១-៦. បដិច្ចវារាទិ

បច្ចយចតុក្កំ

ហេតុបច្ចយោ

៤២១. ហេតុ បណីតំ ធម្មំ បដិច្ច ហេតុ បណីតោ ធម្មោ ឧប្បជ្ជតិ ហេតុបច្ចយា… តីណិ.

នហេតុំ បណីតំ ធម្មំ បដិច្ច នហេតុ បណីតោ ធម្មោ ឧប្បជ្ជតិ ហេតុបច្ចយា… តីណិ.

ហេតុំ បណីតញ្ច នហេតុំ បណីតញ្ច ធម្មំ បដិច្ច ហេតុ បណីតោ ធម្មោ ឧប្បជ្ជតិ ហេតុបច្ចយា… តីណិ (សំខិត្តំ).

៤២២. ហេតុយា នវ, អារម្មណេ នវ, អធិបតិយា នវ…បេ… កម្មេ នវ, វិបាកេ នវ, អាហារេ នវ…បេ… អវិគតេ នវ (សំខិត្តំ).

នអធិបតិបច្ចយោ

៤២៣. ហេតុំ បណីតំ ធម្មំ បដិច្ច ហេតុ បណីតោ ធម្មោ ឧប្បជ្ជតិ នអធិបតិបច្ចយា (សំខិត្តំ).

៤២៤. នអធិបតិយា ឆ, នបុរេជាតេ នវ, នបច្ឆាជាតេ នវ, នអាសេវនេ នវ, នកម្មេ តីណិ, នវិបាកេ នវ, នវិប្បយុត្តេ នវ (សំខិត្តំ).

ហេតុបច្ចយា នអធិបតិយា ឆ (សំខិត្តំ).

នអធិបតិបច្ចយា ហេតុយា ឆ (សំខិត្តំ).

(សហជាតវារោបិ បច្ចយវារោបិ និស្សយវារោបិ សំសដ្ឋវារោបិ សម្បយុត្តវារោបិ បដិច្ចវារសទិសា វិត្ថារេតព្ពា.)