៧. បញ្ហាវារោ

បច្ចយចតុក្កំ

ហេតុបច្ចយាទិ

៩៩. ហេតុ អទុក្ខមសុខាយ វេទនាយ សម្បយុត្តោ ធម្មោ ហេតុស្ស អទុក្ខមសុខាយ វេទនាយ សម្បយុត្តស្ស ធម្មស្ស ហេតុបច្ចយេន បច្ចយោ… តីណិ.

១០០. ហេតុ អទុក្ខមសុខាយ វេទនាយ សម្បយុត្តោ ធម្មោ ហេតុស្ស អទុក្ខមសុខាយ វេទនាយ សម្បយុត្តស្ស ធម្មស្ស អារម្មណបច្ចយេន បច្ចយោ… នវ.

១០១. ហេតុ អទុក្ខមសុខាយ វេទនាយ សម្បយុត្តោ ធម្មោ ហេតុស្ស អទុក្ខមសុខាយ វេទនាយ សម្បយុត្តស្ស ធម្មស្ស អធិបតិបច្ចយេន បច្ចយោ – អារម្មណាធិបតិ, សហជាតាធិបតិ… តីណិ.

នហេតុ អទុក្ខមសុខាយ វេទនាយ សម្បយុត្តោ ធម្មោ នហេតុស្ស អទុក្ខមសុខាយ វេទនាយ សម្បយុត្តស្ស ធម្មស្ស អធិបតិបច្ចយេន បច្ចយោ – អារម្មណាធិបតិ, សហជាតាធិបតិ… តីណិ.

ហេតុ អទុក្ខមសុខាយ វេទនាយ សម្បយុត្តោ ច នហេតុ អទុក្ខមសុខាយ វេទនាយ សម្បយុត្តោ ច ធម្មា ហេតុស្ស អទុក្ខមសុខាយ វេទនាយ សម្បយុត្តស្ស ធម្មស្ស អធិបតិបច្ចយេន បច្ចយោ – អារម្មណាធិបតិ… តីណិ (អារម្មណាធិបតិយេវ)…បេ….

ឧបនិស្សយបច្ចយាទិ

១០២. ហេតុ អទុក្ខមសុខាយ វេទនាយ សម្បយុត្តោ ធម្មោ ហេតុស្ស អទុក្ខមសុខាយ វេទនាយ សម្បយុត្តស្ស ធម្មស្ស ឧបនិស្សយបច្ចយេន បច្ចយោ – អារម្មណូបនិស្សយោ, អនន្តរូបនិស្សយោ, បកតូបនិស្សយោ… នវ, អាសេវនបច្ចយេន បច្ចយោ… នវ.

១០៣. នហេតុ អទុក្ខមសុខាយ វេទនាយ សម្បយុត្តោ ធម្មោ នហេតុស្ស អទុក្ខមសុខាយ វេទនាយ សម្បយុត្តស្ស ធម្មស្ស កម្មបច្ចយេន បច្ចយោ… តីណិ.

១០៤. ហេតុ អទុក្ខមសុខាយ វេទនាយ សម្បយុត្តោ ធម្មោ ហេតុស្ស អទុក្ខមសុខាយ វេទនាយ សម្បយុត្តស្ស ធម្មស្ស វិបាកបច្ចយេន បច្ចយោ… នវ…បេ… អវិគតបច្ចយេន បច្ចយោ… នវ.

១០៥. ហេតុយា តីណិ, អារម្មណេ នវ, អធិបតិយា នវ, អនន្តរេ នវ, សមនន្តរេ នវ, សហជាតេ នវ, អញ្ញមញ្ញេ នវ, និស្សយេ នវ, ឧបនិស្សយេ នវ, អាសេវនេ នវ, កម្មេ តីណិ, វិបាកេ នវ, អាហារេ តីណិ, ឥន្ទ្រិយេ នវ, ឈានេ តីណិ, មគ្គេ នវ, សម្បយុត្តេ នវ, អត្ថិយា នវ, នត្ថិយា នវ, វិគតេ នវ, អវិគតេ នវ (អនុលោមំ).

បច្ចនីយុទ្ធារោ

១០៦. ហេតុ អទុក្ខមសុខាយ វេទនាយ សម្បយុត្តោ ធម្មោ ហេតុស្ស អទុក្ខមសុខាយ វេទនាយ សម្បយុត្តស្ស ធម្មស្ស អារម្មណបច្ចយេន បច្ចយោ… សហជាតបច្ចយេន បច្ចយោ… ឧបនិស្សយបច្ចយេន បច្ចយោ (សំខិត្តំ).

១០៧. នហេតុយា នវ, នអារម្មណេ នវ (សំខិត្តំ, បច្ចនីយំ).

ហេតុបច្ចយា នអារម្មណេ តីណិ (សំខិត្តំ, អនុលោមបច្ចនីយំ).

នហេតុបច្ចយា អារម្មណេ នវ (សំខិត្តំ, បច្ចនីយានុលោមំ).

(យថា កុសលត្តិកេ បញ្ហាវារស្ស អនុលោមម្បិ បច្ចនីយម្បិ អនុលោមបច្ចនីយម្បិ បច្ចនីយានុលោមម្បិ គណិតំ, ឯវំ គណេតព្ពំ.)

ហេតុទុកវេទនាត្តិកំ និដ្ឋិតំ.