១-៦. បដិច្ចវារាទិ

បច្ចយចតុក្កំ

ហេតុបច្ចយោ

៤៥៣. ហេតុំ មគ្គារម្មណំ ធម្មំ បដិច្ច ហេតុ មគ្គារម្មណោ ធម្មោ ឧប្បជ្ជតិ ហេតុបច្ចយា… តីណិ.

នហេតុំ មគ្គារម្មណំ ធម្មំ បដិច្ច នហេតុ មគ្គារម្មណោ ធម្មោ ឧប្បជ្ជតិ ហេតុបច្ចយា… តីណិ.

ហេតុំ មគ្គារម្មណញ្ច នហេតុំ មគ្គារម្មណញ្ច ធម្មំ បដិច្ច ហេតុ មគ្គារម្មណោ ធម្មោ ឧប្បជ្ជតិ ហេតុបច្ចយា… តីណិ (សំខិត្តំ).

៤៥៤. ហេតុយា នវ, អារម្មណេ នវ, អធិបតិយា នវ…បេ… កម្មេ នវ…បេ… អវិគតេ នវ (សំខិត្តំ).

នហេតុបច្ចយោ

៤៥៥. នហេតុំ មគ្គារម្មណំ ធម្មំ បដិច្ច នហេតុ មគ្គារម្មណោ ធម្មោ ឧប្បជ្ជតិ នហេតុបច្ចយា (សំខិត្តំ).

៤៥៦. នហេតុយា ឯកំ, នអធិបតិយា នវ, នបុរេជាតេ នវ, នបច្ឆាជាតេ នវ, នអាសេវនេ នវ, នកម្មេ តីណិ, នវិបាកេ នវ, នមគ្គេ ឯកំ, នវិប្បយុត្តេ នវ (សំខិត្តំ).

ហេតុបច្ចយា នអធិបតិយា នវ (សំខិត្តំ).

នហេតុបច្ចយា អារម្មណេ ឯកំ (សំខិត្តំ).

(សហជាតវារោបិ បច្ចយវារោបិ និស្សយវារោបិ សំសដ្ឋវារោបិ សម្បយុត្តវារោបិ បដិច្ចវារសទិសា វិត្ថារេតព្ពា.)