១-៦. បដិច្ចវារាទិ

បច្ចយចតុក្កំ

ហេតុបច្ចយោ

៤៤៥. ហេតុំ អនិយតំ ធម្មំ បដិច្ច ហេតុ អនិយតោ ធម្មោ ឧប្បជ្ជតិ ហេតុបច្ចយា… តីណិ.

នហេតុំ អនិយតំ ធម្មំ បដិច្ច នហេតុ អនិយតោ ធម្មោ ឧប្បជ្ជតិ ហេតុបច្ចយា… តីណិ.

ហេតុំ អនិយតញ្ច នហេតុំ អនិយតញ្ច ធម្មំ បដិច្ច ហេតុ អនិយតោ ធម្មោ ឧប្បជ្ជតិ ហេតុបច្ចយា… តីណិ (សំខិត្តំ).

៤៤៦. ហេតុយា នវ, អារម្មណេ នវ, អធិបតិយា នវ…បេ… កម្មេ នវ, វិបាកេ នវ…បេ… អវិគតេ នវ (សំខិត្តំ).

នហេតុ-នអារម្មណបច្ចយា

៤៤៧. នហេតុំ អនិយតំ ធម្មំ បដិច្ច នហេតុ អនិយតោ ធម្មោ ឧប្បជ្ជតិ នហេតុបច្ចយា. នហេតុំ អនិយតំ ធម្មំ បដិច្ច ហេតុ អនិយតោ ធម្មោ ឧប្បជ្ជតិ នហេតុបច្ចយា. (២)

ហេតុំ អនិយតំ ធម្មំ បដិច្ច នហេតុ អនិយតោ ធម្មោ ឧប្បជ្ជតិ នអារម្មណបច្ចយា. (១)

នហេតុំ អនិយតំ ធម្មំ បដិច្ច នហេតុ អនិយតោ ធម្មោ ឧប្បជ្ជតិ នអារម្មណបច្ចយា. (១)

ហេតុំ អនិយតញ្ច នហេតុំ អនិយតញ្ច ធម្មំ បដិច្ច នហេតុ អនិយតោ ធម្មោ ឧប្បជ្ជតិ នអារម្មណបច្ចយា. (១) (សំខិត្តំ.)

៤៤៨. នហេតុយា ទ្វេ, នអារម្មណេ តីណិ, នអធិបតិយា នវ, នអនន្តរេ តីណិ, នសមនន្តរេ តីណិ, នអញ្ញមញ្ញេ តីណិ, នឧបនិស្សយេ តីណិ, នបុរេជាតេ នវ, នបច្ឆាជាតេ នវ, នអាសេវនេ នវ, នកម្មេ តីណិ, នវិបាកេ នវ, នអាហារេ ឯកំ, នឥន្ទ្រិយេ ឯកំ, នឈានេ ឯកំ, នមគ្គេ ឯកំ, នសម្បយុត្តេ តីណិ, នវិប្បយុត្តេ នវ, នោនត្ថិយា តីណិ, នោវិគតេ តីណិ (សំខិត្តំ).

ហេតុបច្ចយា នអារម្មណេ តីណិ (សំខិត្តំ).

នហេតុបច្ចយា អារម្មណេ ទ្វេ (សំខិត្តំ).

(សហជាតវារោបិ បច្ចយវារោបិ និស្សយវារោបិ សំសដ្ឋវារោបិ សម្បយុត្តវារោបិ បដិច្ចវារសទិសា វិត្ថារេតព្ពា.)