១-៦. បដិច្ចវារាទិ

បច្ចយចតុក្កំ

ហេតុបច្ចយោ

៣៦៣. ហេតុំ មហគ្គតំ ធម្មំ បដិច្ច ហេតុ មហគ្គតោ ធម្មោ ឧប្បជ្ជតិ ហេតុបច្ចយា… តីណិ.

នហេតុំ មហគ្គតំ ធម្មំ បដិច្ច នហេតុ មហគ្គតោ ធម្មោ ឧប្បជ្ជតិ ហេតុបច្ចយា… តីណិ.

ហេតុំ មហគ្គតញ្ច នហេតុំ មហគ្គតញ្ច ធម្មំ បដិច្ច ហេតុ មហគ្គតោ ធម្មោ ឧប្បជ្ជតិ ហេតុបច្ចយា… តីណិ (សំខិត្តំ).

៣៦៤. ហេតុយា នវ, អារម្មណេ នវ, អធិបតិយា នវ, អនន្តរេ នវ, សមនន្តរេ នវ, សហជាតេ នវ, អញ្ញមញ្ញេ នវ, និស្សយេ នវ, ឧបនិស្សយេ នវ, បុរេជាតេ នវ, អាសេវនេ នវ, កម្មេ នវ, វិបាកេ នវ, អាហារេ នវ…បេ… អវិគតេ នវ (សំខិត្តំ).

នអធិបតិបច្ចយោ

៣៦៥. ហេតុំ មហគ្គតំ ធម្មំ បដិច្ច ហេតុ មហគ្គតោ ធម្មោ ឧប្បជ្ជតិ នអធិបតិបច្ចយា (សំខិត្តំ).

៣៦៦. នអធិបតិយា នវ, នបុរេជាតេ នវ, នបច្ឆាជាតេ នវ, នអាសេវនេ នវ, នកម្មេ តីណិ, នវិបាកេ នវ, នវិប្បយុត្តេ នវ (សំខិត្តំ).

ហេតុបច្ចយា នអធិបតិយា នវ (សំខិត្តំ).

នអធិបតិបច្ចយា ហេតុយា នវ (សំខិត្តំ).

(សហជាតវារោបិ បច្ចយវារោបិ និស្សយវារោបិ សំសដ្ឋវារោបិ សម្បយុត្តវារោបិ បដិច្ចវារសទិសា វិត្ថារេតព្ពា.)