១-៧. បដិច្ចវារាទិ

បច្ចយចតុក្កំ

ហេតុបច្ចយោ

២៦៧. កុសលំ សហេតុកញ្ចេវ ន ច ហេតុំ ធម្មំ បដិច្ច កុសលោ សហេតុកោ ចេវ ន ច ហេតុ ធម្មោ ឧប្បជ្ជតិ ហេតុបច្ចយា. (១)

អកុសលំ សហេតុកញ្ចេវ ន ច ហេតុំ ធម្មំ បដិច្ច អកុសលោ សហេតុកោ ចេវ ន ច ហេតុ ធម្មោ ឧប្បជ្ជតិ ហេតុបច្ចយា. (១)

អព្យាកតំ សហេតុកញ្ចេវ ន ច ហេតុំ ធម្មំ បដិច្ច អព្យាកតោ សហេតុកោ ចេវ ន ច ហេតុ ធម្មោ ឧប្បជ្ជតិ ហេតុបច្ចយា (សំខិត្តំ).

២៦៨. ហេតុយា តីណិ, អារម្មណេ តីណិ…បេ… អវិគតេ តីណិ (សំខិត្តំ).

នអធិបតិយា តីណិ…បេ… នវិប្បយុត្តេ តីណិ (សំខិត្តំ).

(សហជាតវារម្បិ…បេ… សម្បយុត្តវារម្បិ បដិច្ចវារសទិសំ.)

អារម្មណបច្ចយោ

២៦៩. កុសលោ សហេតុកោ ចេវ ន ច ហេតុ ធម្មោ កុសលស្ស សហេតុកស្ស ចេវ ន ច ហេតុស្ស ធម្មស្ស អារម្មណបច្ចយេន បច្ចយោ… តីណិ.

អកុសលោ សហេតុកោ ចេវ ន ច ហេតុ ធម្មោ អកុសលស្ស សហេតុកស្ស ចេវ ន ច ហេតុស្ស ធម្មស្ស អារម្មណបច្ចយេន បច្ចយោ… តីណិ.

អព្យាកតោ សហេតុកោ ចេវ ន ច ហេតុ ធម្មោ អព្យាកតស្ស សហេតុកស្ស ចេវ ន ច ហេតុស្ស ធម្មស្ស អារម្មណបច្ចយេន បច្ចយោ… តីណិ (សំខិត្តំ).

២៧០. អារម្មណេ នវ, អធិបតិយា សត្ត, អនន្តរេ បញ្ច…បេ… សហជាតេ តីណិ…បេ… ឧបនិស្សយេ នវ…បេ… អវិគតេ តីណិ (សំខិត្តំ).

នហេតុយា នវ, នអារម្មណេ នវ (សំខិត្តំ).

អារម្មណបច្ចយា នហេតុយា នវ (សំខិត្តំ).

នហេតុបច្ចយា អារម្មណេ នវ (សំខិត្តំ).

(យថា កុសលត្តិកេ បញ្ហាវារំ, ឯវំ វិត្ថារេតព្ពំ.)