១-១. កុសលត្តិក-ហេតុទុកំ

១. ហេតុបទំ

១-៦. បដិច្ចវារាទិ

បច្ចយចតុក្កំ

ហេតុ-អារម្មណបច្ចយា

១. កុសលំ ហេតុំ ធម្មំ បដិច្ច កុសលោ ហេតុ ធម្មោ ឧប្បជ្ជតិ ហេតុបច្ចយា.

អកុសលំ ហេតុំ ធម្មំ បដិច្ច អកុសលោ ហេតុ ធម្មោ ឧប្បជ្ជតិ ហេតុបច្ចយា. (១)

អព្យាកតំ ហេតុំ ធម្មំ បដិច្ច អព្យាកតោ ហេតុ ធម្មោ ឧប្បជ្ជតិ ហេតុបច្ចយា. (១)

២. កុសលំ ហេតុំ ធម្មំ បដិច្ច កុសលោ ហេតុ ធម្មោ ឧប្បជ្ជតិ អារម្មណបច្ចយា. (១)

អកុសលំ ហេតុំ ធម្មំ បដិច្ច អកុសលោ ហេតុ ធម្មោ ឧប្បជ្ជតិ អារម្មណបច្ចយា. (១)

អព្យាកតំ ហេតុំ ធម្មំ បដិច្ច អព្យាកតោ ហេតុ ធម្មោ ឧប្បជ្ជតិ អារម្មណបច្ចយា. (១) (សំខិត្តំ.)

៣. ហេតុយា តីណិ, អារម្មណេ តីណិ, អធិបតិយា តីណិ, អនន្តរេ តីណិ, សមនន្តរេ តីណិ, សហជាតេ តីណិ, អញ្ញមញ្ញេ តីណិ, និស្សយេ តីណិ, ឧបនិស្សយេ តីណិ, បុរេជាតេ តីណិ, អាសេវនេ តីណិ, កម្មេ តីណិ, វិបាកេ ឯកំ, អាហារេ តីណិ…បេ… អវិគតេ តីណិ (សំខិត្តំ).

បច្ចនីយំ –នអធិបតិបច្ចយោ

៤. កុសលំ ហេតុំ ធម្មំ បដិច្ច កុសលោ ហេតុ ធម្មោ ឧប្បជ្ជតិ នអធិបតិបច្ចយា. (១)

អកុសលំ ហេតុំ ធម្មំ បដិច្ច អកុសលោ ហេតុ ធម្មោ ឧប្បជ្ជតិ នអធិបតិបច្ចយា. (១)

អព្យាកតំ ហេតុំ ធម្មំ បដិច្ច អព្យាកតោ ហេតុ ធម្មោ ឧប្បជ្ជតិ នអធិបតិបច្ចយា. (១) (សំខិត្តំ.)

៥. នអធិបតិយា តីណិ, នបុរេជាតេ តីណិ, នបច្ឆាជាតេ តីណិ, នអាសេវនេ តីណិ, នវិបាកេ តីណិ, នវិប្បយុត្តេ តីណិ (សំខិត្តំ).

ហេតុបច្ចយា នអធិបតិយា តីណិ (សំខិត្តំ).

នអធិបតិបច្ចយា ហេតុយា តីណិ (សំខិត្តំ).

(សហជាតវារេបិ បច្ចយវារេបិ និស្សយវារេបិ សំសដ្ឋវារេបិ សម្បយុត្តវារេបិ សព្ពត្ថ តីណិ.)

៧. បញ្ហាវារោ

បច្ចយចតុក្កំ

ហេតុអារម្មណបច្ចយាទិ

៦. កុសលោ ហេតុ ធម្មោ កុសលស្ស ហេតុស្ស ធម្មស្ស ហេតុបច្ចយេន បច្ចយោ. (១)

អកុសលោ ហេតុ ធម្មោ អកុសលស្ស ហេតុស្ស ធម្មស្ស ហេតុបច្ចយេន បច្ចយោ. (១)

អព្យាកតោ ហេតុ ធម្មោ អព្យាកតស្ស ហេតុស្ស ធម្មស្ស ហេតុបច្ចយេន បច្ចយោ. (១)

៧. កុសលោ ហេតុ ធម្មោ កុសលស្ស ហេតុស្ស ធម្មស្ស អារម្មណបច្ចយេន បច្ចយោ. កុសលោ ហេតុ ធម្មោ អកុសលស្ស ហេតុស្ស ធម្មស្ស អារម្មណបច្ចយេន បច្ចយោ. កុសលោ ហេតុ ធម្មោ អព្យាកតស្ស ហេតុស្ស ធម្មស្ស អារម្មណបច្ចយេន បច្ចយោ. (៣)

អកុសលោ ហេតុ ធម្មោ អកុសលស្ស ហេតុស្ស ធម្មស្ស អារម្មណបច្ចយេន បច្ចយោ… តីណិ.

អព្យាកតោ ហេតុ ធម្មោ អព្យាកតស្ស ហេតុស្ស ធម្មស្ស អារម្មណបច្ចយេន បច្ចយោ… តីណិ.

