១. វិភង្គវារោ

ហេតុបច្ចយោ

១៤៩. សប្បីតិកោ ធម្មោ សប្បីតិកស្ស ធម្មស្ស ហេតុបច្ចយេន បច្ចយោ – សប្បីតិកា ហេតូ សម្បយុត្តកានំ ខន្ធានំ ហេតុបច្ចយេន បច្ចយោ; បដិសន្ធិក្ខណេ…បេ…. សប្បីតិកោ ធម្មោ អប្បីតិកស្ស ធម្មស្ស ហេតុបច្ចយេន បច្ចយោ – សប្បីតិកា ហេតូ បីតិយា ច ចិត្តសមុដ្ឋានានញ្ច រូបានំ ហេតុបច្ចយេន បច្ចយោ; បដិសន្ធិក្ខណេ…បេ…. (មូលំ កាតព្ពំ.) សប្បីតិកា ហេតូ សម្បយុត្តកានំ ខន្ធានំ បីតិយា ច ចិត្តសមុដ្ឋានានញ្ច រូបានំ ហេតុបច្ចយេន បច្ចយោ; បដិសន្ធិក្ខណេ…បេ…. (៣)

អប្បីតិកោ ធម្មោ អប្បីតិកស្ស ធម្មស្ស ហេតុបច្ចយេន បច្ចយោ – អប្បីតិកា ហេតូ សម្បយុត្តកានំ ខន្ធានំ ចិត្តសមុដ្ឋានានញ្ច រូបានំ ហេតុបច្ចយេន បច្ចយោ; បដិសន្ធិក្ខណេ…បេ…. (១)

អារម្មណបច្ចយោ

១៥០. សប្បីតិកោ ធម្មោ សប្បីតិកស្ស ធម្មស្ស អារម្មណបច្ចយេន បច្ចយោ – សប្បីតិកេ ខន្ធេ អារព្ភ សប្បីតិកា ខន្ធា ឧប្បជ្ជន្តិ. (មូលំ កាតព្ពំ.) សប្បីតិកេ ខន្ធេ អារព្ភ អប្បីតិកា ខន្ធា ច បីតិ ច ឧប្បជ្ជន្តិ. (មូលំ កាតព្ពំ.) សប្បីតិកេ ខន្ធេ អារព្ភ សប្បីតិកា ខន្ធា ច បីតិ ច ឧប្បជ្ជន្តិ. (៣)

១៥១. អប្បីតិកោ ធម្មោ អប្បីតិកស្ស ធម្មស្ស អារម្មណបច្ចយេន បច្ចយោ – អប្បីតិកេន ចិត្តេន ទានំ ទត្វា សីលំ…បេ… ឧបោសថកម្មំ កត្វា អប្បីតិកេន ចិត្តេន បច្ចវេក្ខតិ, អស្សាទេតិ អភិនន្ទតិ, តំ អារព្ភ អប្បីតិកោ រាគោ ឧប្បជ្ជតិ, ទិដ្ឋិ ឧប្បជ្ជតិ, វិចិកិច្ឆា ឧប្បជ្ជតិ, ឧទ្ធច្ចំ ឧប្បជ្ជតិ, ទោមនស្សំ ឧប្បជ្ជតិ; អប្បីតិកា ឈានា វុដ្ឋហិត្វា…បេ… មគ្គា វុដ្ឋហិត្វា…បេ… ផលា វុដ្ឋហិត្វា អប្បីតិកេន ចិត្តេន ផលំ បច្ចវេក្ខតិ, អរិយា អប្បីតិកេន ចិត្តេន និព្ពានំ បច្ចវេក្ខន្តិ, និព្ពានំ អប្បីតិកស្ស គោត្រភុស្ស, វោទានស្ស, មគ្គស្ស, ផលស្ស, អាវជ្ជនាយ បីតិយា ច អារម្មណបច្ចយេន បច្ចយោ; អរិយា អប្បីតិកេន ចិត្តេន អប្បីតិកេ បហីនេ កិលេសេ…បេ… វិក្ខម្ភិតេ កិលេសេ…បេ… បុព្ពេ…បេ… ចក្ខុំ…បេ… វត្ថុំ អប្បីតិកេ ខន្ធេ ច បីតិញ្ច អប្បីតិកេន ចិត្តេន អនិច្ចតោ…បេ… វិបស្សតិ អស្សាទេតិ អភិនន្ទតិ, តំ អារព្ភ អប្បីតិកោ រាគោ ឧប្បជ្ជតិ…បេ… ទោមនស្សំ ឧប្បជ្ជតិ; ទិព្ពេន ចក្ខុនា រូបំ បស្សតិ…បេ… ផោដ្ឋព្ពាយតនំ កាយវិញ្ញាណស្ស អារម្មណបច្ចយេន បច្ចយោ; អប្បីតិកា ខន្ធា ឥទ្ធិវិធញាណស្ស ចេតោបរិយញាណស្ស, បុព្ពេនិវាសានុស្សតិញាណស្ស, យថាកម្មូបគញាណស្ស, អនាគតំសញាណស្ស, អាវជ្ជនាយ បីតិយា ច អារម្មណបច្ចយេន បច្ចយោ; អប្បីតិកេ ខន្ធេ ច បីតិញ្ច អារព្ភ អប្បីតិកា ខន្ធា ច បីតិ ច ឧប្បជ្ជន្តិ. (១)

