៧. បញ្ហាវារោ

បច្ចយចតុក្កំ

ហេតុបច្ចយោ

៧៤. ហេតុ សុខាយ វេទនាយ សម្បយុត្តោ ធម្មោ ហេតុស្ស សុខាយ វេទនាយ សម្បយុត្តស្ស ធម្មស្ស ហេតុបច្ចយេន បច្ចយោ… តីណិ.

អារម្មណបច្ចយាទិ

៧៥. ហេតុ សុខាយ វេទនាយ សម្បយុត្តោ ធម្មោ ហេតុស្ស សុខាយ វេទនាយ សម្បយុត្តស្ស ធម្មស្ស អារម្មណបច្ចយេន បច្ចយោ… តីណិ.

នហេតុ សុខាយ វេទនាយ សម្បយុត្តោ ធម្មោ នហេតុស្ស សុខាយ វេទនាយ សម្បយុត្តស្ស ធម្មស្ស អារម្មណបច្ចយេន បច្ចយោ… តីណិ.

ហេតុ សុខាយ វេទនាយ សម្បយុត្តោ ច នហេតុ សុខាយ វេទនាយ សម្បយុត្តោ ច ធម្មា ហេតុស្ស សុខាយ វេទនាយ សម្បយុត្តស្ស ធម្មស្ស អារម្មណបច្ចយេន បច្ចយោ… តីណិ.

៧៦. ហេតុ សុខាយ វេទនាយ សម្បយុត្តោ ធម្មោ ហេតុស្ស សុខាយ វេទនាយ សម្បយុត្តស្ស ធម្មស្ស អធិបតិបច្ចយេន បច្ចយោ – អារម្មណាធិបតិ, សហជាតាធិបតិ… តីណិ.

នហេតុ សុខាយ វេទនាយ សម្បយុត្តោ ធម្មោ នហេតុស្ស សុខាយ វេទនាយ សម្បយុត្តស្ស ធម្មស្ស អធិបតិបច្ចយេន បច្ចយោ – អារម្មណាធិបតិ, សហជាតាធិបតិ… តីណិ.

ហេតុ សុខាយ វេទនាយ សម្បយុត្តោ ច នហេតុ សុខាយ វេទនាយ សម្បយុត្តោ ច ធម្មា ហេតុស្ស សុខាយ វេទនាយ សម្បយុត្តស្ស ធម្មស្ស អធិបតិបច្ចយេន បច្ចយោ – អារម្មណាធិបតិ… តីណិ…បេ….

ឧបនិស្សយបច្ចយាទិ

៧៧. ហេតុ សុខាយ វេទនាយ សម្បយុត្តោ ធម្មោ ហេតុស្ស សុខាយ វេទនាយ សម្បយុត្តស្ស ធម្មស្ស ឧបនិស្សយបច្ចយេន បច្ចយោ – អារម្មណូបនិស្សយោ, អនន្តរូបនិស្សយោ, បកតូបនិស្សយោ… នវ (សំខិត្តំ).

៧៨. នហេតុ សុខាយ វេទនាយ សម្បយុត្តោ ធម្មោ នហេតុស្ស សុខាយ វេទនាយ សម្បយុត្តស្ស ធម្មស្ស កម្មបច្ចយេន បច្ចយោ. នហេតុ សុខាយ វេទនាយ សម្បយុត្តោ ធម្មោ ហេតុស្ស សុខាយ វេទនាយ សម្បយុត្តស្ស ធម្មស្ស កម្មបច្ចយេន បច្ចយោ. នហេតុ សុខាយ វេទនាយ សម្បយុត្តោ ធម្មោ ហេតុស្ស សុខាយ វេទនាយ សម្បយុត្តស្ស ច នហេតុស្ស សុខាយ វេទនាយ សម្បយុត្តស្ស ច ធម្មស្ស កម្មបច្ចយេន បច្ចយោ. (៣)

…វិបាកបច្ចយេន បច្ចយោ.

៧៩. នហេតុ សុខាយ វេទនាយ សម្បយុត្តោ ធម្មោ នហេតុស្ស សុខាយ វេទនាយ សម្បយុត្តស្ស ធម្មស្ស អាហារបច្ចយេន បច្ចយោ… តីណិ…បេ…. ហេតុ សុខាយ វេទនាយ សម្បយុត្តោ ធម្មោ ហេតុស្ស សុខាយ វេទនាយ សម្បយុត្តស្ស ធម្មស្ស អវិគតបច្ចយេន បច្ចយោ.

៨០. ហេតុយា តីណិ, អារម្មណេ នវ, អធិបតិយា នវ, អនន្តរេ នវ, សមនន្តរេ នវ, សហជាតេ នវ, អញ្ញមញ្ញេ នវ, និស្សយេ នវ, ឧបនិស្សយេ នវ, អាសេវនេ នវ, កម្មេ តីណិ, វិបាកេ នវ, អាហារេ តីណិ, ឥន្ទ្រិយេ នវ, ឈានេ តីណិ, មគ្គេ នវ, សម្បយុត្តេ នវ, អត្ថិយា នវ, នត្ថិយា នវ, វិគតេ នវ, អវិគតេ នវ.

បច្ចនីយុទ្ធារោ

៨១. ហេតុ សុខាយ វេទនាយ សម្បយុត្តោ ធម្មោ ហេតុស្ស សុខាយ វេទនាយ សម្បយុត្តស្ស ធម្មស្ស អារម្មណបច្ចយេន បច្ចយោ… សហជាតបច្ចយេន បច្ចយោ… ឧបនិស្សយបច្ចយេន បច្ចយោ (សំខិត្តំ).

៨២. នហេតុយា នវ, នអារម្មណេ នវ…បេ… នោអវិគតេ នវ (បច្ចនីយំ).

ហេតុបច្ចយា នអារម្មណេ តីណិ (សំខិត្តំ, អនុលោមបច្ចនីយំ).

នហេតុបច្ចយា អារម្មណេ នវ (សំខិត្តំ, បច្ចនីយានុលោមំ).

(យថា កុសលត្តិកេ បញ្ហាវារស្ស អនុលោមម្បិ បច្ចនីយម្បិ អនុលោមបច្ចនីយម្បិ បច្ចនីយានុលោមម្បិ គណិតំ, ឯវំ គណេតព្ពំ.)