៨. កុសលោ ហេតុ ធម្មោ កុសលស្ស ហេតុស្ស ធម្មស្ស អធិបតិបច្ចយេន បច្ចយោ. កុសលោ ហេតុ ធម្មោ អកុសលស្ស ហេតុស្ស ធម្មស្ស អធិបតិបច្ចយេន បច្ចយោ. កុសលោ ហេតុ ធម្មោ អព្យាកតស្ស ហេតុស្ស ធម្មស្ស អធិបតិបច្ចយេន បច្ចយោ… តីណិ.

អកុសលោ ហេតុ ធម្មោ អកុសលស្ស ហេតុស្ស ធម្មស្ស អធិបតិបច្ចយេន បច្ចយោ. (១)

អព្យាកតោ ហេតុ ធម្មោ អព្យាកតស្ស ហេតុស្ស ធម្មស្ស អធិបតិបច្ចយេន បច្ចយោ. អព្យាកតោ ហេតុ ធម្មោ កុសលស្ស ហេតុស្ស ធម្មស្ស អធិបតិបច្ចយេន បច្ចយោ. អព្យាកតោ ហេតុ ធម្មោ អកុសលស្ស ហេតុស្ស ធម្មស្ស អធិបតិបច្ចយេន បច្ចយោ… តីណិ.

អនន្តរបច្ចយាទិ

៩. កុសលោ ហេតុ ធម្មោ កុសលស្ស ហេតុស្ស ធម្មស្ស អនន្តរបច្ចយេន បច្ចយោ… ទ្វេ.

អកុសលោ ហេតុ ធម្មោ អកុសលស្ស ហេតុស្ស ធម្មស្ស អនន្តរបច្ចយេន បច្ចយោ… ទ្វេ.

អព្យាកតោ ហេតុ ធម្មោ អព្យាកតស្ស ហេតុស្ស ធម្មស្ស អនន្តរបច្ចយេន បច្ចយោ (១)

១០. កុសលោ ហេតុ ធម្មោ កុសលស្ស ហេតុស្ស ធម្មស្ស សហជាតបច្ចយេន បច្ចយោ. (១)

អកុសលោ ហេតុ ធម្មោ អកុសលស្ស ហេតុស្ស ធម្មស្ស សហជាតបច្ចយេន បច្ចយោ. (១)

អព្យាកតោ ហេតុ ធម្មោ អព្យាកតស្ស ហេតុស្ស ធម្មស្ស សហជាតបច្ចយេន បច្ចយោ. (១)

(អញ្ញមញ្ញនិស្សយបច្ចយា សហជាតបច្ចយសទិសា).

ឧបនិស្សយបច្ចយាទិ

១១. កុសលោ ហេតុ ធម្មោ កុសលស្ស ហេតុស្ស ធម្មស្ស ឧបនិស្សយបច្ចយេន បច្ចយោ. កុសលោ ហេតុ ធម្មោ អកុសលស្ស ហេតុស្ស ធម្មស្ស ឧបនិស្សយបច្ចយេន បច្ចយោ. កុសលោ ហេតុ ធម្មោ អព្យាកតស្ស ហេតុស្ស ធម្មស្ស ឧបនិស្សយបច្ចយេន បច្ចយោ. (៣)

អកុសលោ ហេតុ ធម្មោ អកុសលស្ស ហេតុស្ស ធម្មស្ស ឧបនិស្សយបច្ចយេន បច្ចយោ. អកុសលោ ហេតុ ធម្មោ កុសលស្ស ហេតុស្ស ធម្មស្ស ឧបនិស្សយបច្ចយេន បច្ចយោ. អកុសលោ ហេតុ ធម្មោ អព្យាកតស្ស ហេតុស្ស ធម្មស្ស ឧបនិស្សយបច្ចយេន បច្ចយោ… តីណិ. (៣)

អព្យាកតោ ហេតុ ធម្មោ អព្យាកតស្ស ហេតុស្ស ធម្មស្ស ឧបនិស្សយបច្ចយេន បច្ចយោ. អព្យាកតោ ហេតុ ធម្មោ កុសលស្ស ហេតុស្ស ធម្មស្ស ឧបនិស្សយបច្ចយេន បច្ចយោ. អព្យាកតោ ហេតុ ធម្មោ អកុសលស្ស ហេតុស្ស ធម្មស្ស ឧបនិស្សយបច្ចយេន បច្ចយោ. (៣)

អព្យាកតោ ហេតុ ធម្មោ អព្យាកតស្ស ហេតុស្ស ធម្មស្ស វិបាកបច្ចយេន បច្ចយោ. (១) (សំខិត្តំ.)