អប្បីតិកោ ធម្មោ សប្បីតិកស្ស ធម្មស្ស អារម្មណបច្ចយេន បច្ចយោ – អប្បីតិកេន ចិត្តេន ទានំ ទត្វា សីលំ…បេ… ឧបោសថកម្មំ…បេ… សប្បីតិកេន ចិត្តេន បច្ចវេក្ខតិ អស្សាទេតិ អភិនន្ទតិ, តំ អារព្ភ សប្បីតិកោ រាគោ ឧប្បជ្ជតិ, ទិដ្ឋិ ឧប្បជ្ជតិ; អប្បីតិកា ឈានា វុដ្ឋហិត្វា…បេ… មគ្គា វុដ្ឋហិត្វា…បេ… ផលា វុដ្ឋហិត្វា សប្បីតិកេន ចិត្តេន ផលំ បច្ចវេក្ខតិ, អរិយា សប្បីតិកេន ចិត្តេន និព្ពានំ បច្ចវេក្ខន្តិ, និព្ពានំ សប្បីតិកស្ស គោត្រភុស្ស, វោទានស្ស, មគ្គស្ស, ផលស្ស អារម្មណបច្ចយេន បច្ចយោ; អរិយា សប្បីតិកេន ចិត្តេន អប្បីតិកេ បហីនេ កិលេសេ…បេ… វិក្ខម្ភិតេ កិលេសេ …បេ… បុព្ពេ…បេ… ចក្ខុំ…បេ… វត្ថុំ អប្បីតិកេ ខន្ធេ ច បីតិញ្ច សប្បីតិកេន ចិត្តេន អនិច្ចតោ…បេ… វិបស្សតិ អស្សាទេតិ អភិនន្ទតិ, តំ អារព្ភ សប្បីតិកោ រាគោ ឧប្បជ្ជតិ, ទិដ្ឋិ ឧប្បជ្ជតិ; អប្បីតិកេ ខន្ធេ ច បីតិញ្ច អារព្ភ សប្បីតិកា ខន្ធា ឧប្បជ្ជន្តិ. (២)

អប្បីតិកោ ធម្មោ សប្បីតិកស្ស ច អប្បីតិកស្ស ច ធម្មស្ស អារម្មណបច្ចយេន បច្ចយោ – អប្បីតិកេន ចិត្តេន ទានំ ទត្វា សីលំ…បេ… ឧបោសថកម្មំ…បេ… សប្បីតិកេន ចិត្តេន បច្ចវេក្ខតិ អស្សាទេតិ អភិនន្ទតិ, តំ អារព្ភ សប្បីតិកា ខន្ធា ច បីតិ ច ឧប្បជ្ជន្តិ, អប្បីតិកា ឈានា…បេ… មគ្គា…បេ… ផលា វុដ្ឋហិត្វា សប្បីតិកេន ចិត្តេន ផលំ បច្ចវេក្ខតិ, អរិយា សប្បីតិកេន ចិត្តេន និព្ពានំ បច្ចវេក្ខន្តិ, និព្ពានំ សប្បីតិកស្ស គោត្រភុស្ស, វោទានស្ស, មគ្គស្ស, ផលស្ស, បីតិយា ច អារម្មណបច្ចយេន បច្ចយោ; អរិយា សប្បីតិកេន ចិត្តេន អប្បីតិកេ បហីនេ កិលេសេ បច្ចវេក្ខន្តិ, វិក្ខម្ភិតេ កិលេសេ…បេ… បុព្ពេ…បេ… ចក្ខុំ…បេ… វត្ថុំ អប្បីតិកេ ខន្ធេ ច បីតិញ្ច សប្បីតិកេន ចិត្តេន អនិច្ចតោ…បេ… វិបស្សតិ អស្សាទេតិ អភិនន្ទតិ, តំ អារព្ភ សប្បីតិកា ខន្ធា ច បីតិ ច ឧប្បជ្ជន្តិ, អប្បីតិកេ ខន្ធេ ច បីតិញ្ច អារព្ភ សប្បីតិកា ខន្ធា ច បីតិ ច ឧប្បជ្ជន្តិ. (៣)

