៧. បញ្ហាវារោ

បច្ចយចតុក្កំ

ហេតុបច្ចយាទិ

៤៩៧. ហេតុ អនាគតារម្មណោ ធម្មោ ហេតុស្ស អនាគតារម្មណស្ស ធម្មស្ស ហេតុបច្ចយេន បច្ចយោ… តីណិ.

ហេតុ អនាគតារម្មណោ ធម្មោ ហេតុស្ស អនាគតារម្មណស្ស ធម្មស្ស អារម្មណបច្ចយេន បច្ចយោ… នវ.

ហេតុ អនាគតារម្មណោ ធម្មោ ហេតុស្ស អនាគតារម្មណស្ស ធម្មស្ស អធិបតិបច្ចយេន បច្ចយោ – អារម្មណាធិបតិ, សហជាតាធិបតិ… តីណិ.

នហេតុ អនាគតារម្មណោ ធម្មោ នហេតុស្ស អនាគតារម្មណស្ស ធម្មស្ស អធិបតិបច្ចយេន បច្ចយោ – អារម្មណាធិបតិ, សហជាតាធិបតិ… តីណិ.

ហេតុ អនាគតារម្មណោ ច នហេតុ អនាគតារម្មណោ ច ធម្មា ហេតុស្ស អនាគតារម្មណស្ស ធម្មស្ស អធិបតិបច្ចយេន បច្ចយោ – អារម្មណាធិបតិ… តីណិ (សំខិត្តំ).

៤៩៨. ហេតុយា តីណិ, អារម្មណេ នវ, អធិបតិយា នវ, អនន្តរេ នវ, សមនន្តរេ នវ, សហជាតេ នវ, អញ្ញមញ្ញេ នវ, និស្សយេ នវ, ឧបនិស្សយេ នវ, អាសេវនេ នវ, កម្មេ តីណិ, វិបាកេ នវ, អាហារេ តីណិ…បេ… អវិគតេ នវ (សំខិត្តំ).

បច្ចនីយុទ្ធារោ

៤៩៩. ហេតុ អនាគតារម្មណោ ធម្មោ ហេតុស្ស អនាគតារម្មណស្ស ធម្មស្ស អារម្មណបច្ចយេន បច្ចយោ… សហជាតបច្ចយេន បច្ចយោ… ឧបនិស្សយបច្ចយេន បច្ចយោ (សំខិត្តំ).

៥០០. នហេតុយា នវ, នអារម្មណេ នវ (សំខិត្តំ).

ហេតុបច្ចយា នអារម្មណេ តីណិ (សំខិត្តំ).

នហេតុបច្ចយា អារម្មណេ នវ (សំខិត្តំ).

(យថា កុសលត្តិកេ បញ្ហាវារស្ស អនុលោមម្បិ បច្ចនីយម្បិ អនុលោមបច្ចនីយម្បិ បច្ចនីយានុលោមម្បិ គណិតំ, ឯវំ គណេតព្ពំ.)