១២. ហេតុយា តីណិ, អារម្មណេ នវ, អធិបតិយា សត្ត, អនន្តរេ បញ្ច, សមនន្តរេ បញ្ច, សហជាតេ តីណិ, អញ្ញមញ្ញេ តីណិ, និស្សយេ តីណិ, ឧបនិស្សយេ នវ, អាសេវនេ តីណិ, វិបាកេ ឯកំ, ឥន្ទ្រិយេ ទ្វេ, មគ្គេ ទ្វេ, សម្បយុត្តេ តីណិ, អត្ថិយា តីណិ, នត្ថិយា បញ្ច, វិគតេ បញ្ច, អវិគតេ តីណិ (សំខិត្តំ).

បច្ចនីយុទ្ធារោ

១៣. កុសលោ ហេតុ ធម្មោ កុសលស្ស ហេតុស្ស ធម្មស្ស អារម្មណបច្ចយេន បច្ចយោ… សហជាតបច្ចយេន បច្ចយោ… ឧបនិស្សយបច្ចយេន បច្ចយោ. កុសលោ ហេតុ ធម្មោ អកុសលស្ស ហេតុស្ស ធម្មស្ស អារម្មណបច្ចយេន បច្ចយោ… ឧបនិស្សយបច្ចយេន បច្ចយោ. កុសលោ ហេតុ ធម្មោ អព្យាកតស្ស ហេតុស្ស ធម្មស្ស អារម្មណបច្ចយេន បច្ចយោ… ឧបនិស្សយបច្ចយេន បច្ចយោ. (៣)

អកុសលោ ហេតុ ធម្មោ អកុសលស្ស ហេតុស្ស ធម្មស្ស អារម្មណបច្ចយេន បច្ចយោ… សហជាតបច្ចយេន បច្ចយោ… ឧបនិស្សយបច្ចយេន បច្ចយោ. អកុសលោ ហេតុ ធម្មោ កុសលស្ស ហេតុស្ស ធម្មស្ស អារម្មណបច្ចយេន បច្ចយោ… ឧបនិស្សយបច្ចយេន បច្ចយោ. អកុសលោ ហេតុ ធម្មោ អព្យាកតស្ស ហេតុស្ស ធម្មស្ស អារម្មណបច្ចយេន បច្ចយោ… ឧបនិស្សយបច្ចយេន បច្ចយោ. (៣)

អព្យាកតោ ហេតុ ធម្មោ អព្យាកតស្ស ហេតុស្ស ធម្មស្ស អារម្មណបច្ចយេន បច្ចយោ… សហជាតបច្ចយេន បច្ចយោ… ឧបនិស្សយបច្ចយេន បច្ចយោ (សំខិត្តំ).

១៤. នហេតុយា នវ, នអារម្មណេ នវ (សំខិត្តំ).

ហេតុបច្ចយា នអារម្មណេ តីណិ (សំខិត្តំ).

នហេតុបច្ចយា អារម្មណេ នវ (សំខិត្តំ).

(យថា កុសលត្តិកេ បញ្ហាវារស្ស អនុលោមម្បិ បច្ចនីយម្បិ អនុលោមបច្ចនីយម្បិ បច្ចនីយានុលោមម្បិ គណិតំ, ឯវំ គណេតព្ពំ.)

២. នហេតុបទំ

១-៦. បដិច្ចវារាទិ

បច្ចយចតុក្កំ

ហេតុ-អារម្មណបច្ចយា

១៥. កុសលំ នហេតុំ ធម្មំ បដិច្ច កុសលោ នហេតុ ធម្មោ ឧប្បជ្ជតិ ហេតុបច្ចយា. កុសលំ នហេតុំ ធម្មំ បដិច្ច អព្យាកតោ នហេតុ ធម្មោ ឧប្បជ្ជតិ ហេតុបច្ចយា. កុសលំ នហេតុំ ធម្មំ បដិច្ច កុសលោ នហេតុ ច អព្យាកតោ នហេតុ ច ធម្មា ឧប្បជ្ជន្តិ ហេតុបច្ចយា. (៣)

អកុសលំ នហេតុំ ធម្មំ បដិច្ច អកុសលោ នហេតុ ធម្មោ ឧប្បជ្ជតិ ហេតុបច្ចយា. អកុសលំ នហេតុំ ធម្មំ បដិច្ច អព្យាកតោ នហេតុ ធម្មោ ឧប្បជ្ជតិ ហេតុបច្ចយា. អកុសលំ នហេតុំ ធម្មំ បដិច្ច អកុសលោ នហេតុ ច អព្យាកតោ នហេតុ ច ធម្មា ឧប្បជ្ជន្តិ ហេតុបច្ចយា. (៣)

អព្យាកតំ នហេតុំ ធម្មំ បដិច្ច អព្យាកតោ នហេតុ ធម្មោ ឧប្បជ្ជតិ ហេតុបច្ចយា. (១)

កុសលំ នហេតុញ្ច អព្យាកតំ នហេតុញ្ច ធម្មំ បដិច្ច អព្យាកតោ នហេតុ ធម្មោ ឧប្បជ្ជតិ ហេតុបច្ចយា. (១)

អកុសលំ នហេតុញ្ច អព្យាកតំ នហេតុញ្ច ធម្មំ បដិច្ច អព្យាកតោ នហេតុ ធម្មោ ឧប្បជ្ជតិ ហេតុបច្ចយា. (១)

១៦. កុសលំ នហេតុំ ធម្មំ បដិច្ច កុសលោ នហេតុ ធម្មោ ឧប្បជ្ជតិ អារម្មណបច្ចយា. (១)

អកុសលំ នហេតុំ ធម្មំ បដិច្ច អកុសលោ នហេតុ ធម្មោ ឧប្បជ្ជតិ អារម្មណបច្ចយា. (១)

អព្យាកតំ នហេតុំ ធម្មំ បដិច្ច អព្យាកតោ នហេតុ ធម្មោ ឧប្បជ្ជតិ អារម្មណបច្ចយា (១) (សំខិត្តំ.)

