៧. បញ្ហាវារោ

បច្ចយចតុក្កំ

ហេតុបច្ចយោ

៨៨. ហេតុ ទុក្ខាយ វេទនាយ សម្បយុត្តោ ធម្មោ ហេតុស្ស ទុក្ខាយ វេទនាយ សម្បយុត្តស្ស ធម្មស្ស ហេតុបច្ចយេន បច្ចយោ. ហេតុ ទុក្ខាយ វេទនាយ សម្បយុត្តោ ធម្មោ នហេតុស្ស ទុក្ខាយ វេទនាយ សម្បយុត្តស្ស ធម្មស្ស ហេតុបច្ចយេន បច្ចយោ. ហេតុ ទុក្ខាយ វេទនាយ សម្បយុត្តោ ធម្មោ ហេតុស្ស ទុក្ខាយ វេទនាយ សម្បយុត្តស្ស ច នហេតុស្ស ទុក្ខាយ វេទនាយ សម្បយុត្តស្ស ច ធម្មស្ស ហេតុបច្ចយេន បច្ចយោ. (៣)

អារម្មណបច្ចយាទិ

៨៩. ហេតុ ទុក្ខាយ វេទនាយ សម្បយុត្តោ ធម្មោ ហេតុស្ស ទុក្ខាយ វេទនាយ សម្បយុត្តស្ស ធម្មស្ស អារម្មណបច្ចយេន បច្ចយោ… តីណិ.

នហេតុ ទុក្ខាយ វេទនាយ សម្បយុត្តោ ធម្មោ នហេតុស្ស ទុក្ខាយ វេទនាយ សម្បយុត្តស្ស ធម្មស្ស អារម្មណបច្ចយេន បច្ចយោ… តីណិ.

ហេតុ ទុក្ខាយ វេទនាយ សម្បយុត្តោ ច នហេតុ ទុក្ខាយ វេទនាយ សម្បយុត្តោ ច ធម្មា ហេតុស្ស ទុក្ខាយ វេទនាយ សម្បយុត្តស្ស ធម្មស្ស អារម្មណបច្ចយេន បច្ចយោ… តីណិ (សំខិត្តំ).

៩០. នហេតុ ទុក្ខាយ វេទនាយ សម្បយុត្តោ ធម្មោ នហេតុស្ស ទុក្ខាយ វេទនាយ សម្បយុត្តស្ស ធម្មស្ស កម្មបច្ចយេន បច្ចយោ… តីណិ (សំខិត្តំ).

៩១. ហេតុយា តីណិ, អារម្មណេ នវ, អធិបតិយា តីណិ, អនន្តរេ នវ, សមនន្តរេ នវ, សហជាតេ នវ, អញ្ញមញ្ញេ នវ, និស្សយេ នវ, ឧបនិស្សយេ នវ, អាសេវនេ នវ, កម្មេ តីណិ, វិបាកេ ឯកំ, អាហារេ តីណិ, ឥន្ទ្រិយេ តីណិ, ឈានេ តីណិ, មគ្គេ តីណិ, សម្បយុត្តេ នវ, អត្ថិយា នវ, នត្ថិយា នវ, វិគតេ នវ, អវិគតេ នវ (អនុលោមំ).

បច្ចនីយុទ្ធារោ

៩២. ហេតុ ទុក្ខាយ វេទនាយ សម្បយុត្តោ ធម្មោ ហេតុស្ស ទុក្ខាយ វេទនាយ សម្បយុត្តស្ស ធម្មស្ស អារម្មណបច្ចយេន បច្ចយោ… សហជាតបច្ចយេន បច្ចយោ… ឧបនិស្សយបច្ចយេន បច្ចយោ (សំខិត្តំ).

៩៣. នហេតុយា នវ, នអារម្មណេ នវ, នអធិបតិយា នវ (សំខិត្តំ, បច្ចនីយំ).

ហេតុបច្ចយា នអារម្មណេ តីណិ (សំខិត្តំ, អនុលោមបច្ចនីយំ).

នហេតុបច្ចយា អារម្មណេ នវ (សំខិត្តំ, បច្ចនីយានុលោមំ).

(យថា កុសលត្តិកេ បញ្ហាវារស្ស អនុលោមម្បិ បច្ចនីយម្បិ អនុលោមបច្ចនីយម្បិ បច្ចនីយានុលោមម្បិ គណិតំ, ឯវំ គណេតព្ពំ.)