៧. បញ្ហាវារោ

បច្ចយចតុក្កំ

ហេតុ-អារម្មណបច្ចយា

២៣០. ហេតុ អវិតក្កអវិចារោ ធម្មោ ហេតុស្ស អវិតក្កអវិចារស្ស ធម្មស្ស ហេតុបច្ចយេន បច្ចយោ… តីណិ.

ហេតុ អវិតក្កអវិចារោ ធម្មោ ហេតុស្ស អវិតក្កអវិចារស្ស ធម្មស្ស អារម្មណបច្ចយេន បច្ចយោ… នវ (សំខិត្តំ).

២៣១. ហេតុយា តីណិ, អារម្មណេ នវ, អធិបតិយា ឆ, អនន្តរេ នវ, សមនន្តរេ នវ, សហជាតេ នវ, អញ្ញមញ្ញេ នវ, និស្សយេ នវ, ឧបនិស្សយេ នវ, បុរេជាតេ តីណិ, បច្ឆាជាតេ តីណិ, អាសេវនេ នវ, កម្មេ តីណិ, វិបាកេ នវ, អាហារេ តីណិ, ឥន្ទ្រិយេ នវ, ឈានេ តីណិ, មគ្គេ នវ, សម្បយុត្តេ នវ, វិប្បយុត្តេ បញ្ច, អត្ថិយា នវ, នត្ថិយា នវ, វិគតេ នវ, អវិគតេ នវ (សំខិត្តំ).

បច្ចនីយុទ្ធារោ

២៣២. ហេតុ អវិតក្កអវិចារោ ធម្មោ ហេតុស្ស អវិតក្កអវិចារស្ស ធម្មស្ស អារម្មណបច្ចយេន បច្ចយោ… សហជាតបច្ចយេន បច្ចយោ… ឧបនិស្សយបច្ចយេន បច្ចយោ (សំខិត្តំ).

២៣៣. នហេតុយា នវ, នអារម្មណេ នវ, នអធិបតិយា នវ (សំខិត្តំ).

ហេតុបច្ចយា នអារម្មណេ តីណិ (សំខិត្តំ).

នហេតុបច្ចយា អារម្មណេ នវ (សំខិត្តំ).

(យថា កុសលត្តិកេ បញ្ហាវារស្ស អនុលោមម្បិ បច្ចនីយម្បិ អនុលោមបច្ចនីយម្បិ បច្ចនីយានុលោមម្បិ គណិតំ, ឯវំ គណេតព្ពំ.)

ហេតុទុកវិតក្កត្តិកំ និដ្ឋិតំ.