៧. បញ្ហាវារោ

បច្ចយចតុក្កំ

ហេតុបច្ចយាទិ

២២២. ហេតុ អវិតក្កវិចារមត្តោ ធម្មោ ហេតុស្ស អវិតក្កវិចារមត្តស្ស ធម្មស្ស ហេតុបច្ចយេន បច្ចយោ… តីណិ.

ហេតុ អវិតក្កវិចារមត្តោ ធម្មោ នហេតុស្ស អវិតក្កវិចារមត្តស្ស ធម្មស្ស អារម្មណបច្ចយេន បច្ចយោ… តីណិ.

ហេតុ អវិតក្កវិចារមត្តោ ធម្មោ ហេតុស្ស អវិតក្កវិចារមត្តស្ស ធម្មស្ស អធិបតិបច្ចយេន បច្ចយោ – សហជាតាធិបតិ… តីណិ.

នហេតុ អវិតក្កវិចារមត្តោ ធម្មោ នហេតុស្ស អវិតក្កវិចារមត្តស្ស ធម្មស្ស អធិបតិបច្ចយេន បច្ចយោ – អារម្មណាធិបតិ, សហជាតាធិបតិ… តីណិ.

ហេតុ អវិតក្កវិចារមត្តោ ច នហេតុ អវិតក្កវិចារមត្តោ ច ធម្មា នហេតុស្ស អវិតក្កវិចារមត្តស្ស ធម្មស្ស អធិបតិបច្ចយេន បច្ចយោ – អារម្មណាធិបតិ (សំខិត្តំ).

២២៣. ហេតុយា តីណិ, អារម្មណេ តីណិ, អធិបតិយា សត្ត, អនន្តរេ នវ, សមនន្តរេ នវ, សហជាតេ នវ, អញ្ញមញ្ញេ នវ, និស្សយេ នវ, ឧបនិស្សយេ នវ, អាសេវនេ នវ, កម្មេ តីណិ, វិបាកេ នវ, អាហារេ តីណិ, ឥន្ទ្រិយេ នវ, ឈានេ តីណិ, មគ្គេ នវ, សម្បយុត្តេ នវ, អត្ថិយា នវ, នត្ថិយា នវ, វិគតេ នវ, អវិគតេ នវ (សំខិត្តំ).

បច្ចនីយុទ្ធារោ

២២៤. ហេតុ អវិតក្កវិចារមត្តោ ធម្មោ ហេតុស្ស អវិតក្កវិចារមត្តស្ស ធម្មស្ស សហជាតបច្ចយេន បច្ចយោ… ឧបនិស្សយបច្ចយេន បច្ចយោ (សំខិត្តំ).

២២៥. នហេតុយា នវ, នអារម្មណេ នវ (សំខិត្តំ).

ហេតុបច្ចយា នអារម្មណេ តីណិ (សំខិត្តំ).

នហេតុបច្ចយា អារម្មណេ តីណិ (សំខិត្តំ).

(យថា កុសលត្តិកេ បញ្ហាវារស្ស អនុលោមម្បិ បច្ចនីយម្បិ អនុលោមបច្ចនីយម្បិ បច្ចនីយានុលោមម្បិ គណិតំ, ឯវំ គណេតព្ពំ.)