១-៧. បដិច្ចវារាទិ

បច្ចយចតុក្កំ

ហេតុបច្ចយោ

២២៧. អជ្ឈត្តំ នហេតុំ ធម្មំ បដិច្ច អជ្ឈត្តោ នហេតុ ធម្មោ ឧប្បជ្ជតិ ហេតុបច្ចយា. (១)

ពហិទ្ធា នហេតុំ ធម្មំ បដិច្ច ពហិទ្ធា នហេតុ ធម្មោ ឧប្បជ្ជតិ ហេតុបច្ចយា. (១) (សំខិត្តំ.)

២២៨. ហេតុយា ទ្វេ, អារម្មណេ ទ្វេ…បេ… អវិគតេ ទ្វេ (សំខិត្តំ).

នហេតុយា ទ្វេ, នអធិបតិយា ទ្វេ…បេ… នវិប្បយុត្តេ ទ្វេ (សំខិត្តំ).

(សហជាតវារម្បិ…បេ… សម្បយុត្តវារម្បិ បដិច្ចវារសទិសំ វិត្ថារេតព្ពំ.)

អារម្មណបច្ចយោ

២២៩. អជ្ឈត្តោ នហេតុ ធម្មោ អជ្ឈត្តស្ស នហេតុស្ស ធម្មស្ស អារម្មណបច្ចយេន បច្ចយោ. អជ្ឈត្តោ នហេតុ ធម្មោ ពហិទ្ធា នហេតុស្ស ធម្មស្ស អារម្មណបច្ចយេន បច្ចយោ. (២)

ពហិទ្ធា នហេតុ ធម្មោ ពហិទ្ធា នហេតុស្ស ធម្មស្ស អារម្មណបច្ចយេន បច្ចយោ. ពហិទ្ធា នហេតុ ធម្មោ អជ្ឈត្តស្ស នហេតុស្ស ធម្មស្ស អារម្មណបច្ចយេន បច្ចយោ. (២) (សំខិត្តំ.)

២៣០. អារម្មណេ ចត្តារិ, អធិបតិយា ចត្តារិ, អនន្តរេ ទ្វេ …បេ… ឧបនិស្សយេ ចត្តារិ…បេ… អវិគតេ ឆ (សំខិត្តំ).

នហេតុយា ឆ, នអារម្មណេ ឆ (សំខិត្តំ).

អារម្មណបច្ចយា នហេតុយា ចត្តារិ (សំខិត្តំ).

នហេតុបច្ចយា អារម្មណេ ចត្តារិ (សំខិត្តំ).

(យថា កុសលត្តិកេ បញ្ហាវារំ, ឯវំ វិត្ថារេតព្ពំ.)