១៧. ហេតុយា នវ, អារម្មណេ តីណិ, អធិបតិយា នវ, អនន្តរេ តីណិ, សមនន្តរេ តីណិ, សហជាតេ នវ, អញ្ញមញ្ញេ តីណិ, និស្សយេ នវ, ឧបនិស្សយេ តីណិ, បុរេជាតេ តីណិ, អាសេវនេ តីណិ, កម្មេ នវ, វិបាកេ ឯកំ, អាហារេ នវ, ឥន្ទ្រិយេ នវ, ឈានេ នវ, មគ្គេ នវ, សម្បយុត្តេ តីណិ, វិប្បយុត្តេ នវ, អត្ថិយា នវ, នត្ថិយា តីណិ, វិគតេ តីណិ, អវិគតេ នវ (សំខិត្តំ).

នហេតុនអារម្មណបច្ចយាទិ

១៨. អព្យាកតំ នហេតុំ ធម្មំ បដិច្ច អព្យាកតោ នហេតុ ធម្មោ ឧប្បជ្ជតិ នហេតុបច្ចយា. (១)

កុសលំ នហេតុំ ធម្មំ បដិច្ច អព្យាកតោ នហេតុ ធម្មោ ឧប្បជ្ជតិ នអារម្មណបច្ចយា. (១)

អកុសលំ នហេតុំ ធម្មំ បដិច្ច អព្យាកតោ នហេតុ ធម្មោ ឧប្បជ្ជតិ នអារម្មណបច្ចយា. (១)

អព្យាកតំ នហេតុំ ធម្មំ បដិច្ច អព្យាកតោ នហេតុ ធម្មោ ឧប្បជ្ជតិ នអារម្មណបច្ចយា. (១)

កុសលំ នហេតុញ្ច អព្យាកតំ នហេតុញ្ច ធម្មំ បដិច្ច អព្យាកតោ នហេតុ ធម្មោ ឧប្បជ្ជតិ នអារម្មណបច្ចយា. (១)

អកុសលំ នហេតុញ្ច អព្យាកតំ នហេតុញ្ច ធម្មំ បដិច្ច អព្យាកតោ នហេតុ ធម្មោ ឧប្បជ្ជតិ នអារម្មណបច្ចយា. (១) (សំខិត្តំ.)

១៩. នហេតុយា ឯកំ, នអារម្មណេ បញ្ច, នអធិបតិយា នវ, នអនន្តរេ បញ្ច, នសមនន្តរេ បញ្ច, នអញ្ញមញ្ញេ បញ្ច, នឧបនិស្សយេ បញ្ច, នបុរេជាតេ សត្ត, នបច្ឆាជាតេ នវ, នអាសេវនេ នវ, នកម្មេ តីណិ, នវិបាកេ នវ, នអាហារេ ឯកំ, នឥន្ទ្រិយេ ឯកំ, នឈានេ ឯកំ, នមគ្គេ ឯកំ, នសម្បយុត្តេ បញ្ច, នវិប្បយុត្តេ តីណិ, នោនត្ថិយា បញ្ច, នោវិគតេ បញ្ច (សំខិត្តំ).

ហេតុបច្ចយា នអារម្មណេ បញ្ច (សំខិត្តំ).

នហេតុបច្ចយា អារម្មណេ ឯកំ (សំខិត្តំ).

(សហជាតវារម្បិ បច្ចយវារម្បិ និស្សយវារម្បិ សំសដ្ឋវារម្បិ សម្បយុត្តវារម្បិ បដិច្ចវារសទិសា វិត្ថារេតព្ពា.)

