទ្រិយេ ឯកំ, នឈានេ ឯកំ, នមគ្គេ ឯកំ, នសម្បយុត្តេ តីណិ, នវិប្បយុត្តេ នវ, នោនត្ថិយា តីណិ, នោវិគតេ តីណិ (សំខិត្តំ).

ហេតុបច្ចយា នអារម្មណេ តីណិ (សំខិត្តំ).

នហេតុបច្ចយា អារម្មណេ ឯកំ (សំខិត្តំ).

(សហជាតវារោបិ បច្ចយវារោបិ និស្សយវារោបិ សំសដ្ឋវារោបិ សម្បយុត្តវារោបិ បដិច្ចវារសទិសា វិត្ថារេតព្ពា.)