១-៦. បដិច្ចវារាទិ

បច្ចយចតុក្កំ

ហេតុបច្ចយោ

១៧៧. ហេតុំ អនុបាទិន្នអនុបាទានិយំ ធម្មំ បដិច្ច ហេតុ អនុបាទិន្នអនុបាទានិយោ ធម្មោ ឧប្បជ្ជតិ ហេតុបច្ចយា… តីណិ.

នហេតុំ អនុបាទិន្នអនុបាទានិយំ ធម្មំ បដិច្ច នហេតុ អនុបាទិន្នអនុបាទានិយោ ធម្មោ ឧប្បជ្ជតិ ហេតុបច្ចយា… តីណិ.

ហេតុំ អនុបាទិន្នអនុបាទានិយញ្ច នហេតុំ អនុបាទិន្នអនុបាទានិយញ្ច ធម្មំ បដិច្ច ហេតុ អនុបាទិន្នអនុបាទានិយោ ធម្មោ ឧប្បជ្ជតិ ហេតុបច្ចយា… តីណិ (សំខិត្តំ).

១៧៨. ហេតុយា នវ, អារម្មណេ នវ, អធិបតិយា នវ, អនន្តរេ នវ, សមនន្តរេ នវ, សហជាតេ នវ, អញ្ញមញ្ញេ នវ, និស្សយេ នវ, ឧបនិស្សយេ នវ, បុរេជាតេ នវ, អាសេវនេ នវ, កម្មេ នវ, វិបាកេ នវ, អាហារេ នវ, ឥន្ទ្រិយេ នវ, ឈានេ នវ, មគ្គេ នវ, សម្បយុត្តេ នវ, វិប្បយុត្តេ នវ, អត្ថិយា នវ, នត្ថិយា នវ, វិគតេ នវ, អវិគតេ នវ.

នអធិបតិបច្ចយោ

១៧៩. ហេតុំ អនុបាទិន្នអនុបាទានិយំ ធម្មំ បដិច្ច ហេតុ អនុបាទិន្នអនុបាទានិយោ ធម្មោ ឧប្បជ្ជតិ នអធិបតិបច្ចយា. ហេតុំ អនុបាទិន្នអនុបាទានិយំ ធម្មំ បដិច្ច នហេតុ អនុបាទិន្នអនុបាទានិយោ ធម្មោ ឧប្បជ្ជតិ នអធិបតិបច្ចយា. (២)

នហេតុំ អនុបាទិន្នអនុបាទានិយំ ធម្មំ បដិច្ច នហេតុ អនុបាទិន្នអនុបាទានិយោ ធម្មោ ឧប្បជ្ជតិ នអធិបតិបច្ចយា. នហេតុំ អនុបាទិន្នអនុបាទានិយំ ធម្មំ បដិច្ច ហេតុ អនុបាទិន្នអនុបាទានិយោ ធម្មោ ឧប្បជ្ជតិ នអធិបតិបច្ចយា. (២)

ហេតុំ អនុបាទិន្នអនុបាទានិយញ្ច នហេតុំ អនុបាទិន្នអនុបាទានិយញ្ច ធម្មំ បដិច្ច ហេតុ អនុបាទិន្នអនុបាទានិយោ ធម្មោ ឧប្បជ្ជតិ នអធិបតិបច្ចយា. ហេតុំ អនុបាទិន្នអនុបាទានិយញ្ច នហេតុំ អនុបាទិន្នអនុបាទានិយញ្ច ធម្មំ បដិច្ច នហេតុ អនុបាទិន្នអនុបាទានិយោ ធម្មោ ឧប្បជ្ជតិ នអធិបតិបច្ចយា. (២) (សំខិត្តំ.)

១៨០. នអធិបតិយា ឆ, នបុរេជាតេ នវ, នបច្ឆាជាតេ នវ, នអាសេវនេ នវ, នកម្មេ តីណិ, នវិបាកេ នវ, នវិប្បយុត្តេ នវ (សំខិត្តំ).

ហេតុបច្ចយា នអធិបតិយា ឆ (សំខិត្តំ).

នអធិបតិបច្ចយា ហេតុយា ឆ (សំខិត្តំ).

(សហជាតវារោបិ បច្ចយវារោបិ និស្សយវារោបិ សំសដ្ឋវារោបិ សម្បយុត្តវារោបិ បដិច្ចវារសទិសា វិត្ថារេតព្ពា.)