១-៦. បដិច្ចវារាទិ

បច្ចយចតុក្កំ

ហេតុបច្ចយោ

២៥៨. ហេតុំ ទស្សនេន បហាតព្ពំ ធម្មំ បដិច្ច ហេតុ ទស្សនេន បហាតព្ពោ ធម្មោ ឧប្បជ្ជតិ ហេតុបច្ចយា… តីណិ.

នហេតុំ ទស្សនេន បហាតព្ពំ ធម្មំ បដិច្ច នហេតុ ទស្សនេន បហាតព្ពោ ធម្មោ ឧប្បជ្ជតិ ហេតុបច្ចយា… តីណិ.

ហេតុំ ទស្សនេន បហាតព្ពញ្ច នហេតុំ ទស្សនេន បហាតព្ពញ្ច ធម្មំ បដិច្ច ហេតុ ទស្សនេន បហាតព្ពោ ធម្មោ ឧប្បជ្ជតិ ហេតុបច្ចយា… តីណិ (សំខិត្តំ).

២៥៩. ហេតុយា នវ, អារម្មណេ នវ, អធិបតិយា នវ…បេ… កម្មេ នវ, អាហារេ នវ…បេ… អវិគតេ នវ (សំខិត្តំ).

នហេតុ-នអធិបតិបច្ចយា

២៦០. នហេតុំ ទស្សនេន បហាតព្ពំ ធម្មំ បដិច្ច ហេតុ ទស្សនេន បហាតព្ពោ ធម្មោ ឧប្បជ្ជតិ នហេតុបច្ចយា. (១)

ហេតុំ ទស្សនេន បហាតព្ពំ ធម្មំ បដិច្ច ហេតុ ទស្សនេន បហាតព្ពោ ធម្មោ ឧប្បជ្ជតិ នអធិបតិបច្ចយា… នវ.

២៦១. នហេតុយា ឯកំ, នអធិបតិយា នវ, នបុរេជាតេ នវ, នបច្ឆាជាតេ នវ, នអាសេវនេ នវ, នកម្មេ តីណិ, នវិបាកេ នវ, នវិប្បយុត្តេ នវ (សំខិត្តំ).

ហេតុបច្ចយា នអធិបតិយា នវ (សំខិត្តំ).

នហេតុបច្ចយា អារម្មណេ ឯកំ (សំខិត្តំ).

(សហជាតវារោបិ បច្ចយវារោបិ និស្សយវារោបិ សំសដ្ឋវារោបិ សម្បយុត្តវារោបិ បដិច្ចវារសទិសា វិត្ថារេតព្ពា.)