៧. បញ្ហាវារោ

បច្ចយចតុក្កំ

ហេតុបច្ចយាទិ

៣៧៥. ហេតុ អប្បមាណោ ធម្មោ ហេតុស្ស អប្បមាណស្ស ធម្មស្ស ហេតុបច្ចយេន បច្ចយោ… តីណិ.

នហេតុ អប្បមាណោ ធម្មោ នហេតុស្ស អប្បមាណស្ស ធម្មស្ស អារម្មណបច្ចយេន បច្ចយោ… តីណិ.

៣៧៦. ហេតុ អប្បមាណោ ធម្មោ ហេតុស្ស អប្បមាណស្ស ធម្មស្ស អធិបតិបច្ចយេន បច្ចយោ – សហជាតាធិបតិ… តីណិ.

នហេតុ អប្បមាណោ ធម្មោ នហេតុស្ស អប្បមាណស្ស ធម្មស្ស អធិបតិបច្ចយេន បច្ចយោ – អារម្មណាធិបតិ, សហជាតាធិបតិ… តីណិ.

៣៧៧. ហេតុ អប្បមាណោ ធម្មោ ហេតុស្ស អប្បមាណស្ស ធម្មស្ស អនន្តរបច្ចយេន បច្ចយោ… នវ…បេ….

ហេតុ អប្បមាណោ ធម្មោ ហេតុស្ស អប្បមាណស្ស ធម្មស្ស ឧបនិស្សយបច្ចយេន បច្ចយោ – អនន្តរូបនិស្សយោ, បកតូបនិស្សយោ… នវ (សំខិត្តំ).

៣៧៨. ហេតុយា តីណិ, អារម្មណេ តីណិ, អធិបតិយា ឆ, អនន្តរេ នវ, សមនន្តរេ នវ, សហជាតេ នវ, អញ្ញមញ្ញេ នវ, និស្សយេ នវ, ឧបនិស្សយេ នវ, កម្មេ តីណិ, វិបាកេ នវ, អាហារេ តីណិ, ឥន្ទ្រិយេ នវ, ឈានេ តីណិ, មគ្គេ នវ, សម្បយុត្តេ នវ, អត្ថិយា នវ, នត្ថិយា នវ, វិគតេ នវ, អវិគតេ នវ (សំខិត្តំ).

បច្ចនីយុទ្ធារោ

៣៧៩. ហេតុ អប្បមាណោ ធម្មោ ហេតុស្ស អប្បមាណស្ស ធម្មស្ស សហជាតបច្ចយេន បច្ចយោ… ឧបនិស្សយបច្ចយេន បច្ចយោ (សំខិត្តំ).

៣៨០. នហេតុយា នវ, នអារម្មណេ នវ (សំខិត្តំ).

ហេតុបច្ចយា នអារម្មណេ តីណិ (សំខិត្តំ).

នហេតុបច្ចយា អារម្មណេ តីណិ (សំខិត្តំ).

(យថា កុសលត្តិកេ បញ្ហាវារស្ស អនុលោមម្បិ បច្ចនីយម្បិ អនុលោមបច្ចនីយម្បិ បច្ចនីយានុលោមម្បិ គណិតំ, ឯវំ គណេតព្ពំ.)

ហេតុទុកបរិត្តត្តិកំ និដ្ឋិតំ.