១-៦. បដិច្ចវារាទិ

បច្ចយចតុក្កំ

ហេតុបច្ចយោ

១៥២. ហេតុំ ឧបាទិន្នុបាទានិយំ ធម្មំ បដិច្ច ហេតុ ឧបាទិន្នុបាទានិយោ ធម្មោ ឧប្បជ្ជតិ ហេតុបច្ចយា… តីណិ.

នហេតុំ ឧបាទិន្នុបាទានិយំ ធម្មំ បដិច្ច នហេតុ ឧបាទិន្នុបាទានិយោ ធម្មោ ឧប្បជ្ជតិ ហេតុបច្ចយា… តីណិ.

ហេតុំ ឧបាទិន្នុបាទានិយញ្ច នហេតុំ ឧបាទិន្នុបាទានិយញ្ច ធម្មំ បដិច្ច ហេតុ ឧបាទិន្នុបាទានិយោ ធម្មោ ឧប្បជ្ជតិ ហេតុបច្ចយា… តីណិ (សំខិត្តំ).

១៥៣. ហេតុយា នវ, អារម្មណេ នវ, អនន្តរេ នវ, សមនន្តរេ នវ…បេ… កម្មេ នវ, វិបាកេ នវ…បេ… អវិគតេ នវ (សំខិត្តំ).

នហេតុបច្ចយាទិ

១៥៤. នហេតុំ ឧបាទិន្នុបាទានិយំ ធម្មំ បដិច្ច នហេតុ ឧបាទិន្នុបាទានិយោ ធម្មោ ឧប្បជ្ជតិ នហេតុបច្ចយា. (១)

១៥៥. ហេតុំ ឧបាទិន្នុបាទានិយំ ធម្មំ បដិច្ច នហេតុ ឧបាទិន្នុបាទានិយោ ធម្មោ ឧប្បជ្ជតិ នអារម្មណបច្ចយា. (១)

នហេតុំ ឧបាទិន្នុបាទានិយំ ធម្មំ បដិច្ច នហេតុ ឧបាទិន្នុបាទានិយោ ធម្មោ ឧប្បជ្ជតិ នអារម្មណបច្ចយា. (១)

ហេតុំ ឧបាទិន្នុបាទានិយញ្ច នហេតុំ ឧបាទិន្នុបាទានិយញ្ច ធម្មំ បដិច្ច នហេតុ ឧបាទិន្នុបាទានិយោ ធម្មោ ឧប្បជ្ជតិ នអារម្មណបច្ចយា. (១)

១៥៦. ហេតុំ ឧបាទិន្នុបាទានិយំ ធម្មំ បដិច្ច ហេតុ ឧបាទិន្នុបាទានិយោ ធម្មោ ឧប្បជ្ជតិ នអធិបតិបច្ចយា… នវ…បេ….

១៥៧. នហេតុំ ឧបាទិន្នុបាទានិយំ ធម្មំ បដិច្ច នហេតុ ឧបាទិន្នុបាទានិយោ ធម្មោ ឧប្បជ្ជតិ នវិបាកបច្ចយា… នអាហារបច្ចយា (សំខិត្តំ).

១៥៨. នហេតុយា ឯកំ, នអារម្មណេ តីណិ, នអធិបតិយា នវ, នអនន្តរេ តីណិ, នសមនន្តរេ តីណិ, នអញ្ញមញ្ញេ តីណិ, នឧបនិស្សយេ តីណិ, នបុរេជាតេ នវ, នបច្ឆាជាតេ នវ, នអាសេវនេ នវ, នវិបាកេ ឯកំ, នអាហារេ ឯកំ, នឥន្ទ្រិយេ ឯកំ, នឈានេ ឯកំ, នមគ្គេ ឯកំ, នសម្បយុត្តេ តីណិ, នវិប្បយុត្តេ នវ, នោនត្ថិយា តីណិ, នោវិគតេ តីណិ.

ហេតុបច្ចយា នអារម្មណេ តីណិ (សំខិត្តំ).

នហេតុបច្ចយា អារម្មណេ ឯកំ (សំខិត្តំ).

(សហជាតវារោបិ បច្ចយវារោបិ និស្សយវារោបិ សំសដ្ឋវារោបិ សម្បយុត្តវារោបិ បដិច្ចវារសទិសា វិត្ថារេតព្ពា.)