១៥២. សប្បីតិកោ ច អប្បីតិកោ ច ធម្មា សប្បីតិកស្ស ធម្មស្ស អារម្មណបច្ចយេន បច្ចយោ – សប្បីតិកេ ខន្ធេ ច បីតិញ្ច អារព្ភ សប្បីតិកា ខន្ធា ឧប្បជ្ជន្តិ. (មូលំ កាតព្ពំ.) សប្បីតិកេ ខន្ធេ ច បីតិញ្ច អារព្ភ អប្បីតិកា ខន្ធា ច បីតិ ច ឧប្បជ្ជន្តិ.

(មូលំ កាតព្ពំ.) សប្បីតិកេ ខន្ធេ ច បីតិញ្ច អារព្ភ សប្បីតិកា ខន្ធា ច បីតិ ច ឧប្បជ្ជន្តិ. (៣)

អធិបតិបច្ចយោ

១៥៣. សប្បីតិកោ ធម្មោ សប្បីតិកស្ស ធម្មស្ស អធិបតិបច្ចយេន បច្ចយោ – អារម្មណាធិបតិ, សហជាតាធិបតិ. អារម្មណាធិបតិ – សប្បីតិកេ ខន្ធេ គរុំ កត្វា សប្បីតិកា ខន្ធា ឧប្បជ្ជន្តិ. សហជាតាធិបតិ – សប្បីតិកាធិបតិ សម្បយុត្តកានំ ខន្ធានំ អធិបតិបច្ចយេន បច្ចយោ. (១)

សប្បីតិកោ ធម្មោ អប្បីតិកស្ស ធម្មស្ស អធិបតិបច្ចយេន បច្ចយោ – អារម្មណាធិបតិ, សហជាតាធិបតិ. អារម្មណាធិបតិ – សប្បីតិកេ ខន្ធេ គរុំ កត្វា អប្បីតិកា ខន្ធា ច បីតិ ច ឧប្បជ្ជន្តិ. សហជាតាធិបតិ – សប្បីតិកាធិបតិ បីតិយា ច ចិត្តសមុដ្ឋានានញ្ច រូបានំ អធិបតិបច្ចយេន បច្ចយោ. (២)

សប្បីតិកោ ធម្មោ សប្បីតិកស្ស ច អប្បីតិកស្ស ច ធម្មស្ស អធិបតិបច្ចយេន បច្ចយោ – អារម្មណាធិបតិ, សហជាតាធិបតិ. អារម្មណាធិបតិ – សប្បីតិកេ ខន្ធេ គរុំ កត្វា សប្បីតិកា ខន្ធា ច បីតិ ច ឧប្បជ្ជន្តិ. សហជាតាធិបតិ – សប្បីតិកាធិបតិ សម្បយុត្តកានំ ខន្ធានំ បីតិយា ច ចិត្តសមុដ្ឋានានញ្ច រូបានំ អធិបតិបច្ចយេន បច្ចយោ. (៣)

១៥៤. អប្បីតិកោ ធម្មោ អប្បីតិកស្ស ធម្មស្ស អធិបតិបច្ចយេន បច្ចយោ – អារម្មណាធិបតិ, សហជាតាធិបតិ. អារម្មណាធិបតិ – អប្បីតិកេន ចិត្តេន ទានំ…បេ… សីលំ…បេ… ឧបោសថកម្មំ…បេ… អប្បីតិកេន ចិត្តេន តំ គរុំ កត្វា បច្ចវេក្ខតិ អស្សាទេតិ អភិនន្ទតិ, តំ គរុំ កត្វា អប្បីតិកោ រាគោ ឧប្បជ្ជតិ, ទិដ្ឋិ ឧប្បជ្ជតិ; អប្បីតិកា ឈានា…បេ… មគ្គា…បេ… ផលា វុដ្ឋហិត្វា អប្បីតិកេន ចិត្តេន ផលំ គរុំ កត្វា បច្ចវេក្ខតិ; អរិយា អប្បីតិកេន ចិត្តេន និព្ពានំ គរុំ កត្វា បច្ចវេក្ខន្តិ, និព្ពានំ អប្បីតិកស្ស គោត្រភុស្ស, វោទានស្ស, មគ្គស្ស, ផលស្ស អធិបតិបច្ចយេន បច្ចយោ; ចក្ខុំ…បេ… វត្ថុំ អប្បីតិកេ ខន្ធេ ច បីតិញ្ច អប្បីតិកេន ចិត្តេន គរុំ កត្វា អស្សាទេតិ អភិនន្ទតិ, តំ គរុំ កត្វា អប្បីតិកោ រាគោ ឧប្បជ្ជតិ, ទិដ្ឋិ ឧប្បជ្ជតិ, អប្បីតិកេ ខន្ធេ ច បីតិញ្ច គរុំ កត្វា អប្បីតិកា ខន្ធា ច បីតិ ច ឧប្បជ្ជន្តិ. សហជាតាធិបតិ – អប្បីតិកាធិបតិ សម្បយុត្តកានំ ខន្ធានំ ចិត្តសមុដ្ឋានានញ្ច រូបានំ អធិបតិបច្ចយេន បច្ចយោ. (១)

