១-៧. បដិច្ចវារាទិ
បច្ចយចតុក្កំ
ហេតុបច្ចយោ
២៥៣. កុសលំ ហេតុសម្បយុត្តំ ធម្មំ បដិច្ច កុសលោ ហេតុសម្បយុត្តោ ធម្មោ ឧប្បជ្ជតិ ហេតុបច្ចយា. (១)
អកុសលំ ហេតុសម្បយុត្តំ ធម្មំ បដិច្ច អកុសលោ ហេតុសម្បយុត្តោ ធម្មោ ឧប្បជ្ជតិ ហេតុបច្ចយា. (១)
អព្យាកតំ ហេតុសម្បយុត្តំ ធម្មំ បដិច្ច អព្យាកតោ ហេតុសម្បយុត្តោ ធម្មោ ឧប្បជ្ជតិ ហេតុបច្ចយា. (១) (សំខិត្តំ.)
២៥៤. ហេតុយា តីណិ, អារម្មណេ តីណិ…បេ… អវិគតេ តីណិ (សំខិត្តំ).
នអធិបតិយា តីណិ…បេ… នវិប្បយុត្តេ តីណិ (សំខិត្តំ).
(សហជាតវារម្បិ…បេ… សម្បយុត្តវារម្បិ បដិច្ចវារសទិសំ.)
ហេតុ-អារម្មណបច្ចយា
២៥៥. កុសលោ ហេតុសម្បយុត្តោ ធម្មោ កុសលស្ស ហេតុសម្បយុត្តស្ស ធម្មស្ស ហេតុបច្ចយេន បច្ចយោ. (១)
អកុសលោ ហេតុសម្បយុត្តោ ធម្មោ អកុសលស្ស ហេតុសម្បយុត្តស្ស ធម្មស្ស ហេតុបច្ចយេន បច្ចយោ. (១)
អព្យាកតោ ហេតុសម្បយុត្តោ ធម្មោ អព្យាកតស្ស ហេតុសម្បយុត្តស្ស ធម្មស្ស ហេតុបច្ចយេន បច្ចយោ. (១)
កុសលោ ហេតុសម្បយុត្តោ ធម្មោ កុសលស្ស ហេតុសម្បយុត្តស្ស ធម្មស្ស អារម្មណបច្ចយេន បច្ចយោ… តីណិ.
អកុសលោ ហេតុសម្បយុត្តោ ធម្មោ អកុសលស្ស ហេតុសម្បយុត្តស្ស ធម្មស្ស អារម្មណបច្ចយេន បច្ចយោ… តីណិ.
អព្យាកតោ ហេតុសម្បយុត្តោ ធម្មោ អព្យាកតស្ស ហេតុសម្បយុត្តស្ស ធម្មស្ស អារម្មណបច្ចយេន បច្ចយោ… តីណិ (សំខិត្តំ).
២៥៦. ហេតុយា តីណិ, អារម្មណេ នវ, អធិបតិយា សត្ត, អនន្តរេ បញ្ច, សមនន្តរេ បញ្ច, សហជាតេ តីណិ, ឧបនិស្សយេ នវ…បេ… អវិគតេ តីណិ (សំខិត្តំ).
នហេតុយា នវ, នអារម្មណេ នវ (សំខិត្តំ).
ហេតុបច្ចយា នអារម្មណេ តីណិ (សំខិត្តំ).
នហេតុបច្ចយា អារម្មណេ នវ (សំខិត្តំ).
(យថា កុសលត្តិកេ បញ្ហាវារំ, ឯវំ វិត្ថារេតព្ពំ.)