១-៧. បដិច្ចវារាទិ

បច្ចយចតុក្កំ

ហេតុបច្ចយោ

២២២. អជ្ឈត្តំ ហេតុំ ធម្មំ បដិច្ច អជ្ឈត្តោ ហេតុ ធម្មោ ឧប្បជ្ជតិ ហេតុបច្ចយា. (១)

ពហិទ្ធា ហេតុំ ធម្មំ បដិច្ច ពហិទ្ធា ហេតុ ធម្មោ ឧប្បជ្ជតិ ហេតុបច្ចយា. (១) (សំខិត្តំ.)

២២៣. ហេតុយា ទ្វេ, អារម្មណេ ទ្វេ…បេ… អវិគតេ ទ្វេ (សំខិត្តំ).

នអធិបតិយា ទ្វេ, នបុរេជាតេ ទ្វេ, នបច្ឆាជាតេ ទ្វេ, នអាសេវនេ ទ្វេ, នវិបាកេ ទ្វេ, នវិប្បយុត្តេ ទ្វេ (សំខិត្តំ).

(សហជាតវារម្បិ…បេ… សម្បយុត្តវារម្បិ បដិច្ចវារសទិសំ វិត្ថារេតព្ពំ.)

ហេតុអារម្មណបច្ចយាទិ

២២៤. អជ្ឈត្តោ ហេតុ ធម្មោ អជ្ឈត្តស្ស ហេតុស្ស ធម្មស្ស ហេតុបច្ចយេន បច្ចយោ. (១)

ពហិទ្ធា ហេតុ ធម្មោ ពហិទ្ធា ហេតុស្ស ធម្មស្ស ហេតុបច្ចយេន បច្ចយោ.

អជ្ឈត្តោ ហេតុ ធម្មោ អជ្ឈត្តស្ស ហេតុស្ស ធម្មស្ស អារម្មណបច្ចយេន បច្ចយោ. អជ្ឈត្តោ ហេតុ ធម្មោ ពហិទ្ធា ហេតុស្ស ធម្មស្ស អារម្មណបច្ចយេន បច្ចយោ. (២)

ពហិទ្ធា ហេតុ ធម្មោ ពហិទ្ធា ហេតុស្ស ធម្មស្ស អារម្មណបច្ចយេន បច្ចយោ. ពហិទ្ធា ហេតុ ធម្មោ អជ្ឈត្តស្ស ហេតុស្ស ធម្មស្ស អារម្មណបច្ចយេន បច្ចយោ. (២)

២២៥. អជ្ឈត្តោ ហេតុ ធម្មោ អជ្ឈត្តស្ស ហេតុស្ស ធម្មស្ស អធិបតិបច្ចយេន បច្ចយោ. (១)

ពហិទ្ធា ហេតុ ធម្មោ ពហិទ្ធា ហេតុស្ស ធម្មស្ស អធិបតិបច្ចយេន បច្ចយោ. (១)

អជ្ឈត្តោ ហេតុ ធម្មោ អជ្ឈត្តស្ស ហេតុស្ស ធម្មស្ស អនន្តរបច្ចយេន បច្ចយោ. (១)

ពហិទ្ធា ហេតុ ធម្មោ ពហិទ្ធា ហេតុស្ស ធម្មស្ស អនន្តរបច្ចយេន បច្ចយោ. (១) (សំខិត្តំ.)

២២៦. ហេតុយា ទ្វេ, អារម្មណេ ចត្តារិ, អធិបតិយា ទ្វេ, អនន្តរេ ទ្វេ, សមនន្តរេ ទ្វេ, សហជាតេ ទ្វេ, អញ្ញមញ្ញេ ទ្វេ, និស្សយេ ទ្វេ, ឧបនិស្សយេ ចត្តារិ…បេ… អវិគតេ ទ្វេ (សំខិត្តំ).

នហេតុយា ចត្តារិ, នអារម្មណេ ចត្តារិ (សំខិត្តំ).

ហេតុបច្ចយា នអារម្មណេ ទ្វេ (សំខិត្តំ).

នហេតុបច្ចយា អារម្មណេ ចត្តារិ (សំខិត្តំ).

(យថា កុសលត្តិកេ បញ្ហាវារំ, ឯវំ វិត្ថារេតព្ពំ.)

នហេតុបទំ