១-៧. បដិច្ចវារាទិ

បច្ចយចតុក្កំ

ហេតុបច្ចយោ

២៦៣. កុសលំ ហេតុញ្ចេវ សហេតុកញ្ច ធម្មំ បដិច្ច កុសលោ ហេតុ ចេវ សហេតុកោ ច ធម្មោ ឧប្បជ្ជតិ ហេតុបច្ចយា. (១)

អកុសលំ ហេតុញ្ចេវ សហេតុកញ្ច ធម្មំ បដិច្ច អកុសលោ ហេតុ ចេវ សហេតុកោ ច ធម្មោ ឧប្បជ្ជតិ ហេតុបច្ចយា. (១)

អព្យាកតំ ហេតុញ្ចេវ សហេតុកញ្ច ធម្មំ បដិច្ច អព្យាកតោ ហេតុ ចេវ សហេតុកោ ច ធម្មោ ឧប្បជ្ជតិ ហេតុបច្ចយា. (១) (សំខិត្តំ.)

២៦៤. ហេតុយា តីណិ, អារម្មណេ តីណិ…បេ… អវិគតេ តីណិ (សំខិត្តំ).

នអធិបតិយា តីណិ, នបុរេជាតេ តីណិ, នបច្ឆាជាតេ តីណិ, នអាសេវនេ តីណិ, នវិបាកេ តីណិ, នវិប្បយុត្តេ តីណិ (សំខិត្តំ).

(សហជាតវារម្បិ…បេ… សម្បយុត្តវារម្បិ បដិច្ចវារសទិសំ.)

ហេតុ-អារម្មណ-អធិបតិបច្ចយា

២៦៥. កុសលោ ហេតុ ចេវ សហេតុកោ ច ធម្មោ កុសលស្ស ហេតុស្ស ចេវ សហេតុកស្ស ច ធម្មស្ស ហេតុបច្ចយេន បច្ចយោ. (១)

អកុសលោ ហេតុ ចេវ សហេតុកោ ច ធម្មោ អកុសលស្ស ហេតុស្ស ចេវ សហេតុកស្ស ច ធម្មស្ស ហេតុបច្ចយេន បច្ចយោ. (១)

អព្យាកតោ ហេតុ ចេវ សហេតុកោ ច ធម្មោ អព្យាកតស្ស ហេតុស្ស ចេវ សហេតុកស្ស ច ធម្មស្ស ហេតុបច្ចយេន បច្ចយោ. (១)

កុសលោ ហេតុ ចេវ សហេតុកោ ច ធម្មោ កុសលស្ស ហេតុស្ស ចេវ សហេតុកស្ស ច ធម្មស្ស អារម្មណបច្ចយេន បច្ចយោ. កុសលោ ហេតុ ចេវ សហេតុកោ ច ធម្មោ អកុសលស្ស ហេតុស្ស ចេវ សហេតុកស្ស ច ធម្មស្ស អារម្មណបច្ចយេន បច្ចយោ. កុសលោ ហេតុ ចេវ សហេតុកោ ច ធម្មោ អព្យាកតស្ស ហេតុស្ស ចេវ សហេតុកស្ស ច ធម្មស្ស អារម្មណបច្ចយេន បច្ចយោ. (៣)

អកុសលោ ហេតុ ចេវ សហេតុកោ ច ធម្មោ អកុសលស្ស ហេតុស្ស ចេវ សហេតុកស្ស ច ធម្មស្ស អារម្មណបច្ចយេន បច្ចយោ… តីណិ.

អព្យាកតោ ហេតុ ចេវ សហេតុកោ ច ធម្មោ អព្យាកតស្ស ហេតុស្ស ចេវ សហេតុកស្ស ច ធម្មស្ស អារម្មណបច្ចយេន បច្ចយោ… តីណិ.

កុសលោ ហេតុ ចេវ សហេតុកោ ច ធម្មោ កុសលស្ស ហេតុស្ស ចេវ សហេតុកស្ស ច ធម្មស្ស អធិបតិបច្ចយេន បច្ចយោ… តីណិ.

អកុសលោ ហេតុ ចេវ សហេតុកោ ច ធម្មោ អកុសលស្ស ហេតុស្ស ចេវ សហេតុកស្ស ច ធម្មស្ស អធិបតិបច្ចយេន បច្ចយោ. (១)

អព្យាកតោ ហេតុ ចេវ សហេតុកោ ច ធម្មោ អព្យាកតស្ស ហេតុស្ស ចេវ សហេតុកស្ស ច ធម្មស្ស អធិបតិបច្ចយេន បច្ចយោ… តីណិ (សំខិត្តំ).

២៦៦. ហេតុយា តីណិ, អារម្មណេ នវ, អធិបតិយា សត្ត, អនន្តរេ បញ្ច, សមនន្តរេ បញ្ច, សហជាតេ តីណិ…បេ… ឧបនិស្សយេ នវ…បេ… អវិគតេ តីណិ (សំខិត្តំ).

នហេតុយា នវ, នអារម្មណេ នវ (សំខិត្តំ).

ហេតុបច្ចយា នអារម្មណេ តីណិ (សំខិត្តំ).

នហេតុបច្ចយា អារម្មណេ នវ (សំខិត្តំ).

(យថា កុសលត្តិកេ បញ្ហាវារំ, ឯវំ វិត្ថារេតព្ពំ.)

សហេតុកនហេតុបទំ