១-៧. បដិច្ចវារាទិ

បច្ចយចតុក្កំ

ហេតុ-អារម្មណបច្ចយា

២៥៧. អកុសលំ ហេតុវិប្បយុត្តំ ធម្មំ បដិច្ច អព្យាកតោ ហេតុវិប្បយុត្តោ ធម្មោ ឧប្បជ្ជតិ ហេតុបច្ចយា. (១)

អព្យាកតំ ហេតុវិប្បយុត្តំ ធម្មំ បដិច្ច អព្យាកតោ ហេតុវិប្បយុត្តោ ធម្មោ ឧប្បជ្ជតិ ហេតុបច្ចយា. (១)

អកុសលំ ហេតុវិប្បយុត្តញ្ច អព្យាកតំ ហេតុវិប្បយុត្តញ្ច ធម្មំ បដិច្ច អព្យាកតោ ហេតុវិប្បយុត្តោ ធម្មោ ឧប្បជ្ជតិ ហេតុបច្ចយា. (១)

អព្យាកតំ ហេតុវិប្បយុត្តំ ធម្មំ បដិច្ច អព្យាកតោ ហេតុវិប្បយុត្តោ ធម្មោ ឧប្បជ្ជតិ អារម្មណបច្ចយា. (១) (សំខិត្តំ.)

២៥៨. ហេតុយា តីណិ, អារម្មណេ ឯកំ, អធិបតិយា ឯកំ…បេ… អវិគតេ តីណិ (សំខិត្តំ).

នហេតុ-នអារម្មណបច្ចយា

២៥៩. អព្យាកតំ ហេតុវិប្បយុត្តំ ធម្មំ បដិច្ច អព្យាកតោ ហេតុវិប្បយុត្តោ ធម្មោ ឧប្បជ្ជតិ នហេតុបច្ចយា. (១)

អកុសលំ ហេតុវិប្បយុត្តំ ធម្មំ បដិច្ច អព្យាកតោ ហេតុវិប្បយុត្តោ ធម្មោ ឧប្បជ្ជតិ នអារម្មណបច្ចយា. (១)

អព្យាកតំ ហេតុវិប្បយុត្តំ ធម្មំ បដិច្ច អព្យាកតោ ហេតុវិប្បយុត្តោ ធម្មោ ឧប្បជ្ជតិ នអារម្មណបច្ចយា. (១)

អកុសលំ ហេតុវិប្បយុត្តញ្ច អព្យាកតំ ហេតុវិប្បយុត្តញ្ច ធម្មំ បដិច្ច អព្យាកតោ ហេតុវិប្បយុត្តោ ធម្មោ ឧប្បជ្ជតិ នអារម្មណបច្ចយា (សំខិត្តំ).

២៦០. នហេតុយា ឯកំ, នអារម្មណេ តីណិ, នអធិបតិយា តីណិ…បេ… នោវិគតេ តីណិ. (សំខិត្តំ).

(សហជាតវារម្បិ…បេ… សម្បយុត្តវារម្បិ បដិច្ចវារសទិសំ.)

ហេតុ-អារម្មណ-អនន្តរបច្ចយា

២៦១. អកុសលោ ហេតុវិប្បយុត្តោ ធម្មោ អព្យាកតស្ស ហេតុវិប្បយុត្តស្ស ធម្មស្ស ហេតុបច្ចយេន បច្ចយោ. (១)

អកុសលោ ហេតុវិប្បយុត្តោ ធម្មោ អកុសលស្ស ហេតុវិប្បយុត្តស្ស ធម្មស្ស អារម្មណបច្ចយេន បច្ចយោ. អកុសលោ ហេតុវិប្បយុត្តោ ធម្មោ អព្យាកតស្ស ហេតុវិប្បយុត្តស្ស ធម្មស្ស អារម្មណបច្ចយេន បច្ចយោ. (២)

អព្យាកតោ ហេតុវិប្បយុត្តោ ធម្មោ អព្យាកតស្ស ហេតុវិប្បយុត្តស្ស ធម្មស្ស អារម្មណបច្ចយេន បច្ចយោ. អព្យាកតោ ហេតុវិប្បយុត្តោ ធម្មោ អកុសលស្ស ហេតុវិប្បយុត្តស្ស ធម្មស្ស អារម្មណបច្ចយេន បច្ចយោ. (២)

អកុសលោ ហេតុវិប្បយុត្តោ ធម្មោ អកុសលស្ស ហេតុវិប្បយុត្តស្ស ធម្មស្ស អនន្តរបច្ចយេន បច្ចយោ. អកុសលោ ហេតុវិប្បយុត្តោ ធម្មោ អព្យាកតស្ស ហេតុវិប្បយុត្តស្ស ធម្មស្ស អនន្តរបច្ចយេន បច្ចយោ. (២)

អព្យាកតោ ហេតុវិប្បយុត្តោ ធម្មោ អព្យាកតស្ស ហេតុវិប្បយុត្តស្ស ធម្មស្ស អនន្តរបច្ចយេន បច្ចយោ. អព្យាកតោ ហេតុវិប្បយុត្តោ ធម្មោ អកុសលស្ស ហេតុវិប្បយុត្តស្ស ធម្មស្ស អនន្តរបច្ចយេន បច្ចយោ. (២) (សំខិត្តំ.)

២៦២. ហេតុយា ឯកំ, អារម្មណេ ចត្តារិ, អនន្តរេ ចត្តារិ, សមនន្តរេ ចត្តារិ, សហជាតេ តីណិ, អញ្ញមញ្ញេ ឯកំ, និស្សយេ ចត្តារិ, ឧបនិស្សយេ ចត្តារិ…បេ… អវិគតេ ចត្តារិ (សំខិត្តំ).

នហេតុយា បញ្ច, នអារម្មណេ បញ្ច (សំខិត្តំ).

ហេតុបច្ចយា នអារម្មណេ ឯកំ (សំខិត្តំ).

នហេតុបច្ចយា អារម្មណេ ចត្តារិ (សំខិត្តំ).

(យថា កុសលត្តិកេ បញ្ហាវារំ, ឯវំ វិត្ថារេតព្ពំ.)