១-៧. បដិច្ចវារាទិ
បច្ចយចតុក្កំ
ហេតុបច្ចយោ
១៦៧. បរិត្តារម្មណំ ហេតុំ ធម្មំ បដិច្ច បរិត្តារម្មណោ ហេតុ ធម្មោ ឧប្បជ្ជតិ ហេតុបច្ចយា. (១)
មហគ្គតារម្មណំ ហេតុំ ធម្មំ បដិច្ច មហគ្គតារម្មណោ ហេតុ ធម្មោ ឧប្បជ្ជតិ ហេតុបច្ចយា. (១)
អប្បមាណារម្មណំ ហេតុំ ធម្មំ បដិច្ច អប្បមាណារម្មណោ ហេតុ ធម្មោ ឧប្បជ្ជតិ ហេតុបច្ចយា. (១) (សំខិត្តំ.)
ហេតុយា តីណិ, អារម្មណេ តីណិ…បេ… វិគតេ តីណិ, អវិគតេ តីណិ (សំខិត្តំ).
នអធិបតិយា តីណិ, នបុរេជាតេ តីណិ, នបច្ឆាជាតេ តីណិ, នអាសេវនេ តីណិ, នវិបាកេ តីណិ, នវិប្បយុត្តេ តីណិ (សំខិត្តំ).
(សហជាតវារម្បិ …បេ… សម្បយុត្តវារម្បិ បដិច្ចវារសទិសំ វិត្ថារេតព្ពំ.)
ហេតុ-អារម្មណបច្ចយា
១៦៨. បរិត្តារម្មណោ ហេតុ ធម្មោ បរិត្តារម្មណស្ស ហេតុស្ស ធម្មស្ស ហេតុបច្ចយេន បច្ចយោ. (១)
មហគ្គតារម្មណោ ហេតុ ធម្មោ មហគ្គតារម្មណស្ស ហេតុស្ស ធម្មស្ស ហេតុបច្ចយេន បច្ចយោ. (១)
អប្បមាណារម្មណោ ហេតុ ធម្មោ អប្បមាណារម្មណស្ស ហេតុស្ស ធម្មស្ស ហេតុបច្ចយេន បច្ចយោ. (១)
បរិត្តារម្មណោ ហេតុ ធម្មោ បរិត្តារម្មណស្ស ហេតុស្ស ធម្មស្ស អារម្មណបច្ចយេន បច្ចយោ. បរិត្តារម្មណោ ហេតុ ធម្មោ មហគ្គតារម្មណស្ស ហេតុស្ស ធម្មស្ស អារម្មណបច្ចយេន បច្ចយោ. (២)
មហគ្គតារម្មណោ ហេតុ ធម្មោ មហគ្គតារម្មណស្ស ហេតុស្ស ធម្មស្ស អារម្មណបច្ចយេន បច្ចយោ. មហគ្គតារម្មណោ ហេតុ ធម្មោ បរិត្តារម្មណស្ស ហេតុស្ស ធម្មស្ស អារម្មណបច្ចយេន បច្ចយោ. (២)
អប្បមាណារម្មណោ ហេតុ ធម្មោ អប្បមាណារម្មណស្ស ហេតុស្ស ធម្មស្ស អារម្មណបច្ចយេន បច្ចយោ. អប្បមាណារម្មណោ ហេតុ ធម្មោ បរិត្តារម្មណស្ស ហេតុស្ស ធម្មស្ស អារម្មណបច្ចយេន បច្ចយោ. អប្បមាណារម្មណោ ហេតុ ធម្មោ មហគ្គតារម្មណស្ស ហេតុស្ស ធម្មស្ស អារម្មណបច្ចយេន បច្ចយោ. (៣) (សំខិត្តំ.)
១៦៩. ហេតុយា តីណិ, អារម្មណេ សត្ត, អធិបតិយា សត្ត, អនន្តរេ នវ, សមនន្តរេ នវ, ឧបនិស្សយេ នវ…បេ… អវិគតេ តីណិ (សំខិត្តំ).
នហេតុយា នវ, នអារម្មណេ នវ (សំខិត្តំ).
ហេតុបច្ចយា នអារម្មណេ តីណិ (សំខិត្តំ).
នហេតុបច្ចយា អារម្មណេ សត្ត (សំខិត្តំ).
(យថា កុសលត្តិកេ បញ្ហាវារំ, ឯវំ វិត្ថារេតព្ពំ.)