អប្បីតិកោ ធម្មោ សប្បីតិកស្ស ធម្មស្ស អធិបតិបច្ចយេន បច្ចយោ. អារម្មណាធិបតិ – អប្បីតិកេន ចិត្តេន ទានំ…បេ… សីលំ…បេ… ឧបោសថកម្មំ…បេ… (សំខិត្តំ) និព្ពានំ សប្បីតិកស្ស គោត្រភុស្ស, វោទានស្ស, មគ្គស្ស, ផលស្ស អធិបតិបច្ចយេន បច្ចយោ; ចក្ខុំ…បេ… វត្ថុំ អប្បីតិកេ ខន្ធេ ច បីតិញ្ច សប្បីតិកេន ចិត្តេន គរុំ កត្វា អស្សាទេតិ អភិនន្ទតិ, តំ គរុំ កត្វា សប្បីតិកោ រាគោ ឧប្បជ្ជតិ, ទិដ្ឋិ ឧប្បជ្ជតិ; អប្បីតិកេ ខន្ធេ ច បីតិញ្ច គរុំ កត្វា សប្បីតិកា ខន្ធា ឧប្បជ្ជន្តិ. (២)

អប្បីតិកោ ធម្មោ សប្បីតិកស្ស ច អប្បីតិកស្ស ច ធម្មស្ស អធិបតិបច្ចយេន បច្ចយោ. អារម្មណាធិបតិ – ទានំ…បេ… (សំខិត្តំ) និព្ពានំ សប្បីតិកស្ស គោត្រភុស្ស, វោទានស្ស, មគ្គស្ស, ផលស្ស, បីតិយា ច អធិបតិបច្ចយេន បច្ចយោ; ចក្ខុំ…បេ… វត្ថុំ អប្បីតិកេ ខន្ធេ ច បីតិញ្ច សប្បីតិកេន ចិត្តេន គរុំ កត្វា អស្សាទេតិ អភិនន្ទតិ, តំ គរុំ កត្វា រាគោ ឧប្បជ្ជតិ, ទិដ្ឋិ ឧប្បជ្ជតិ អប្បីតិកេ ខន្ធេ ច បីតិញ្ច គរុំ កត្វា សប្បីតិកា ខន្ធា ច បីតិ ច ឧប្បជ្ជន្តិ. (៣)

១៥៥. សប្បីតិកោ ច អប្បីតិកោ ច ធម្មា សប្បីតិកស្ស ធម្មស្ស អធិបតិបច្ចយេន បច្ចយោ. អារម្មណាធិបតិ – សប្បីតិកេ ខន្ធេ ច បីតិញ្ច គរុំ កត្វា សប្បីតិកា ខន្ធា ឧប្បជ្ជន្តិ. (មូលំ កាតព្ពំ.) សប្បីតិកេ ខន្ធេ ច បីតិញ្ច គរុំ កត្វា អប្បីតិកា ខន្ធា ច បីតិ ច ឧប្បជ្ជន្តិ. (មូលំ កាតព្ពំ.) សប្បីតិកេ ខន្ធេ ច បីតិញ្ច គរុំ កត្វា សប្បីតិកា ខន្ធា ច បីតិ ច ឧប្បជ្ជន្តិ. (៣)