៧. បញ្ហាវារោ

បច្ចយចតុក្កំ

អារម្មណបច្ចយាទិ

២០. កុសលោ នហេតុ ធម្មោ កុសលស្ស នហេតុស្ស ធម្មស្ស អារម្មណបច្ចយេន បច្ចយោ. កុសលោ នហេតុ ធម្មោ អកុសលស្ស នហេតុស្ស ធម្មស្ស អារម្មណបច្ចយេន បច្ចយោ. កុសលោ នហេតុ ធម្មោ អព្យាកតស្ស នហេតុស្ស ធម្មស្ស អារម្មណបច្ចយេន បច្ចយោ. (៣)

អកុសលោ នហេតុ ធម្មោ អកុសលស្ស នហេតុស្ស ធម្មស្ស អារម្មណបច្ចយេន បច្ចយោ. អកុសលោ នហេតុ ធម្មោ កុសលស្ស នហេតុស្ស ធម្មស្ស អារម្មណបច្ចយេន បច្ចយោ. អកុសលោ នហេតុ ធម្មោ អព្យាកតស្ស នហេតុស្ស ធម្មស្ស អារម្មណបច្ចយេន បច្ចយោ. (៣)

អព្យាកតោ នហេតុ ធម្មោ អព្យាកតស្ស នហេតុស្ស ធម្មស្ស អារម្មណបច្ចយេន បច្ចយោ. អព្យាកតោ នហេតុ ធម្មោ កុសលស្ស នហេតុស្ស ធម្មស្ស អារម្មណបច្ចយេន បច្ចយោ. អព្យាកតោ នហេតុ ធម្មោ អកុសលស្ស នហេតុស្ស ធម្មស្ស អារម្មណបច្ចយេន បច្ចយោ. (៣)

២១. កុសលោ នហេតុ ធម្មោ កុសលស្ស នហេតុស្ស ធម្មស្ស អធិបតិបច្ចយេន បច្ចយោ. កុសលោ នហេតុ ធម្មោ អកុសលស្ស នហេតុស្ស ធម្មស្ស អធិបតិបច្ចយេន បច្ចយោ. កុសលោ នហេតុ ធម្មោ អព្យាកតស្ស នហេតុស្ស ធម្មស្ស អធិបតិបច្ចយេន បច្ចយោ. កុសលោ នហេតុ ធម្មោ កុសលស្ស នហេតុស្ស ច អព្យាកតស្ស នហេតុស្ស ច ធម្មស្ស អធិបតិបច្ចយេន បច្ចយោ… ចត្តារិ.

អកុសលោ នហេតុ ធម្មោ អកុសលស្ស នហេតុស្ស ធម្មស្ស អធិបតិបច្ចយេន បច្ចយោ… តីណិ.

អព្យាកតោ នហេតុ ធម្មោ អព្យាកតស្ស នហេតុស្ស ធម្មស្ស អធិបតិបច្ចយេន បច្ចយោ. អព្យាកតោ នហេតុ ធម្មោ កុសលស្ស នហេតុស្ស ធម្មស្ស អធិបតិបច្ចយេន បច្ចយោ… តីណិ.

២២. កុសលោ នហេតុ ធម្មោ កុសលស្ស នហេតុស្ស ធម្មស្ស អនន្តរបច្ចយេន បច្ចយោ. កុសលោ នហេតុ ធម្មោ អព្យាកតស្ស នហេតុស្ស ធម្មស្ស អនន្តរបច្ចយេន បច្ចយោ. (២)

អកុសលោ នហេតុ ធម្មោ អកុសលស្ស នហេតុស្ស ធម្មស្ស អនន្តរបច្ចយេន បច្ចយោ. អកុសលោ នហេតុ ធម្មោ អព្យាកតស្ស នហេតុស្ស ធម្មស្ស អនន្តរបច្ចយេន បច្ចយោ. (២)

អព្យាកតោ នហេតុ ធម្មោ អព្យាកតស្ស នហេតុស្ស ធម្មស្ស អនន្តរបច្ចយេន បច្ចយោ… តីណិ…បេ….

ឧបនិស្សយបច្ចយោ

២៣. កុសលោ នហេតុ ធម្មោ កុសលស្ស នហេតុស្ស ធម្មស្ស ឧបនិស្សយបច្ចយេន បច្ចយោ. កុសលោ នហេតុ ធម្មោ អកុសលស្ស នហេតុស្ស ធម្មស្ស ឧបនិស្សយបច្ចយេន បច្ចយោ. កុសលោ នហេតុ ធម្មោ អព្យាកតស្ស នហេតុស្ស ធម្មស្ស ឧបនិស្សយបច្ចយេន បច្ចយោ. (៣)

អកុសលោ នហេតុ ធម្មោ អកុសលស្ស នហេតុស្ស ធម្មស្ស ឧបនិស្សយបច្ចយេន បច្ចយោ. អកុសលោ នហេតុ ធម្មោ កុសលស្ស នហេតុស្ស ធម្មស្ស ឧបនិស្សយបច្ចយេន បច្ចយោ. អកុសលោ នហេតុ ធម្មោ អព្យាកតស្ស នហេតុស្ស ធម្មស្ស ឧបនិស្សយបច្ចយេន បច្ចយោ. (៣)

អព្យាកតោ នហេតុ ធម្មោ អព្យាកតស្ស នហេតុស្ស ធម្មស្ស ឧបនិស្សយបច្ចយេន បច្ចយោ. អព្យាកតោ នហេតុ ធម្មោ កុសលស្ស នហេតុស្ស ធម្មស្ស ឧបនិស្សយបច្ចយេន បច្ចយោ. អព្យាកតោ នហេតុ ធម្មោ អកុសលស្ស នហេតុស្ស ធម្មស្ស ឧបនិស្សយបច្ចយេន បច្ចយោ. (៣) (សំខិត្តំ.)

