៧. បញ្ហាវារោ

បច្ចយចតុក្កំ

ហេតុ-ឧបនិស្សយបច្ចយា

៤៧៧. ហេតុ ឧប្បន្នោ ធម្មោ ហេតុស្ស ឧប្បន្នស្ស ធម្មស្ស ហេតុបច្ចយេន បច្ចយោ… តីណិ.

នហេតុ ឧប្បន្នោ ធម្មោ នហេតុស្ស ឧប្បន្នស្ស ធម្មស្ស អារម្មណបច្ចយេន បច្ចយោ… តីណិ.

ហេតុ ឧប្បន្នោ ធម្មោ ហេតុស្ស ឧប្បន្នស្ស ធម្មស្ស អធិបតិបច្ចយេន បច្ចយោ – សហជាតាធិបតិ… តីណិ.

នហេតុ ឧប្បន្នោ ធម្មោ នហេតុស្ស ឧប្បន្នស្ស ធម្មស្ស អធិបតិបច្ចយេន បច្ចយោ – អារម្មណាធិបតិ, សហជាតាធិបតិ… តីណិ.

ហេតុ ឧប្បន្នោ ធម្មោ ហេតុស្ស ឧប្បន្នស្ស ធម្មស្ស សហជាតបច្ចយេន បច្ចយោ (សំខិត្តំ).

នហេតុ ឧប្បន្នោ ធម្មោ នហេតុស្ស ឧប្បន្នស្ស ធម្មស្ស ឧបនិស្សយបច្ចយេន បច្ចយោ – អារម្មណូបនិស្សយោ, បកតូបនិស្សយោ…បេ…. បកតូបនិស្សយោ – ឧប្បន្នំ ឧតុំ ឧបនិស្សាយ ឈានំ ឧប្បាទេតិ, វិបស្សនំ… មគ្គំ… អភិញ្ញំ… សមាបត្តិំ ឧប្បាទេតិ (សំខិត្តំ).

៤៧៨. ហេតុយា តីណិ, អារម្មណេ តីណិ, អធិបតិយា ឆ, សហជាតេ នវ, អញ្ញមញ្ញេ នវ, និស្សយេ នវ, ឧបនិស្សយេ តីណិ, បុរេជាតេ តីណិ, បច្ឆាជាតេ តីណិ, កម្មេ តីណិ, វិបាកេ នវ, អាហារេ តីណិ, ឥន្ទ្រិយេ នវ, ឈានេ តីណិ, មគ្គេ នវ, សម្បយុត្តេ នវ, វិប្បយុត្តេ បញ្ច, អត្ថិយា នវ, អវិគតេ នវ (សំខិត្តំ).

បច្ចនីយុទ្ធារោ

៤៧៩. ហេតុ ឧប្បន្នោ ធម្មោ ហេតុស្ស ឧប្បន្នស្ស ធម្មស្ស សហជាតបច្ចយេន បច្ចយោ (សំខិត្តំ).

៤៨០. នហេតុយា នវ, នអារម្មណេ នវ (សំខិត្តំ).

ហេតុបច្ចយា នអារម្មណេ តីណិ (សំខិត្តំ).

នហេតុបច្ចយា អារម្មណេ តីណិ (សំខិត្តំ).

(យថា កុសលត្តិកេ បញ្ហាវារស្ស អនុលោមម្បិ បច្ចនីយម្បិ អនុលោមបច្ចនីយម្បិ បច្ចនីយានុលោមម្បិ គណិតំ, ឯវំ គណេតព្ពំ. ឥមម្ហិ ទុកតិកេ បដិច្ចវារម្បិ សហជាតវារម្បិ បច្ចយវារម្បិ និស្សយវារម្បិ សំសដ្ឋវារម្បិ សម្បយុត្តវារម្បិ អនុប្បន្នម្បិ ឧប្បាទីបិ នត្ថិ.)

ហេតុទុកឧប្បន្នត្តិកំ និដ្ឋិតំ.