អនន្តរបច្ចយាទិ

១៥៦. សប្បីតិកោ ធម្មោ សប្បីតិកស្ស ធម្មស្ស អនន្តរបច្ចយេន បច្ចយោ – បុរិមា បុរិមា សប្បីតិកា ខន្ធា បច្ឆិមានំ បច្ឆិមានំ សប្បីតិកានំ ខន្ធានំ អនន្តរបច្ចយេន បច្ចយោ. (មូលំ កាតព្ពំ.) បុរិមា បុរិមា សប្បីតិកា ខន្ធា បច្ឆិមាយ បច្ឆិមាយ បីតិយា អនន្តរបច្ចយេន បច្ចយោ – សប្បីតិកំ ចុតិចិត្តំ អប្បីតិកស្ស ឧបបត្តិចិត្តស្ស, សប្បីតិកំ ភវង្គំ អាវជ្ជនាយ, សប្បីតិកា ខន្ធា អប្បីតិកស្ស វុដ្ឋានស្ស, បីតិសហគតា វិបាកមនោវិញ្ញាណធាតុ កិរិយមនោវិញ្ញាណធាតុយា, សប្បីតិកំ ភវង្គំ អប្បីតិកស្ស ភវង្គស្ស, សប្បីតិកំ កុសលាកុសលំ អប្បីតិកស្ស វុដ្ឋានស្ស, កិរិយំ វុដ្ឋានស្ស, ផលំ វុដ្ឋានស្ស អនន្តរបច្ចយេន បច្ចយោ. (មូលំ កាតព្ពំ.) បុរិមា បុរិមា សប្បីតិកា ខន្ធា បច្ឆិមានំ បច្ឆិមានំ សប្បីតិកានំ ខន្ធានំ បីតិយា ច អនន្តរបច្ចយេន បច្ចយោ. (៣)

១៥៧. អប្បីតិកោ ធម្មោ អប្បីតិកស្ស ធម្មស្ស អនន្តរបច្ចយេន បច្ចយោ – បុរិមា បុរិមា បីតិ បច្ឆិមាយ បច្ឆិមាយ បីតិយា អនន្តរបច្ចយេន បច្ចយោ; បុរិមា បុរិមា អប្បីតិកា ខន្ធា បច្ឆិមានំ បច្ឆិមានំ អប្បីតិកានំ ខន្ធានំ អនន្តរបច្ចយេន បច្ចយោ; អនុលោមំ គោត្រភុស្ស…បេ… អប្បីតិកាយ ផលសមាបត្តិយា បីតិយា ច អនន្តរបច្ចយេន បច្ចយោ. (មូលំ កាតព្ពំ.) បុរិមា បុរិមា បីតិ បច្ឆិមានំ បច្ឆិមានំ សប្បីតិកានំ ខន្ធានំ អនន្តរបច្ចយេន បច្ចយោ; អប្បីតិកំ ចុតិចិត្តំ សប្បីតិកស្ស ឧបបត្តិចិត្តស្ស, អាវជ្ជនា សប្បីតិកានំ ខន្ធានំ, អប្បីតិកា ខន្ធា សប្បីតិកស្ស វុដ្ឋានស្ស, វិបាកមនោធាតុ សប្បីតិកាយ វិបាកមនោវិញ្ញាណធាតុយា, អប្បីតិកំ ភវង្គំ សប្បីតិកស្ស ភវង្គស្ស, អប្បីតិកំ កុសលាកុសលំ សប្បីតិកស្ស វុដ្ឋានស្ស, កិរិយំ វុដ្ឋានស្ស, ផលំ វុដ្ឋានស្ស អនន្តរបច្ចយេន បច្ចយោ; និរោធា វុដ្ឋហន្តស្ស នេវសញ្ញានាសញ្ញាយតនំ សប្បីតិកាយ ផលសមាបត្តិយា អនន្តរបច្ចយេន បច្ចយោ. (២)

អប្បីតិកោ ធម្មោ សប្បីតិកស្ស ច អប្បីតិកស្ស ច ធម្មស្ស អនន្តរបច្ចយេន បច្ចយោ – បុរិមា បុរិមា បីតិ បច្ឆិមានំ បច្ឆិមានំ សប្បីតិកានំ ខន្ធានំ បីតិយា ច អនន្តរបច្ចយេន បច្ចយោ. (៣)

១៥៨. សប្បីតិកោ ច អប្បីតិកោ ច ធម្មា សប្បីតិកស្ស ធម្មស្ស អនន្តរបច្ចយេន បច្ចយោ – បុរិមា បុរិមា សប្បីតិកា ខន្ធា ច បីតិ ច បច្ឆិមានំ បច្ឆិមានំ សប្បីតិកានំ ខន្ធានំ អនន្តរបច្ចយេន បច្ចយោ. (១)

