១. បច្ចយានុលោមំ

២. សង្ខ្យាវារោ

១៦៣. ហេតុយា ចត្តារិ, អារម្មណេ នវ, អធិបតិយា នវ, អនន្តរេ នវ, សមនន្តរេ នវ, សហជាតេ នវ, អញ្ញមញ្ញេ នវ, និស្សយេ នវ, ឧបនិស្សយេ នវ, បុរេជាតេ តីណិ, បច្ឆាជាតេ តីណិ, អាសេវនេ នវ, កម្មេ ឆ, វិបាកេ នវ, អាហារេ ចត្តារិ, ឥន្ទ្រិយេ ចត្តារិ, ឈានេ នវ, មគ្គេ ចត្តារិ, សម្បយុត្តេ ឆ, វិប្បយុត្តេ បញ្ច, អត្ថិយា នវ, នត្ថិយា នវ, វិគតេ នវ, អវិគតេ នវ.

អនុលោមំ.

បច្ចនីយុទ្ធារោ

១៦៤. សប្បីតិកោ ធម្មោ សប្បីតិកស្ស ធម្មស្ស អារម្មណបច្ចយេន បច្ចយោ… សហជាតបច្ចយេន បច្ចយោ… ឧបនិស្សយបច្ចយេន បច្ចយោ… កម្មបច្ចយេន បច្ចយោ. សប្បីតិកោ ធម្មោ អប្បីតិកស្ស ធម្មស្ស អារម្មណបច្ចយេន បច្ចយោ… សហជាតបច្ចយេន បច្ចយោ… ឧបនិស្សយបច្ចយេន បច្ចយោ… បច្ឆាជាតបច្ចយេន បច្ចយោ… កម្មបច្ចយេន បច្ចយោ. សប្បីតិកោ ធម្មោ សប្បីតិកស្ស ច អប្បីតិកស្ស ច ធម្មស្ស អារម្មណបច្ចយេន បច្ចយោ… សហជាតបច្ចយេន បច្ចយោ… ឧបនិស្សយបច្ចយេន បច្ចយោ… កម្មបច្ចយេន បច្ចយោ. (៣)

១៦៥. អប្បីតិកោ ធម្មោ អប្បីតិកស្ស ធម្មស្ស អារម្មណបច្ចយេន បច្ចយោ… សហជាតបច្ចយេន បច្ចយោ… ឧបនិស្សយបច្ចយេន បច្ចយោ… បុរេជាតបច្ចយេន បច្ចយោ… បច្ឆាជាតបច្ចយេន បច្ចយោ… កម្មបច្ចយេន បច្ចយោ… អាហារបច្ចយេន បច្ចយោ… ឥន្ទ្រិយបច្ចយេន បច្ចយោ. អប្បីតិកោ ធម្មោ សប្បីតិកស្ស ធម្មស្ស អារម្មណបច្ចយេន បច្ចយោ… សហជាតបច្ចយេន បច្ចយោ… ឧបនិស្សយបច្ចយេន បច្ចយោ… បុរេជាតបច្ចយេន បច្ចយោ. អប្បីតិកោ ធម្មោ សប្បីតិកស្ស ច អប្បីតិកស្ស ច ធម្មស្ស អារម្មណបច្ចយេន បច្ចយោ… សហជាតបច្ចយេន បច្ចយោ… ឧបនិស្សយបច្ចយេន បច្ចយោ… បុរេជាតបច្ចយេន បច្ចយោ. (៣)

១៦៦. សប្បីតិកោ ច អប្បីតិកោ ច ធម្មា សប្បីតិកស្ស ធម្មស្ស អារម្មណបច្ចយេន បច្ចយោ… សហជាតបច្ចយេន បច្ចយោ… ឧបនិស្សយបច្ចយេន បច្ចយោ. សប្បីតិកោ ច អប្បីតិកោ ច ធម្មា អប្បីតិកស្ស ធម្មស្ស អារម្មណបច្ចយេន បច្ចយោ… សហជាតបច្ចយេន បច្ចយោ… ឧបនិស្សយបច្ចយេន បច្ចយោ… បច្ឆាជាតបច្ចយេន បច្ចយោ. សប្បីតិកោ ច អប្បីតិកោ ច ធម្មា សប្បីតិកស្ស ច អប្បីតិកស្ស ច ធម្មស្ស អារម្មណបច្ចយេន បច្ចយោ… សហជាតបច្ចយេន បច្ចយោ… ឧបនិស្សយបច្ចយេន បច្ចយោ. (៣)

(បច្ចនីយវិភង្គគណនាបិ សវិតក្កទុកសទិសា. យទិបិ ន សមេតិ ឥមំ អនុលោមំ បច្ចវេក្ខិត្វា គណេតព្ពំ, ឥតរេ ទ្វេ គណនា គណេតព្ពា.)

សប្បីតិកទុកំ និដ្ឋិតំ.