១-៦. បដិច្ចវារាទិ

បច្ចយចតុក្កំ

ហេតុបច្ចយោ

១៣៦. ហេតុំ នេវវិបាកនវិបាកធម្មធម្មំ បដិច្ច ហេតុ នេវវិបាកនវិបាកធម្មធម្មោ ឧប្បជ្ជតិ ហេតុបច្ចយា… តីណិ.

នហេតុំ នេវវិបាកនវិបាកធម្មធម្មំ បដិច្ច នហេតុ នេវវិបាកនវិបាកធម្មធម្មោ ឧប្បជ្ជតិ ហេតុបច្ចយា… តីណិ.

ហេតុំ នេវវិបាកនវិបាកធម្មធម្មញ្ច នហេតុំ នេវវិបាកនវិបាកធម្មធម្មញ្ច បដិច្ច ហេតុ នេវវិបាកនវិបាកធម្មធម្មោ ឧប្បជ្ជតិ ហេតុបច្ចយា… តីណិ (សំខិត្តំ).

១៣៧. ហេតុយា នវ, អារម្មណេ នវ, អធិបតិយា នវ, អនន្តរេ នវ, សមនន្តរេ នវ, សហជាតេ នវ, អញ្ញមញ្ញេ នវ, និស្សយេ នវ, ឧបនិស្សយេ នវ, បុរេជាតេ នវ, អាសេវនេ នវ, កម្មេ នវ, វិបាកេ ឯកំ, អាហារេ នវ, ឥន្ទ្រិយេ នវ, ឈានេ នវ, មគ្គេ នវ, សម្បយុត្តេ នវ, វិប្បយុត្តេ នវ, អត្ថិយា នវ, នត្ថិយា នវ, វិគតេ នវ, អវិគតេ នវ.

នហេតុបច្ចយាទិ

១៣៨. នហេតុំ នេវវិបាកនវិបាកធម្មធម្មំ បដិច្ច នហេតុ នេវវិបាកនវិបាកធម្មធម្មោ ឧប្បជ្ជតិ នហេតុបច្ចយា. (១)

១៣៩. ហេតុំ នេវវិបាកនវិបាកធម្មធម្មំ បដិច្ច នហេតុ នេវវិបាកនវិបាកធម្មធម្មោ ឧប្បជ្ជតិ នអារម្មណបច្ចយា. (១)

នហេតុំ នេវវិបាកនវិបាកធម្មធម្មំ បដិច្ច នហេតុ នេវវិបាកនវិបាកធម្មធម្មោ ឧប្បជ្ជតិ នអារម្មណបច្ចយា. (១)

ហេតុំ នេវវិបាកនវិបាកធម្មធម្មញ្ច នហេតុំ នេវវិបាកនវិបាកធម្មធម្មញ្ច បដិច្ច នហេតុ នេវវិបាកនវិបាកធម្មធម្មោ ឧប្បជ្ជតិ នអារម្មណបច្ចយា. (១)

១៤០. ហេតុំ នេវវិបាកនវិបាកធម្មធម្មំ បដិច្ច ហេតុ នេវវិបាកនវិបាកធម្មធម្មោ ឧប្បជ្ជតិ នអធិបតិបច្ចយា… នវ…បេ….

១៤១. ហេតុំ នេវវិបាកនវិបាកធម្មធម្មំ បដិច្ច នហេតុ នេវវិបាកនវិបាកធម្មធម្មោ ឧប្បជ្ជតិ នកម្មបច្ចយា… តីណិ…បេ….

១៤២. នហេតុំ នេវវិបាកនវិបាកធម្មធម្មំ បដិច្ច នហេតុ នេវវិបាកនវិបាកធម្មធម្មោ ឧប្បជ្ជតិ នអាហារបច្ចយា. (១) (សំខិត្តំ.)

១៤៣. នហេតុយា ឯកំ, នអារម្មណេ តីណិ, នអធិបតិយា នវ, នអនន្តរេ តីណិ, នសមនន្តរេ តីណិ, នអញ្ញមញ្ញេ តីណិ, នឧបនិស្សយេ តីណិ, នបុរេជាតេ នវ, នបច្ឆាជាតេ នវ, នអាសេវនេ នវ, នកម្មេ តីណិ, នវិបាកេ នវ, នអាហារេ ឯកំ, នឥន្ទ្រិយេ ឯកំ, នឈានេ ឯកំ, នមគ្គេ ឯកំ, នសម្បយុត្តេ តីណិ, នវិប្បយុត្តេ នវ, នោនត្ថិយា តីណិ, នោវិគតេ តីណិ (សំខិត្តំ, បច្ចនីយំ).

ហេតុបច្ចយា នអារម្មណេ តីណិ (សំខិត្តំ, អនុលោមបច្ចនីយំ).

នហេតុបច្ចយា អារម្មណេ ឯកំ (សំខិត្តំ, បច្ចនីយានុលោមំ).

(សហជាតវារោបិ បច្ចយវារោបិ និស្សយវារោបិ សំសដ្ឋវារោបិ សម្បយុត្តវារោបិ បដិច្ចវារសទិសា វិត្ថារេតព្ពា.)