សប្បីតិកោ ច អប្បីតិកោ ច ធម្មា អប្បីតិកស្ស ធម្មស្ស អនន្តរបច្ចយេន បច្ចយោ – បុរិមា បុរិមា សប្បីតិកា ខន្ធា ច បីតិ ច បច្ឆិមាយ បច្ឆិមាយ បីតិយា អនន្តរបច្ចយេន បច្ចយោ; សប្បីតិកំ ចុតិចិត្តញ្ច បីតិ ច អប្បីតិកស្ស ឧបបត្តិចិត្តស្ស… សប្បីតិកំ ភវង្គញ្ច បីតិ ច អាវជ្ជនាយ… សប្បីតិកា ខន្ធា ច បីតិ ច អប្បីតិកស្ស វុដ្ឋានស្ស… សប្បីតិកា វិបាកមនោវិញ្ញាណធាតុ ច បីតិ ច កិរិយមនោវិញ្ញាណធាតុយា… សប្បីតិកំ ភវង្គញ្ច បីតិ ច អប្បីតិកស្ស ភវង្គស្ស… សប្បីតិកំ កុសលាកុសលញ្ច បីតិ ច អប្បីតិកស្ស វុដ្ឋានស្ស… កិរិយញ្ច បីតិ ច វុដ្ឋានស្ស… ផលញ្ច បីតិ ច វុដ្ឋានស្ស អនន្តរបច្ចយេន បច្ចយោ. (២)

សប្បីតិកោ ច អប្បីតិកោ ច ធម្មា សប្បីតិកស្ស ច អប្បីតិកស្ស ច ធម្មស្ស អនន្តរបច្ចយេន បច្ចយោ – បុរិមា បុរិមា សប្បីតិកា ខន្ធា ច បីតិ ច បច្ឆិមានំ បច្ឆិមានំ សប្បីតិកានំ ខន្ធានំ បីតិយា ច អនន្តរបច្ចយេន បច្ចយោ. (៣)

សមនន្តរបច្ចយេន បច្ចយោ… នវ… សហជាតបច្ចយេន បច្ចយោ… នវ… អញ្ញមញ្ញបច្ចយេន បច្ចយោ… នវ… និស្សយបច្ចយេន បច្ចយោ… នវ.

ឧបនិស្សយបច្ចយោ

១៥៩. សប្បីតិកោ ធម្មោ សប្បីតិកស្ស ធម្មស្ស ឧបនិស្សយបច្ចយេន បច្ចយោ – អារម្មណូបនិស្សយោ, អនន្តរូបនិស្សយោ, បកតូបនិស្សយោ…បេ…. បកតូបនិស្សយោ – សប្បីតិកា ខន្ធា សប្បីតិកានំ ខន្ធានំ ឧបនិស្សយបច្ចយេន បច្ចយោ. (មូលំ កាតព្ពំ.) សប្បីតិកា ខន្ធា អប្បីតិកានំ ខន្ធានំ បីតិយា ច ឧបនិស្សយបច្ចយេន បច្ចយោ. (មូលំ កាតព្ពំ.) សប្បីតិកា ខន្ធា សប្បីតិកានំ ខន្ធានំ បីតិយា ច ឧបនិស្សយបច្ចយេន បច្ចយោ. (៣)

១៦០. អប្បីតិកោ ធម្មោ អប្បីតិកស្ស ធម្មស្ស ឧបនិស្សយបច្ចយេន បច្ចយោ – អារម្មណូបនិស្សយោ, អនន្តរូបនិស្សយោ, បកតូបនិស្សយោ…បេ…. បកតូបនិស្សយោ – អប្បីតិកំ សទ្ធំ ឧបនិស្សាយ អប្បីតិកេន ចិត្តេន ទានំ ទេតិ, សីលំ សមាទិយតិ, ឧបោសថកម្មំ ករោតិ; អប្បីតិកំ ឈានំ…បេ… វិបស្សនំ… មគ្គំ… អភិញ្ញំ… សមាបត្តិំ ឧប្បាទេតិ, មានំ ជប្បេតិ, ទិដ្ឋិំ គណ្ហាតិ; អប្បីតិកំ សីលំ…បេ… បញ្ញំ… រាគំ… ទោសំ… មោហំ… មានំ… ទិដ្ឋិំ… បត្ថនំ… កាយិកំ សុខំ… កាយិកំ ទុក្ខំ… ឧតុំ… ភោជនំ… សេនាសនំ… បីតិំ ឧបនិស្សាយ អប្បីតិកេន ចិត្តេន ទានំ ទេតិ…បេ… សមាបត្តិំ ឧប្បាទេតិ, បាណំ ហនតិ…បេ… សង្ឃំ ភិន្ទតិ; អប្បីតិកា សទ្ធា…បេ… សេនាសនំ បីតិ ច អប្បីតិកាយ សទ្ធាយ…បេ… បត្ថនាយ… កាយិកស្ស សុខស្ស… កាយិកស្ស ទុក្ខស្ស… មគ្គស្ស ផលសមាបត្តិយា បីតិយា ច ឧបនិស្សយបច្ចយេន បច្ចយោ. (១)