២៤. អារម្មណេ នវ, អធិបតិយា ទស, អនន្តរេ សត្ត, សមនន្តរេ សត្ត, សហជាតេ នវ, អញ្ញមញ្ញេ តីណិ, និស្សយេ តេរស, ឧបនិស្សយេ នវ, បុរេជាតេ តីណិ, បច្ឆាជាតេ តីណិ, អាសេវនេ តីណិ, កម្មេ សត្ត, វិបាកេ ឯកំ, អាហារេ សត្ត, ឥន្ទ្រិយេ សត្ត, ឈានេ សត្ត, មគ្គេ សត្ត, សម្បយុត្តេ តីណិ, វិប្បយុត្តេ បញ្ច, អត្ថិយា តេរស, នត្ថិយា សត្ត, វិគតេ សត្ត, អវិគតេ តេរស (សំខិត្តំ).

នហេតុយា បន្នរស, នអារម្មណេ បន្នរស (សំខិត្តំ).

អារម្មណបច្ចយា នហេតុយា នវ (សំខិត្តំ).

នហេតុបច្ចយា អារម្មណេ នវ (សំខិត្តំ).

(យថា កុសលត្តិកេ បញ្ហាវារំ, ឯវំ វិត្ថារេតព្ពំ.)

២-១. វេទនាត្តិក-ហេតុទុកំ

១-៦. បដិច្ចវារាទិ

បច្ចយចតុក្កំ

២៥. សុខាយ វេទនាយ សម្បយុត្តំ ហេតុំ ធម្មំ បដិច្ច សុខាយ វេទនាយ សម្បយុត្តោ ហេតុ ធម្មោ ឧប្បជ្ជតិ ហេតុបច្ចយា. (១)

ទុក្ខាយ វេទនាយ សម្បយុត្តំ ហេតុំ ធម្មំ បដិច្ច ទុក្ខាយ វេទនាយ សម្បយុត្តោ ហេតុ ធម្មោ ឧប្បជ្ជតិ ហេតុបច្ចយា. (១)

អទុក្ខមសុខាយ វេទនាយ សម្បយុត្តំ ហេតុំ ធម្មំ បដិច្ច អទុក្ខមសុខាយ វេទនាយ សម្បយុត្តោ ហេតុ ធម្មោ ឧប្បជ្ជតិ ហេតុបច្ចយា. (១) (សំខិត្តំ.)

២៦. ហេតុយា តីណិ, អារម្មណេ តីណិ, អធិបតិយា តីណិ…បេ… វិបាកេ ទ្វេ…បេ… អវិគតេ តីណិ (សំខិត្តំ).

នអធិបតិយា តីណិ, នបុរេជាតេ ទ្វេ, នបច្ឆាជាតេ តីណិ, នអាសេវនេ តីណិ, នវិបាកេ តីណិ, នវិប្បយុត្តេ ទ្វេ (សំខិត្តំ).

ហេតុបច្ចយា នអធិបតិយា តីណិ (សំខិត្តំ).

នអធិបតិបច្ចយា ហេតុយា តីណិ (សំខិត្តំ).

(សហជាតវារម្បិ…បេ… សម្បយុត្តវារម្បិ វិត្ថារេតព្ពំ.)

ហេតុ-អារម្មណបច្ចយា

២៧. សុខាយ វេទនាយ សម្បយុត្តោ ហេតុ ធម្មោ សុខាយ វេទនាយ សម្បយុត្តស្ស ហេតុស្ស ធម្មស្ស ហេតុបច្ចយេន បច្ចយោ. (១)

ទុក្ខាយ វេទនាយ សម្បយុត្តោ ហេតុ ធម្មោ ទុក្ខាយ វេទនាយ សម្បយុត្តស្ស ហេតុស្ស ធម្មស្ស ហេតុបច្ចយេន បច្ចយោ. (១)

អទុក្ខមសុខាយ វេទនាយ សម្បយុត្តោ ហេតុ ធម្មោ អទុក្ខមសុខាយ វេទនាយ សម្បយុត្តស្ស ហេតុស្ស ធម្មស្ស ហេតុបច្ចយេន បច្ចយោ. (១)

២៨. សុខាយ វេទនាយ សម្បយុត្តោ ហេតុ ធម្មោ សុខាយ វេទនាយ សម្បយុត្តស្ស ហេតុស្ស ធម្មស្ស អារម្មណបច្ចយេន បច្ចយោ… តីណិ.

ទុក្ខាយ វេទនាយ សម្បយុត្តោ ហេតុ ធម្មោ ទុក្ខាយ វេទនាយ សម្បយុត្តស្ស ហេតុស្ស ធម្មស្ស អារម្មណបច្ចយេន បច្ចយោ… តីណិ.

អទុក្ខមសុខាយ វេទនាយ សម្បយុត្តោ ហេតុ ធម្មោ អទុក្ខមសុខាយ វេទនាយ សម្បយុត្តស្ស ហេតុស្ស ធម្មស្ស អារម្មណបច្ចយេន បច្ចយោ… តីណិ (សំខិត្តំ).

