១-៧. បដិច្ចវារាទិ

បច្ចយចតុក្កំ

ហេតុបច្ចយោ

១៨៦. មិច្ឆត្តនិយតំ នហេតុំ ធម្មំ បដិច្ច មិច្ឆត្តនិយតោ នហេតុ ធម្មោ ឧប្បជ្ជតិ ហេតុបច្ចយា… តីណិ.

សម្មត្តនិយតំ នហេតុំ ធម្មំ បដិច្ច សម្មត្តនិយតោ នហេតុ ធម្មោ ឧប្បជ្ជតិ ហេតុបច្ចយា. សម្មត្តនិយតំ នហេតុំ ធម្មំ បដិច្ច អនិយតោ នហេតុ ធម្មោ ឧប្បជ្ជតិ ហេតុបច្ចយា. សម្មត្តនិយតំ នហេតុំ ធម្មំ បដិច្ច សម្មត្តនិយតោ នហេតុ ច អនិយតោ នហេតុ ច ធម្មា ឧប្បជ្ជន្តិ ហេតុបច្ចយា. (៣)

អនិយតំ នហេតុំ ធម្មំ បដិច្ច អនិយតោ នហេតុ ធម្មោ ឧប្បជ្ជតិ ហេតុបច្ចយា. (១)

មិច្ឆត្តនិយតំ នហេតុញ្ច អនិយតំ នហេតុញ្ច ធម្មំ បដិច្ច អនិយតោ នហេតុ ធម្មោ ឧប្បជ្ជតិ ហេតុបច្ចយា. (១)

សម្មត្តនិយតំ នហេតុញ្ច អនិយតំ នហេតុញ្ច ធម្មំ បដិច្ច អនិយតោ នហេតុ ធម្មោ ឧប្បជ្ជតិ ហេតុបច្ចយា. (១) (សំខិត្តំ.)

១៨៧. ហេតុយា នវ, អារម្មណេ តីណិ, អធិបតិយា នវ…បេ… វិបាកេ ឯកំ…បេ… អវិគតេ នវ (សំខិត្តំ).

បច្ចនីយំ

នហេតុបច្ចយោ

១៨៨. អនិយតំ នហេតុំ ធម្មំ បដិច្ច អនិយតោ នហេតុ ធម្មោ ឧប្បជ្ជតិ នហេតុបច្ចយា (សំខិត្តំ).

នហេតុយា ឯកំ, នអារម្មណេ បញ្ច, នអធិបតិយា តីណិ…បេ… នោវិគតេ បញ្ច (សំខិត្តំ).

ហេតុបច្ចយា នអារម្មណេ បញ្ច (សំខិត្តំ).

នហេតុបច្ចយា អារម្មណេ ឯកំ (សំខិត្តំ).

(សហជាតវារម្បិ…បេ… សម្បយុត្តវារម្បិ បដិច្ចវារសទិសំ វិត្ថារេតព្ពំ.)

អារម្មណ-អធិបតិ-អនន្តរបច្ចយា

១៨៩. មិច្ឆត្តនិយតោ នហេតុ ធម្មោ អនិយតស្ស នហេតុស្ស ធម្មស្ស អារម្មណបច្ចយេន បច្ចយោ. (១)

សម្មត្តនិយតោ នហេតុ ធម្មោ អនិយតស្ស នហេតុស្ស ធម្មស្ស អារម្មណបច្ចយេន បច្ចយោ. (១)

អនិយតោ នហេតុ ធម្មោ អនិយតស្ស នហេតុស្ស ធម្មស្ស អារម្មណបច្ចយេន បច្ចយោ. អនិយតោ នហេតុ ធម្មោ មិច្ឆត្តនិយតស្ស នហេតុស្ស ធម្មស្ស អារម្មណបច្ចយេន បច្ចយោ. អនិយតោ នហេតុ ធម្មោ សម្មត្តនិយតស្ស នហេតុស្ស ធម្មស្ស អារម្មណបច្ចយេន បច្ចយោ. (៣)

១៩០. មិច្ឆត្តនិយតោ នហេតុ ធម្មោ មិច្ឆត្តនិយតស្ស នហេតុស្ស ធម្មស្ស អធិបតិបច្ចយេន បច្ចយោ… តីណិ.

សម្មត្តនិយតោ នហេតុ ធម្មោ សម្មត្តនិយតស្ស នហេតុស្ស ធម្មស្ស អធិបតិបច្ចយេន បច្ចយោ. សម្មត្តនិយតោ នហេតុ ធម្មោ អនិយតស្ស នហេតុស្ស ធម្មស្ស អធិបតិបច្ចយេន បច្ចយោ. សម្មត្តនិយតោ នហេតុ ធម្មោ សម្មត្តនិយតស្ស នហេតុស្ស ច អនិយតស្ស នហេតុស្ស ច ធម្មស្ស អធិបតិបច្ចយេន បច្ចយោ. (៣)

អនិយតោ នហេតុ ធម្មោ អនិយតស្ស នហេតុស្ស ធម្មស្ស អធិបតិបច្ចយេន បច្ចយោ. អនិយតោ នហេតុ ធម្មោ សម្មត្តនិយតស្ស នហេតុស្ស ធម្មស្ស អធិបតិបច្ចយេន បច្ចយោ. (២)

មិច្ឆត្តនិយតោ នហេតុ ធម្មោ អនិយតស្ស នហេតុស្ស ធម្មស្ស អនន្តរបច្ចយេន បច្ចយោ. (១)

សម្មត្តនិយតោ នហេតុ ធម្មោ អនិយតស្ស នហេតុស្ស ធម្មស្ស អនន្តរបច្ចយេន បច្ចយោ. (១)

អនិយតោ នហេតុ ធម្មោ អនិយតស្ស នហេតុស្ស ធម្មស្ស អនន្តរបច្ចយេន បច្ចយោ. អនិយតោ នហេតុ ធម្មោ មិច្ឆត្តនិយតស្ស នហេតុស្ស ធម្មស្ស អនន្តរបច្ចយេន បច្ចយោ. អនិយតោ នហេតុ ធម្មោ សម្មត្តនិយតស្ស នហេតុស្ស ធម្មស្ស អនន្តរបច្ចយេន បច្ចយោ. (៣) (សំខិត្តំ.)

១៩១. អារម្មណេ បញ្ច, អធិបតិយា អដ្ឋ, អនន្តរេ បញ្ច, សមនន្តរេ បញ្ច, សហជាតេ នវ, អញ្ញមញ្ញេ តីណិ, និស្សយេ តេរស, ឧបនិស្សយេ សត្ត…បេ… អវិគតេ តេរស (សំខិត្តំ).

នហេតុយា តេរស, នអារម្មណេ តេរស, នអធិបតិយា តេរស (សំខិត្តំ).

អារម្មណបច្ចយា នហេតុយា បញ្ច (សំខិត្តំ).

នហេតុបច្ចយា អារម្មណេ បញ្ច (សំខិត្តំ).

(យថា កុសលត្តិកេ បញ្ហាវារំ, ឯវំ វិត្ថារេតព្ពំ.)