អប្បីតិកោ ធម្មោ សប្បីតិកស្ស ធម្មស្ស ឧបនិស្សយបច្ចយេន បច្ចយោ (តីណិ ឧបនិស្សយា). អប្បីតិកំ សទ្ធំ ឧបនិស្សាយ សប្បីតិកេន ចិត្តេន ទានំ ទេតិ…បេ… អប្បីតិកា ឈានា…បេ… មានំ ជប្បេតិ, ទិដ្ឋិំ គណ្ហាតិ; អប្បីតិកំ សីលំ…បេ… សេនាសនំ បីតិំ ឧបនិស្សាយ សប្បីតិកេន ចិត្តេន ទានំ ទេតិ…បេ… សមាបត្តិំ ឧប្បាទេតិ; សប្បីតិកេន ចិត្តេន អទិន្នំ អាទិយតិ, មុសា…បេ… បិសុណំ…បេ… សម្ផំ…បេ… សន្ធិំ…បេ… និល្លោបំ…បេ… ឯកាគារិកំ…បេ… បរិបន្ថេ…បេ… បរទារំ…បេ… គាមឃាតំ…បេ… និគមឃាតំ ករោតិ; អប្បីតិកា សទ្ធា…បេ… សេនាសនំ បីតិ ច សប្បីតិកាយ សទ្ធាយ…បេ… បញ្ញាយ រាគស្ស, មោហស្ស… មានស្ស… ទិដ្ឋិយា… បត្ថនាយ… មគ្គស្ស, ផលសមាបត្តិយា ឧបនិស្សយបច្ចយេន បច្ចយោ. (២)

អប្បីតិកោ ធម្មោ សប្បីតិកស្ស ច អប្បីតិកស្ស ច ធម្មស្ស ឧបនិស្សយបច្ចយេន បច្ចយោ (តីណិ ឧបនិស្សយា). អប្បីតិកំ សទ្ធំ ឧបនិស្សាយ សប្បីតិកេន ចិត្តេន ទានំ ទេតិ…បេ… សមាបត្តិំ ឧប្បាទេតិ, មានំ ជប្បេតិ, ទិដ្ឋិំ គណ្ហាតិ; អប្បីតិកំ សីលំ…បេ… សេនាសនំ បីតិំ ឧបនិស្សាយ សប្បីតិកេន ចិត្តេន ទានំ ទេតិ…បេ… សមាបត្តិំ ឧប្បាទេតិ; សប្បីតិកេន ចិត្តេន អទិន្នំ អាទិយតិ…បេ… (ទុតិយវារសទិសំ) និគមឃាតំ ករោតិ; អប្បីតិកា សទ្ធា…បេ… សេនាសនំ បីតិ ច សប្បីតិកាយ សទ្ធាយ…បេ… បញ្ញាយ… រាគស្ស… មោហស្ស… មានស្ស… ទិដ្ឋិយា… បត្ថនាយ… មគ្គស្ស, ផលសមាបត្តិយា បីតិយា ច ឧបនិស្សយបច្ចយេន បច្ចយោ. (៣)

សប្បីតិកោ ច អប្បីតិកោ ច ធម្មា សប្បីតិកស្ស ធម្មស្ស ឧបនិស្សយបច្ចយេន បច្ចយោ (តីណិបិ ឧបនិស្សយា). សប្បីតិកា ខន្ធា ច បីតិ ច សប្បីតិកានំ ខន្ធានំ ឧបនិស្សយបច្ចយេន បច្ចយោ. (មូលំ កាតព្ពំ.) សប្បីតិកា ខន្ធា ច បីតិ ច អប្បីតិកានំ ខន្ធានំ បីតិយា ច ឧបនិស្សយបច្ចយេន បច្ចយោ. (មូលំ កាតព្ពំ.) សប្បីតិកា ខន្ធា ច បីតិ ច សប្បីតិកានំ ខន្ធានំ បីតិយា ច ឧបនិស្សយបច្ចយេន បច្ចយោ. (៣)

