៧. បញ្ហាវារោ

បច្ចយចតុក្កំ

ហេតុ-អារម្មណបច្ចយា

២០៦. ហេតុ អសំកិលិដ្ឋអសំកិលេសិកោ ធម្មោ ហេតុស្ស អសំកិលិដ្ឋអសំកិលេសិកស្ស ធម្មស្ស ហេតុបច្ចយេន បច្ចយោ… តីណិ.

នហេតុ អសំកិលិដ្ឋអសំកិលេសិកោ ធម្មោ នហេតុស្ស អសំកិលិដ្ឋអសំកិលេសិកស្ស ធម្មស្ស អារម្មណបច្ចយេន បច្ចយោ… តីណិ (សំខិត្តំ).

២០៧. ហេតុយា តីណិ, អារម្មណេ តីណិ, អធិបតិយា ឆ, អនន្តរេ នវ, សមនន្តរេ នវ, សហជាតេ នវ, អញ្ញមញ្ញេ នវ, និស្សយេ នវ, ឧបនិស្សយេ នវ, កម្មេ តីណិ, វិបាកេ នវ, អាហារេ តីណិ, ឥន្ទ្រិយេ នវ, ឈានេ តីណិ, មគ្គេ នវ, សម្បយុត្តេ នវ, អត្ថិយា នវ, នត្ថិយា នវ, វិគតេ នវ, អវិគតេ នវ (សំខិត្តំ).

បច្ចនីយុទ្ធារោ

២០៨. ហេតុ អសំកិលិដ្ឋអសំកិលេសិកោ ធម្មោ ហេតុស្ស អសំកិលិដ្ឋអសំកិលេសិកស្ស ធម្មស្ស សហជាតបច្ចយេន បច្ចយោ… ឧបនិស្សយបច្ចយេន បច្ចយោ (សំខិត្តំ).

២០៩. នហេតុយា នវ នអារម្មណេ នវ (សំខិត្តំ).

ហេតុបច្ចយា នអារម្មណេ តីណិ (សំខិត្តំ).

នហេតុបច្ចយា អារម្មណេ តីណិ (សំខិត្តំ).

(យថា កុសលត្តិកេ បញ្ហាវារស្ស អនុលោមម្បិ បច្ចនីយម្បិ អនុលោមបច្ចនីយម្បិ បច្ចនីយានុលោមម្បិ គណិតំ, ឯវំ គណេតព្ពំ.)

ហេតុទុកសំកិលិដ្ឋត្តិកំ និដ្ឋិតំ.