១-៦. បដិច្ចវារាទិ

បច្ចយចតុក្កំ

ហេតុបច្ចយោ

៣៨៩. ហេតុំ មហគ្គតារម្មណំ ធម្មំ បដិច្ច ហេតុ មហគ្គតារម្មណោ ធម្មោ ឧប្បជ្ជតិ ហេតុបច្ចយា… តីណិ.

នហេតុំ មហគ្គតារម្មណំ ធម្មំ បដិច្ច នហេតុ មហគ្គតារម្មណោ ធម្មោ ឧប្បជ្ជតិ ហេតុបច្ចយា… តីណិ.

ហេតុំ មហគ្គតារម្មណញ្ច នហេតុំ មហគ្គតារម្មណញ្ច ធម្មំ បដិច្ច ហេតុ មហគ្គតារម្មណោ ធម្មោ ឧប្បជ្ជតិ ហេតុបច្ចយា… តីណិ (សំខិត្តំ).

៣៩០. ហេតុយា នវ, អារម្មណេ នវ, អធិបតិយា នវ…បេ… កម្ម នវ, វិបាកេ នវ, អាហារេ នវ…បេ… អវិគតេ នវ (សំខិត្តំ).

នហេតុ-នអធិបតិបច្ចយា

៣៩១. នហេតុំ មហគ្គតារម្មណំ ធម្មំ បដិច្ច នហេតុ មហគ្គតារម្មណោ ធម្មោ ឧប្បជ្ជតិ នហេតុបច្ចយា. នហេតុំ មហគ្គតារម្មណំ ធម្មំ បដិច្ច ហេតុ មហគ្គតារម្មណោ ធម្មោ ឧប្បជ្ជតិ នហេតុបច្ចយា. (២)

ហេតុំ មហគ្គតារម្មណំ ធម្មំ បដិច្ច ហេតុ មហគ្គតារម្មណោ ធម្មោ ឧប្បជ្ជតិ នអធិបតិបច្ចយា (សំខិត្តំ).

៣៩២. នហេតុយា ទ្វេ, នអធិបតិយា នវ, នបុរេជាតេ នវ, នបច្ឆាជាតេ នវ, នអាសេវនេ នវ, នកម្មេ តីណិ, នវិបាកេ នវ, នមគ្គេ ឯកំ, នវិប្បយុត្តេ នវ (សំខិត្តំ).

ហេតុបច្ចយា នអធិបតិយា នវ (សំខិត្តំ).

នហេតុបច្ចយា អារម្មណេ ទ្វេ (សំខិត្តំ).

(សហជាតវារោបិ បច្ចយវារោបិ និស្សយវារោបិ សំសដ្ឋវារោបិ សម្បយុត្តវារោបិ បដិច្ចវារសទិសា វិត្ថារេតព្ពា.)