បុរេជាតបច្ចយោ

១៦១. អប្បីតិកោ ធម្មោ អប្បីតិកស្ស ធម្មស្ស បុរេជាតបច្ចយេន បច្ចយោ – អារម្មណបុរេជាតំ, វត្ថុបុរេជាតំ. អារម្មណបុរេជាតំ – ចក្ខុំ…បេ… វត្ថុំ អប្បីតិកេន ចិត្តេន អនិច្ចតោ…បេ… វិបស្សតិ, អស្សាទេតិ អភិនន្ទតិ, តំ អារព្ភ អប្បីតិកោ រាគោ…បេ… ទោមនស្សំ ឧប្បជ្ជតិ, បីតិ ឧប្បជ្ជតិ, ទិព្ពេន ចក្ខុនា រូបំ បស្សតិ…បេ… ផោដ្ឋព្ពាយតនំ កាយវិញ្ញាណស្ស…បេ…. វត្ថុបុរេជាតំ – ចក្ខាយតនំ ចក្ខុវិញ្ញាណស្ស…បេ… កាយាយតនំ កាយវិញ្ញាណស្ស…បេ… វត្ថុ អប្បីតិកានំ ខន្ធានំ បីតិយា ច បុរេជាតបច្ចយេន បច្ចយោ. (១)

អប្បីតិកោ ធម្មោ សប្បីតិកស្ស ធម្មស្ស បុរេជាតបច្ចយេន បច្ចយោ – អារម្មណបុរេជាតំ, វត្ថុបុរេជាតំ. អារម្មណបុរេជាតំ – ចក្ខុំ…បេ… វត្ថុំ សប្បីតិកេន ចិត្តេន អនិច្ចតោ…បេ… វិបស្សតិ, អស្សាទេតិ អភិនន្ទតិ, តំ អារព្ភ សប្បីតិកោ រាគោ ឧប្បជ្ជតិ, ទិដ្ឋិ ឧប្បជ្ជតិ. វត្ថុបុរេជាតំ – វត្ថុ សប្បីតិកានំ ខន្ធានំ បុរេជាតបច្ចយេន បច្ចយោ. (២)

អប្បីតិកោ ធម្មោ សប្បីតិកស្ស ច អប្បីតិកស្ស ច ធម្មស្ស បុរេជាតបច្ចយេន បច្ចយោ – អារម្មណបុរេជាតំ, វត្ថុបុរេជាតំ. អារម្មណបុរេជាតំ – ចក្ខុំ…បេ… វត្ថុំ សប្បីតិកេន ចិត្តេន អនិច្ចតោ…បេ… វិបស្សតិ អស្សាទេតិ អភិនន្ទតិ, តំ អារព្ភ បីតិ ច សម្បយុត្តកា ខន្ធា ច ឧប្បជ្ជន្តិ. វត្ថុបុរេជាតំ – វត្ថុ សប្បីតិកានំ ខន្ធានំ បីតិយា ច បុរេជាតបច្ចយេន បច្ចយោ. (៣)

បច្ឆាជាតបច្ចយាទិ

១៦២. សប្បីតិកោ ធម្មោ អប្បីតិកស្ស ធម្មស្ស បច្ឆាជាតបច្ចយេន បច្ចយោ… តីណិ… អាសេវនបច្ចយេន បច្ចយោ… នវ… កម្មបច្ចយេន បច្ចយោ… ឆ (សហជាតាបិ នានាក្ខណិកាបិ កាតព្ពា… ទ្វេ នានាក្ខណិកា)… វិបាកបច្ចយេន បច្ចយោ… នវ… អាហារបច្ចយេន បច្ចយោ… ចត្តារិ… ឥន្ទ្រិយបច្ចយេន បច្ចយោ… ចត្តារិ… ឈានបច្ចយេន បច្ចយោ… នវ… មគ្គបច្ចយេន បច្ចយោ… ចត្តារិ… សម្បយុត្តបច្ចយេន បច្ចយោ… ឆ… វិប្បយុត្តបច្ចយេន បច្ចយោ… បញ្ច… អត្ថិបច្ចយេន បច្ចយោ… នវ (សំខិត្តំ. សវិតក្កទុកសទិសំ កាតព្ពំ.)… នត្ថិបច្ចយេន បច្ចយោ… វិគតបច្ចយេន បច្ចយោ… អវិគតបច្ចយេន បច្ចយោ… នវ.