១-៧. បដិច្ចវារាទិ

បច្ចយចតុក្កំ

ហេតុបច្ចយោ

២៣៥. អជ្ឈត្តារម្មណំ នហេតុំ ធម្មំ បដិច្ច អជ្ឈត្តារម្មណោ នហេតុ ធម្មោ ឧប្បជ្ជតិ ហេតុបច្ចយា. (១)

ពហិទ្ធារម្មណំ នហេតុំ ធម្មំ បដិច្ច ពហិទ្ធារម្មណោ នហេតុ ធម្មោ ឧប្បជ្ជតិ ហេតុបច្ចយា. (១) (សំខិត្តំ.)

ហេតុយា ទ្វេ, អារម្មណេ ទ្វេ…បេ… អវិគតេ ទ្វេ (សំខិត្តំ).

(សហជាតវារម្បិ…បេ… សម្បយុត្តវារម្បិ បដិច្ចវារសទិសំ វិត្ថារេតព្ពំ.)

អារម្មណបច្ចយោ

២៣៦. អជ្ឈត្តារម្មណោ នហេតុ ធម្មោ អជ្ឈត្តារម្មណស្ស នហេតុស្ស ធម្មស្ស អារម្មណបច្ចយេន បច្ចយោ (សំខិត្តំ).

អារម្មណេ ចត្តារិ, អធិបតិយា តីណិ, អនន្តរេ ចត្តារិ, ឧបនិស្សយេ ចត្តារិ…បេ… អវិគតេ ទ្វេ (សំខិត្តំ).

នហេតុយា ចត្តារិ, នអារម្មណេ ចត្តារិ (សំខិត្តំ).

អារម្មណបច្ចយា នហេតុយា ចត្តារិ (សំខិត្តំ).

នហេតុបច្ចយា អារម្មណេ ចត្តារិ (សំខិត្តំ).

(យថា កុសលត្តិកេ បញ្ហាវារំ, ឯវំ វិត្ថារេតព្ពំ.)