២៩. ហេតុយា តីណិ, អារម្មណេ នវ, អធិបតិយា ចត្តារិ, អនន្តរេ ឆ, សមនន្តរេ ឆ, សហជាតេ តីណិ, អញ្ញមញ្ញេ តីណិ, និស្សយេ តីណិ, ឧបនិស្សយេ នវ, អាសេវនេ តីណិ, វិបាកេ ទ្វេ, ឥន្ទ្រិយេ ទ្វេ, មគ្គេ ទ្វេ, សម្បយុត្តេ តីណិ, អត្ថិយា តីណិ, នត្ថិយា ឆ, វិគតេ ឆ, អវិគតេ តីណិ (សំខិត្តំ).

នហេតុយា នវ, នអារម្មណេ នវ (សំខិត្តំ).

ហេតុបច្ចយា នអារម្មណេ តីណិ (សំខិត្តំ).

នហេតុបច្ចយា អារម្មណេ នវ (សំខិត្តំ).

(យថា កុសលត្តិកេ បញ្ហាវារំ, ឯវំ វិត្ថារេតព្ពំ.)

១-៦. បដិច្ចវារាទិ

បច្ចយចតុក្កំ

៣០. សុខាយ វេទនាយ សម្បយុត្តំ នហេតុំ ធម្មំ បដិច្ច សុខាយ វេទនាយ សម្បយុត្តោ នហេតុ ធម្មោ ឧប្បជ្ជតិ ហេតុបច្ចយា. (១)

ទុក្ខាយ វេទនាយ សម្បយុត្តំ នហេតុំ ធម្មំ បដិច្ច ទុក្ខាយ វេទនាយ សម្បយុត្តោ នហេតុ ធម្មោ ឧប្បជ្ជតិ ហេតុបច្ចយា. (១)

អទុក្ខមសុខាយ វេទនាយ សម្បយុត្តំ នហេតុំ ធម្មំ បដិច្ច អទុក្ខមសុខាយ វេទនាយ សម្បយុត្តោ នហេតុ ធម្មោ ឧប្បជ្ជតិ ហេតុបច្ចយា. (១) (សំខិត្តំ.)

៣១. ហេតុយា តីណិ, អារម្មណេ តីណិ…បេ… អវិគតេ តីណិ (សំខិត្តំ).

នហេតុយា តីណិ, នអធិបតិយា តីណិ, នបុរេជាតេ ទ្វេ, នបច្ឆាជាតេ តីណិ, នអាសេវនេ តីណិ, នកម្មេ តីណិ, នវិបាកេ តីណិ…បេ… នវិប្បយុត្តេ ទ្វេ (សំខិត្តំ).

(សហជាតវារម្បិ…បេ… សម្បយុត្តវារម្បិ វិត្ថារេតព្ពំ.)

៧. បញ្ហាវារោ

បច្ចយចតុក្កំ

អារម្មណបច្ចយាទិ

៣២. សុខាយ វេទនាយ សម្បយុត្តោ នហេតុ ធម្មោ សុខាយ វេទនាយ សម្បយុត្តស្ស នហេតុស្ស ធម្មស្ស អារម្មណបច្ចយេន បច្ចយោ. សុខាយ វេទនាយ សម្បយុត្តោ នហេតុ ធម្មោ ទុក្ខាយ វេទនាយ សម្បយុត្តស្ស នហេតុស្ស ធម្មស្ស អារម្មណបច្ចយេន បច្ចយោ. សុខាយ វេទនាយ សម្បយុត្តោ នហេតុ ធម្មោ អទុក្ខមសុខាយ វេទនាយ សម្បយុត្តស្ស នហេតុស្ស ធម្មស្ស អារម្មណបច្ចយេន បច្ចយោ. (៣)

ទុក្ខាយ វេទនាយ សម្បយុត្តោ នហេតុ ធម្មោ ទុក្ខាយ វេទនាយ សម្បយុត្តស្ស នហេតុស្ស ធម្មស្ស អារម្មណបច្ចយេន បច្ចយោ. ទុក្ខាយ វេទនាយ សម្បយុត្តោ នហេតុ ធម្មោ សុខាយ វេទនាយ សម្បយុត្តស្ស នហេតុស្ស ធម្មស្ស អារម្មណបច្ចយេន បច្ចយោ. ទុក្ខាយ វេទនាយ សម្បយុត្តោ នហេតុ ធម្មោ អទុក្ខមសុខាយ វេទនាយ សម្បយុត្តស្ស នហេតុស្ស ធម្មស្ស អារម្មណបច្ចយេន បច្ចយោ. (៣)

