១-៧. បដិច្ចវារាទិ

បច្ចយចតុក្កំ

ហេតុបច្ចយោ

១៨០. មិច្ឆត្តនិយតំ ហេតុំ ធម្មំ បដិច្ច មិច្ឆត្តនិយតោ ហេតុ ធម្មោ ឧប្បជ្ជតិ ហេតុបច្ចយា. (១)

សម្មត្តនិយតំ ហេតុំ ធម្មំ បដិច្ច សម្មត្តនិយតោ ហេតុ ធម្មោ ឧប្បជ្ជតិ ហេតុបច្ចយា. (១)

អនិយតំ ហេតុំ ធម្មំ បដិច្ច អនិយតោ ហេតុ ធម្មោ ឧប្បជ្ជតិ ហេតុបច្ចយា. (១) (សំខិត្តំ.)

១៨១. ហេតុយា តីណិ, អារម្មណេ តីណិ, អធិបតិយា តីណិ…បេ… វិបាកេ ឯកំ…បេ… អវិគតេ តីណិ (សំខិត្តំ).

នអធិបតិយា ទ្វេ, នបុរេជាតេ ទ្វេ, នបច្ឆាជាតេ តីណិ, នអាសេវនេ ឯកំ, នវិបាកេ តីណិ, នវិប្បយុត្តេ ទ្វេ (សំខិត្តំ).

(សហជាតវារម្បិ …បេ… សម្បយុត្តវារម្បិ បដិច្ចវារសទិសំ វិត្ថារេតព្ពំ.)

ហេតុ-អារម្មណបច្ចយាទិ

១៨២. មិច្ឆត្តនិយតោ ហេតុ ធម្មោ មិច្ឆត្តនិយតស្ស ហេតុស្ស ធម្មស្ស ហេតុបច្ចយេន បច្ចយោ. (១)

សម្មត្តនិយតោ ហេតុ ធម្មោ សម្មត្តនិយតស្ស ហេតុស្ស ធម្មស្ស ហេតុបច្ចយេន បច្ចយោ. (១)

អនិយតោ ហេតុ ធម្មោ អនិយតស្ស ហេតុស្ស ធម្មស្ស ហេតុបច្ចយេន បច្ចយោ. (១)

មិច្ឆត្តនិយតោ ហេតុ ធម្មោ អនិយតស្ស ហេតុស្ស ធម្មស្ស អារម្មណបច្ចយេន បច្ចយោ. (១)

សម្មត្តនិយតោ ហេតុ ធម្មោ អនិយតស្ស ហេតុស្ស ធម្មស្ស អារម្មណបច្ចយេន បច្ចយោ. (១)

អនិយតោ ហេតុ ធម្មោ អនិយតស្ស ហេតុស្ស ធម្មស្ស អារម្មណបច្ចយេន បច្ចយោ. (១)

អនិយតោ ហេតុ ធម្មោ មិច្ឆត្តនិយតស្ស ហេតុស្ស ធម្មស្ស អារម្មណបច្ចយេន បច្ចយោ. (១)

សម្មត្តនិយតោ ហេតុ ធម្មោ សម្មត្តនិយតស្ស ហេតុស្ស ធម្មស្ស អធិបតិបច្ចយេន បច្ចយោ. សម្មត្តនិយតោ ហេតុ ធម្មោ អនិយតស្ស ហេតុស្ស ធម្មស្ស អធិបតិបច្ចយេន បច្ចយោ. (២)

អនិយតោ ហេតុ ធម្មោ អនិយតស្ស ហេតុស្ស ធម្មស្ស អធិបតិបច្ចយេន បច្ចយោ. (១)

អនន្តរបច្ចយាទិ

១៨៣. មិច្ឆត្តនិយតោ ហេតុ ធម្មោ អនិយតស្ស ហេតុស្ស ធម្មស្ស អនន្តរបច្ចយេន បច្ចយោ. (១)

សម្មត្តនិយតោ ហេតុ ធម្មោ អនិយតស្ស ហេតុស្ស ធម្មស្ស អនន្តរបច្ចយេន បច្ចយោ. (១)

អនិយតោ ហេតុ ធម្មោ អនិយតស្ស ហេតុស្ស ធម្មស្ស អនន្តរបច្ចយេន បច្ចយោ. អនិយតោ ហេតុ ធម្មោ មិច្ឆត្តនិយតស្ស ហេតុស្ស ធម្មស្ស អនន្តរបច្ចយេន បច្ចយោ. អនិយតោ ហេតុ ធម្មោ សម្មត្តនិយតស្ស ហេតុស្ស ធម្មស្ស អនន្តរបច្ចយេន បច្ចយោ. (៣)

១៨៤. មិច្ឆត្តនិយតោ ហេតុ ធម្មោ មិច្ឆត្តនិយតស្ស ហេតុស្ស ធម្មស្ស ឧបនិស្សយបច្ចយេន បច្ចយោ. មិច្ឆត្តនិយតោ ហេតុ ធម្មោ អនិយតស្ស ហេតុស្ស ធម្មស្ស ឧបនិស្សយបច្ចយេន បច្ចយោ. (២)

សម្មត្តនិយតោ ហេតុ ធម្មោ សម្មត្តនិយតស្ស ហេតុស្ស ធម្មស្ស ឧបនិស្សយបច្ចយេន បច្ចយោ. សម្មត្តនិយតោ ហេតុ ធម្មោ អនិយតស្ស ហេតុស្ស ធម្មស្ស ឧបនិស្សយបច្ចយេន បច្ចយោ. (២)

អនិយតោ ហេតុ ធម្មោ អនិយតស្ស ហេតុស្ស ធម្មស្ស ឧបនិស្សយបច្ចយេន បច្ចយោ. អនិយតោ ហេតុ ធម្មោ មិច្ឆត្តនិយតស្ស ហេតុស្ស ធម្មស្ស ឧបនិស្សយបច្ចយេន បច្ចយោ. អនិយតោ ហេតុ ធម្មោ សម្មត្តនិយតស្ស ហេតុស្ស ធម្មស្ស ឧបនិស្សយបច្ចយេន បច្ចយោ. (៣) (សំខិត្តំ.)

១៨៥. ហេតុយា តីណិ, អារម្មណេ ចត្តារិ, អធិបតិយា តីណិ, អនន្តរេ បញ្ច, សមនន្តរេ បញ្ច, សហជាតេ តីណិ…បេ… ឧបនិស្សយេ សត្ត…បេ… អវិគតេ តីណិ (សំខិត្តំ).

នហេតុយា សត្ត, នអារម្មណេ សត្ត (សំខិត្តំ).

ហេតុបច្ចយា នអារម្មណេ តីណិ (សំខិត្តំ).

នហេតុបច្ចយា អារម្មណេ ចត្តារិ (សំខិត្តំ).

(យថា កុសលត្តិកេ បញ្ហាវារំ, ឯវំ វិត្ថារេតព្ពំ.)

នហេតុបទំ