១-៧. បដិច្ចវារាទិ

បច្ចយចតុក្កំ

ហេតុបច្ចយោ

២៣១. អជ្ឈត្តារម្មណំ ហេតុំ ធម្មំ បដិច្ច អជ្ឈត្តារម្មណោ ហេតុ ធម្មោ ឧប្បជ្ជតិ ហេតុបច្ចយា. (១)

ពហិទ្ធារម្មណំ ហេតុំ ធម្មំ បដិច្ច ពហិទ្ធារម្មណោ ហេតុ ធម្មោ ឧប្បជ្ជតិ ហេតុបច្ចយា. (១) (សំខិត្តំ.)

២៣២. ហេតុយា ទ្វេ, អារម្មណេ ទ្វេ…បេ… អវិគតេ ទ្វេ (សំខិត្តំ).

នអធិបតិយា ទ្វេ, នបុរេជាតេ ទ្វេ, នបច្ឆាជាតេ ទ្វេ, នអាសេវនេ ទ្វេ, នវិបាកេ ទ្វេ, នវិប្បយុត្តេ ទ្វេ (សំខិត្តំ).

(សហជាតវារម្បិ…បេ… សម្បយុត្តវារម្បិ បដិច្ចវារសទិសំ វិត្ថារេតព្ពំ.)

ហេតុ-អារម្មណបច្ចយា

២៣៣. អជ្ឈត្តារម្មណោ ហេតុ ធម្មោ អជ្ឈត្តារម្មណស្ស ហេតុស្ស ធម្មស្ស ហេតុបច្ចយេន បច្ចយោ. (១)

ពហិទ្ធារម្មណោ ហេតុ ធម្មោ ពហិទ្ធារម្មណស្ស ហេតុស្ស ធម្មស្ស ហេតុបច្ចយេន បច្ចយោ. (១)

អជ្ឈត្តារម្មណោ ហេតុ ធម្មោ អជ្ឈត្តារម្មណស្ស ហេតុស្ស ធម្មស្ស អារម្មណបច្ចយេន បច្ចយោ. អជ្ឈត្តារម្មណោ ហេតុ ធម្មោ ពហិទ្ធារម្មណស្ស ហេតុស្ស ធម្មស្ស អារម្មណបច្ចយេន បច្ចយោ. (២)

ពហិទ្ធារម្មណោ ហេតុ ធម្មោ ពហិទ្ធារម្មណស្ស ហេតុស្ស ធម្មស្ស អារម្មណបច្ចយេន បច្ចយោ. ពហិទ្ធារម្មណោ ហេតុ ធម្មោ អជ្ឈត្តារម្មណស្ស ហេតុស្ស ធម្មស្ស អារម្មណបច្ចយេន បច្ចយោ. (២) (សំខិត្តំ.)

២៣៤. ហេតុយា ទ្វេ, អារម្មណេ ចត្តារិ, អធិបតិយា តីណិ, អនន្តរេ ចត្តារិ, សមនន្តរេ ចត្តារិ, ឧបនិស្សយេ ចត្តារិ…បេ… អវិគតេ ទ្វេ (សំខិត្តំ).

នហេតុយា ចត្តារិ, នអារម្មណេ ចត្តារិ (សំខិត្តំ).

ហេតុបច្ចយា នអារម្មណេ ទ្វេ (សំខិត្តំ).

នហេតុបច្ចយា អារម្មណេ ចត្តារិ (សំខិត្តំ).

(យថា កុសលត្តិកេ បញ្ហាវារំ, ឯវំ វិត្ថារេតព្ពំ.)

នហេតុបទំ