អទុក្ខមសុខាយ វេទនាយ សម្បយុត្តោ នហេតុ ធម្មោ អទុក្ខមសុខាយ វេទនាយ សម្បយុត្តស្ស នហេតុស្ស ធម្មស្ស អារម្មណបច្ចយេន បច្ចយោ. អទុក្ខមសុខាយ វេទនាយ សម្បយុត្តោ នហេតុ ធម្មោ សុខាយ វេទនាយ សម្បយុត្តស្ស នហេតុស្ស ធម្មស្ស អារម្មណបច្ចយេន បច្ចយោ. អទុក្ខមសុខាយ វេទនាយ សម្បយុត្តោ នហេតុ ធម្មោ ទុក្ខាយ វេទនាយ សម្បយុត្តស្ស នហេតុស្ស ធម្មស្ស អារម្មណបច្ចយេន បច្ចយោ. (៣)

៣៣. សុខាយ វេទនាយ សម្បយុត្តោ នហេតុ ធម្មោ សុខាយ វេទនាយ សម្បយុត្តស្ស នហេតុស្ស ធម្មស្ស អធិបតិបច្ចយេន បច្ចយោ. សុខាយ វេទនាយ សម្បយុត្តោ នហេតុ ធម្មោ អទុក្ខមសុខាយ វេទនាយ សម្បយុត្តស្ស នហេតុស្ស ធម្មស្ស អធិបតិបច្ចយេន បច្ចយោ. (២)

ទុក្ខាយ វេទនាយ សម្បយុត្តោ នហេតុ ធម្មោ ទុក្ខាយ វេទនាយ សម្បយុត្តស្ស នហេតុស្ស ធម្មស្ស អធិបតិបច្ចយេន បច្ចយោ. (១)

អទុក្ខមសុខាយ វេទនាយ សម្បយុត្តោ នហេតុ ធម្មោ អទុក្ខមសុខាយ វេទនាយ សម្បយុត្តស្ស នហេតុស្ស ធម្មស្ស អធិបតិបច្ចយេន បច្ចយោ. អទុក្ខមសុខាយ វេទនាយ សម្បយុត្តោ នហេតុ ធម្មោ សុខាយ វេទនាយ សម្បយុត្តស្ស នហេតុស្ស ធម្មស្ស អធិបតិបច្ចយេន បច្ចយោ. (២)

អនន្តរ-ឧបនិស្សយបច្ចយា

៣៤. សុខាយ វេទនាយ សម្បយុត្តោ នហេតុ ធម្មោ សុខាយ វេទនាយ សម្បយុត្តស្ស នហេតុស្ស ធម្មស្ស អនន្តរបច្ចយេន បច្ចយោ… ទ្វេ.

ទុក្ខាយ វេទនាយ សម្បយុត្តោ នហេតុ ធម្មោ ទុក្ខាយ វេទនាយ សម្បយុត្តស្ស នហេតុស្ស ធម្មស្ស អនន្តរបច្ចយេន បច្ចយោ… ទ្វេ.

អទុក្ខមសុខាយ វេទនាយ សម្បយុត្តោ នហេតុ ធម្មោ អទុក្ខមសុខាយ វេទនាយ សម្បយុត្តស្ស នហេតុស្ស ធម្មស្ស អនន្តរបច្ចយេន បច្ចយោ… តីណិ…បេ….

៣៥. សុខាយ វេទនាយ សម្បយុត្តោ នហេតុ ធម្មោ សុខាយ វេទនាយ សម្បយុត្តស្ស នហេតុស្ស ធម្មស្ស ឧបនិស្សយបច្ចយេន បច្ចយោ… តីណិ.

ទុក្ខាយ វេទនាយ សម្បយុត្តោ នហេតុ ធម្មោ ទុក្ខាយ វេទនាយ សម្បយុត្តស្ស នហេតុស្ស ធម្មស្ស ឧបនិស្សយបច្ចយេន បច្ចយោ… តីណិ.

អទុក្ខមសុខាយ វេទនាយ សម្បយុត្តោ នហេតុ ធម្មោ អទុក្ខមសុខាយ វេទនាយ សម្បយុត្តស្ស នហេតុស្ស ធម្មស្ស ឧបនិស្សយបច្ចយេន បច្ចយោ… តីណិ (សំខិត្តំ).

៣៦. អារម្មណេ នវ, អធិបតិយា បញ្ច, អនន្តរេ សត្ត, សមនន្តរេ សត្ត, សហជាតេ តីណិ, អញ្ញមញ្ញេ តីណិ, និស្សយេ តីណិ, ឧបនិស្សយេ នវ, អាសេវនេ តីណិ, កម្មេ អដ្ឋ, វិបាកេ តីណិ, អាហារេ តីណិ, ឥន្ទ្រិយេ តីណិ, ឈានេ តីណិ, មគ្គេ តីណិ, សម្បយុត្តេ តីណិ, អត្ថិយា តីណិ, នត្ថិយា សត្ត, វិគតេ សត្ត, អវិគតេ តីណិ (សំខិត្តំ).

នហេតុយា នវ, នអារម្មណេ នវ (សំខិត្តំ).

អារម្មណបច្ចយា នហេតុយា នវ (សំខិត្តំ).

នហេតុបច្ចយា អារម្មណេ នវ (សំខិត្តំ).